انا وراشد متزوجين لينا خمسة سنييين وعندنا ولد عمرو تلاته سنيين اسمو ليث ❤ .. علاقتنا بدت من الجامعه عرفنا بعض في اخر سنتين لي وبعد اتخرجتا عرسنا طوالي ...
ممكن اقول انو نحنا فولة واتقسمت نصين 😂😂 .. نفس الطباع ونفس الاخلاق ... والزهج وصرة الوش زاتها .. اتنين تؤام بس 😂😂✋ .. وعلى طول السنين التمنيه دي انا كل يوم حبي بزيد ليهو .. لحدي اليوم بنتعامل كأننا عرسنا .. حافظنا على علاقتنا بكل مانقدر وما خلينا زول يدخل نصنا .. لاني انا بريدو شديييد ماكنتا بقبل كلمة فيهو .. وهو بنفس الطريقه يهبشو اي زول الا مرتو سندس✋
خاتيني جوهرة بعييييدة مافي زول يقررب منها .. ونسابتي كانو بحترموووني شديييد .. وبقولو لي حبيبة راشد ليومنا ده ... راشد و رنا اختو بس .. وانا عندي اخوي عمار واختي دنيا ...
بعد سنتين من العرس جبتا ليث .. وسميناهو على صاحب راشد من الطفولة بريييدو شديييد اصلو .. وكل ما ليث يكبر كان شوية كان بيلهيني عن راشد وبيتي .. رغم اننا عايشين قريييب لي نسابتي وبفصلنا شارع .. بس بعبييدة من اهلي ..
بعد عمليتي بتاعت ليث .. الدكتور قال لي ماممكن تجيبي اولاد لانو اتعرضتي لالتهابات واتضررتي شديييد .. طبعا الخبر كان بالنسبه لي صدمة .. بس وقف معاي راجلي ... وقواني وماحسسني يوم اني ناقصه شي 💔 كان بحسسني بالراحه وبي كلامو الحلوو كنتا برتاح في قربو ❤ رغم انو الخبر بالنسبه لي مصيبه كانت بس حمدتا الله وقعدتا .. ثقتي في راشد قوتني في نفسي. .. كنتا متمسكه بيهو شديييد ... وكاني طفلتو واتربيت على يدو ❤ ..
ما كان بحسسني انو موضوع الذرية ده مهم عندو اكتر مني .. عشان كده ماحصل جاب سيره يعرس تاني فيني ابدا .. كان بالعكس بقول دايما انو ماحيشوف غيري ابدا وانو مكتفي بي برااي ..
في مدينة بحري ❤ وجوا بيتنا .. وفي صباح يوم الجمعه .. صحيت على صووت حنيييين شدييييد ...
راشد: حبيييبي انا ❤ مش مفروووض تجهزي بعد كده .. قومي خلاص من النوووم راجيانا طلعه بعد ده ...
انا: راشد خليني انوووم شوووية نعسااانه يااخ ...
راشد: سندس قووومي .. عشان ما اقرم ليك اضااانك دي
انا: ابييييت .. نعساااانة خليني يااخ حبيييبي 😘😘
راشد: ايوا تماام .. اخدي راحتك .. انا بعرف ليك كووويس ..
انا: هيي مشى ،😍 يعني انوووم 😍😍
" وبعد خمسة دقااايق احس بي اصابع زول صغييييرة بكلكلني .. وابيت افتح ... حسيت انو اصابع زول كبييييرة بتكلكلني تاني😂😂😂 .. "
ليث : .. ماما اتي ناايمة ... بابا تال ليت قووومي تالييين لي حبوووبة .. ماما اتي لي تعملي خوووخ خووخ
راشد: عليك الله ياولدي شفتها بتشخر كييف ومستحملها ده كلوو 😂😂 الله يديني الصبر
انا: راشد اقسم بالله اقوم عليك اورررييييك الجن .. خليتوني اتلول زي الثعبان في السرييير😒😒
راشد وليث:قوووومي قووومي .. وبقو بكلكلو ويجروني من شعري ... عشان اقوم من النوم 😒😒
انا: ااااخ يا الله
استغفر الله ... عملتا شنو انا ..
ليث: ماما عملت. ثنووو 😕😕
راشد .: ههههههه سندس الولد بقى ببغاء بي وراااك 😂😂
انا: انت حيوان وولدك حيوان اكتر منك .. 💦👊👋😒 واتقلعو من وشي الساعه دي طيرتو النوووم زاتو ..
" وقمتا صاااره وشي ودخلتا الحمام اتجهز "
راشد: ليث ماما دي بتقوم من النوم كده زي منو
ليث: زي الشيطاانه ..
راشد:😂😂😂 شاااطر ولدي
انا: راااااشد انا سامعاااااااك 😒😒
راشد : الليله حتجي تدقنا وتهرسنا في الواطه دي ..
ليث: بابا انت تلتا ثنوو ..
راشد:قلتا شنووو 😳😳 اها افضحني قبل ما امك تجي ..
ليث: تلتا ماما شعرها منكووش .. وبتفتح خشمها لما تنوم ..
راشد: ياولد هس هس✋👊👋
انا: راشد ده شنو البتعلمو للولد ده ..
وقعدنا نتجارى في الغرفه وليث بضحك فينا قايلنا بنلعب .. وفي الاخر وقعنا فيهو وحضنت ليث علي شديييد .. حضن الصباح ❤😍 ..
وراشد بعاين لينا كده مسااافه .. قررب مننا ورقد في كتفي وقال لي .. مش قلتا ليييك زماان حتحبيهو اكتر مني 💔 وانا حغيييير منو ..
وبقيت اتخجل كاننا لسه في الجامعه مجكسين واقول ليهو راشد قووم ..عيب قدام الولد الحركات دي ياخ😒👊 ..
وراشد حلف مايرفع راسو ويقول لي ليث .. دي حبييبتي انا .. وحقتي .. لما ليث كان بصر ليهو 😡😡 ويقول لي ماما عايني ده 😂😂😂 ... ولا كأنو ده ابوهو هو ..
ودايما شكلتهم دي كنتا بحلها بي الكتف اليمين لي ليث❤❤ .. والكتف الشمال لي راشد ❤..
واحنا مفروض كان نقوم نتجهز عشان نمشي لي ناس ام راشد .. لانو الجمعه دي عليهم .. ❤
بس راشد عندو عادة لو ما صحى من الصباح ورقد في الكتف الشمال زي نص ساعه ويتونس شووويه في راسي حتى يقوم على الشغل
