حياة مضلمة 🔗💔

حياة مضلمة ( 6 ) 🔥

مرام : كيف جاية بتتكلم يتصل بيها رقم ، من هدا زعما
ناجية : ردي بالك توفيق باهي 🤨😑
مرام : لا لا مش توفيق رقمه نعرفه هداك
ناضت بترد وهوباا مفاجاة لقت قدامها احمد خوهاارتبكت مرام هلبا وخاتف مشت تجري لي دارها هوا مقربهاش بس شك فيها لان وجهها كان اصفر واضح فيه حاجة
مرام : الوو
حنين : اهلا ي حلوة 😏🤪
مرام : شافت للهاتف انخلعت ، ايوا منو
حنين : ي حنتي الحنانة اني حبيبت حبيبك
مرام : خافت اكتر نعممم من حبيبي انشاء الله وشن تبي مني ومن وين جايبة رقمي
حنين : انيي حنوو حبيبة انور ي قلبي عليه تعرفي ميرو ديما يحكيلي كيف انتي تضايقي فيه لما تكلمي فيه هلبا وتتصلي بيه قاللي كلميها تبعد عليا احسن ما يصير حاجة تانية
( صوتها كان زي السكاكين في قلبها وتبكي )
مرام : عدلت صوتها وقالت ضاروري ما نردها اني نوريهكم ي فروخ ، ايوااا حنووو ضرتي القديمة كيف الحال شن مدايرة مع راجلك وتضحك ضحكة شماته 😏بس قلبها كان محروق
حنين : توترت امم تمام الحمد لله بخير لولاك ي قلبي
مرام : ههههه ي روحي عليك وخلاص اسمعيني بنقولك كلمتين وخليهم في ودنك انتي واللي باعتك تكلميني باهي اني انور هدا ليا 3 ولا 4 شهور منفصلة عنه وباعدة عليه من يوم لي كلمتيني انتي واكيد تتدكري انتي وقتها وعشت حياتي بكل حرية ومعش دورته وزيادة هوا قاعد يلحق فيا وامس بس كلمني من رقم جديد ويبيني نرجعله حتى مش مصدقة دايرتله تسجيل اني
واييي قبل ما ننسى خوديه ي قلبي حلال عليك و حرام عليا لاني متعودة نلوح فضلتي للكلاب اني تشااااووو 😏😂😂
حنين : استني استني تعالي نبيك
مرام : نعمم شن عندك
حنين : امتى كلمتك اني !!
مرام : 😂😂😂 شن وحدة تانية يعني اصلا اهو كلمة وبنقولهالك انور يكلم في اكتر من 20 بنت يوميا متعبيش روحك وتقوديله
حنين : مصدومة في كلام مرام لانها كانت صغيرة من وين يطلع منها كل هدا 😳 ( لاكن مرام تقدها وتقد الكلاب لي زيها هيا وأنور)
حنين : سكرت الخط من مرام وانهمرت تبكي كانت تبي مرام تبكي لاكن بكت هيا وخلت مرات فرحانة لانها شبه خدت بي تارها
.............
توفيق : ي محححممماااااددد تععاااللىى ( ينادي في الشارع )😂😂
محمد : تيي نقص صوتك شن تحساب روحك اني جيت
نعم 😁
توفيق : اسمعني نبي نحصل على انور معتوق ندير فدين امه مقلب نخليه يتمنى يموت ولا يشوف وجهي
محمد : خيرك علاش شن دايريلك
توفيق : تخيل يكلم في البنت لي نبيها يضايق فيها وكل يوم يخلي فيها تبكي واني منتحملش نسمع صوتها لما تكلمني وقداش ليها يوم مش ع وضعها طعشن مداير تبي تدير معاي ولا نمشي بروحي😤
محمد : لا لا معاك ي عشيري وين تمشي بروحك انت وخيي وهيا زي اختي منرضى فيها شي
( مرام كانت ديما محبوبة عند الكل  هكي وعمرها مترد حد ولا تكسر خاطر حد سملا عليها😇 )
توفيق : اسمعني راه مش عارف شن ندير تي كان نشوفه قدامي وحق ربي مش عارف شن بنديرله احتمال نقتله متخليشي يجي قدام وجهي بكل 😤😏
محمد : تمام هي توا نمشو شوي للقهوة من جهة تهدى ومن جهة تانية نفكرو كويس
توفيق : تيي قول انك جعان وخلاص😂
محمد : هههه اي هكي عاد وريني سنونك الصفر الحلوات ايي والله جعان يحبي 😭😂😂
( مشوو للقهوة قعدو يفكرو شن يديرو وفجاءة يخش انور للقهوة اووباااا وين تلقو توفيق عاد عيونه شرار مش طايق يشوفه
انور : اووو شباب شجوو شالمور شديرو هني
توفيق : شن قهوة بوك هيا شن نديرو هني شن تشوف فينا 😠
انور : تيي خيرك شايط انت خلاص تمسكتنا اهو خيره ي محمد هدا مشيط تقول قاتل مرت اني
محمد : اسسس واطلع من الموضوع توفيق مضايق ومتنرفز ميبيش يكلم حد
انور : شن يتوحم عليا يعني 🌚
توفيق : تييي اقلب وجهك خير ما نحشيه فالطاولة توااا !!
