حياة مضلمة 🔗💔

حياة مضلمة ( 7 ) 🔥

ي توفيق : بكري مقهمز في القهوة اني ومحمد يخش هواا قعد يكلم فيناا بعدين طلع ونحصلو عليه اني ومحمد
👇🏻👇🏻👇🏻
حدفناه في صندوق سيارة محمد ونمشو بيه لحوازتنا يلي في الجبل طبعا مفيش حد يمشيلها الا اني والولاد مرة مرة )
نوصلو ونزلوه نعطوله طريحة نباش القبور قريب مات ( خواف انور عيل هيبة الجسم ع الفاضي ) صوروه صوره للذكرى وههوا وجهه مخرب ضاع جماله كله ،اصلا يستاهل تفه ع هكي شكالات
المهم روحنا وخليناه غادي محبوس في الاستراحة
مرام : حييي علاش هكي ي روحي وكان تصير حاجة باهي توا ولا يفقدوه ويشكو فيكم 😭
توفيق : لا لا حبيبتي متخافيش علينا حني اصلا الحوازة هادي ميمشيلها حد ولا في حد يعرفها ولا خااايفة على انور انتي مش عليا اني😑
مرار : هههه مصحك تيي من هوا اصلا بش ندوره يمشي مرض😅
توفيق : شوي حبيبتي تو توصلك صورته كيف شكله العيل هدا
مرام : 😳😳 صورته
توفيق : اي اي شكله يخوف غر ركزي في شكله
مرام : وصلتها الصورة ، حيييي نهااار احررفف شنن هدااا وجهه مخرب تخريييب😱
توفيق : ايي هدا لي يحاول يقرب من مرتي
مرام : تبكي ، نحبك ي فرخ ننححببكككك 😭❤️
توفيق : نموت فيك ي بقرتي انتي ي مرتي 🤤
بعد شويي ....
احمد : مراااااااااااااامم
مرام : 😳😳 احمد ينادي حبي شوي تو نكلمك باهي شكله طعشن فيه يخوف كيف ينادي
توفيق : لا لا متخافيش انشاء الله كل خير
مرام : انشاء الله 😥
( مرام حست انه في حاجة مسحت كل شي يخص الولاد من هاتفها بسرعة ونزلت )
احمد : تجي ولا نركبلككككك
مرام : سكر فمك جيت شن تبي
احمد : هاتفك وين 😠
مرام : خيره هاتفي شن تبيه 😦
احمد : هاتيه خير ما نكسره على راسك
مرام : طلعتهوله من جيبها ، هاك 😏
احمد : افتحي النم 😤
مرام : مفتوح 😑
احمد : فتشه كله ملقي شي ولا حتى حاجة تخليه يشك فيها😮 ، حذفه قاللها تراا حاولي تلعبي ي فرخة راسك يتكسر ، طلع وقربه الباب
مرام : خايفة لاكن تضحك لانه ملقي شي ينشك فيه 😬😂
ناجية : غباااارتك شن مدايرة ي فرخة😱
مرام : مش مدايرة شي ي ماما ولدك من بكري لما ركبت نجري لي داري عرفته بيكلمني درت احتياطاتي في كل شي وخلاص😁
ناجية : ميطلع منك ي فرخة كان اني راهو نسيت لقطة بكري وممسحت شي وكلين الدق علي راسي
مرام : هههه هديكا انتي لاكن اني متعودة عليه فرخك هدا شكاك 😂
ناجية : ههه باهي شنو وين توفيق وكيف مفضحكش احمد تكلمي فيه اني قاعدة مش مصدقة وحق ربي
مرام : قاعد ي ماما كنت نكلم فيه قلتله شوي نمشي لي احمد ينادي قاللي تمام امتى نكلمك  قلت خليها بعد العشي تو نكلمك اني ع النت
ناجية : ي عاااصب ميطلع منك  ي فرخة تخوفي وحق الله جنية 😈 مشاء الله
مرام : شكرا حبوقة 😁😂
ناجية : واااااك ي درااه الكلمة هادي قداااش معبية نفاق تيي معش تقوليهالي
مرام : عارفة غير نبي نحرقلك دمك شوي😁
ناجية : أمشي اقلبي وجهك بوك قريب يروح ديريله عشي
مرام : باهييي 😑🙄🙄
ناجية : بسرعة باهي 😶
.......
مرام في المطبخ يخش عليها عبدو خوها
عبدو : اشييي من يطيب مرام طعوين حمار بيموت 😂
مرام : هيهيهي كونش انت الحمار 😏
عبدو : هههه بري وانتي لسانك ملوي على رقبتك 3 ولا4 مرات مش عارف من بيرضى ياخد وحدة زيك اني 😬😂
مرام : اقلب وجهك جنب امك امشي بلا برادة وطول لسان
عبدو : رجع ضربها ع ضهرها ( بسالة طبعا مش قاصد حاجة ) مش اني لي ينقالي اقلب وجهك
مرام : اييي توا نقلب وجهي اني وانت طيب العشي لي بوك باهي 😑😑
عبدو : تيي باهي خلاص تو نقلب وجهي 😂
مرام كملت تطيب وكل شي دارتلهم مكرونة باشاميل اول مرة تطيب مش هداك التطيب لاكن جت حلوة
محمد : مشاء الله والله بنتي الصغيرة طلعت تعرف تطيب
مرام تحشمت 🤤❤️ خدت صحنها ومشت بش تكلم توفيق
حكتله لي صار وفجاءة ....
يتبع .......