محمد : شبح لي انور ع جنب واشرله بعيونه اطلع 😠😑
( طلع انور وهوا خايف من توفيق مع انه كان اكبر منه وأطول واعرض منه لاكن توفيق طريقة تفكيره زي الشيطان تخليك تخاف منه ولو خطة في رأسه يعني خلاص انت انتهيت
...... نرجعو شوي لمرام
ناجية : مرااام هيي تعالي كملي لي كنتي تقولي فيه
مرام : ايااح نسيت اني كنت مع ماما
باهي ي ماامااااا انيي جااييية
نزلت تجري
ناجية : شن منو كان يتصل بيك
مرام : ااه اا لا لا هادي صاحبتي من هاتف امها
ناجية : اهاا باهي كملي هي من توفيق هدا
مرام : حكت لي امها قصة توفيق كلها ( وامها تعصبت لانها مرام صغيرة ومفروض مترتبطش لاكن فرحت لانها حكتلها ومدرقت عليها شي )
ناجية : باهي كويس اني نقول لي بوك وهوا يشوف صرفة ليكم ( تبصر عليها طبعا 😂)
مرام : هههه اي اي قوليله بش غدوا جنازتي اني
ناجية : اي بنقوله ، استني كاني كنت نشوف في خاتم ولا حاجة مع البوكيه
مرام : ههه اي لابساته شوفيه ي ماما حلو ذوقه ولا شن رايك راه 🤤
ناجية : عجبها ( كان خاتم فضة رقيق وفيه ماسة في النص مش كبيرة ومش صغيرة حلوو نازك ويمشي مع أيديها لانهم صغار )
اششششي على بنتي اشي حتى خواتها محصلوش هكي
مرام : ههه نصيبات ي ماما 🤷🏻‍♀️😂
ناجية : تحبيه ي فرخة
مرام : تحشمت 🙊 بعدين قامت راسها قالت اي نحبه وعلاش منحباش وفصلت من الضحك
( خوات مرام كانو بآيتين عند خالتها ليهم اسبوع ميدرو على شي ومرام ديما طلعات هيا وامها ويدهورو كانها عندها مرام بس لانها كانت تبي تمشي معاهم لاكن في نفس الوقت متبيش تخلي امها بروحها )
__________
توفيق : الوو مرومتي 🤤❤️
مرام : عيون مرومتك حبيبي
توفيق : قاعد يناشب فيك هداكا 😑
مرام : اممم كلمتني بنت بكري ع خاطره تبي تهزني تخليني نبكي مشي خليتها تبكي وسكرت عليها اصلا خلاص معش بندورهم فروخ😏
توفيق : ايوااا حبي هكي نبيك اني ديما ، حقااا بنقولك حاجة ☺️🔥
مرام : تفضل حبيبي
توفيق : خديتلك حقك من انور تالت ومتلت وتوا ولا تفكري انه يكلمك ولا ح تشوفيه في حياتك تاني
مرام : حاااااااق كيف شن درت 🤭
توفيق : تو نحكيلك اصبري عليا بس !
مرام : نسمع هي
توفيق : بكري مقهمز في القهوة اني ومحمد يخش هواا قعد يكلم فيناا بعدين طلع ونحصلو عليه اني ومحمد و .......
______________________________
يتبع ...