صحيت الصباح مبسوطة شوية❤ اتلفتا لقيت راشد نايم قلتا لو نزلتا حاصحيهو احسن اقعد لحدي مايصحى براهو 💓 .. بقيت بتامل في ملامحو وبهبش في لحيتو وعيونو وبدون ما انتبه صحيتو 💓 فتح عاين لي وانا جنبو ابتسم بس وبقى بعاين لي ... والتلفون ضرب 😒 وقطع لي اخوي اللحظات دي 😒 ...
راشد: ههههه .. يا ابو النسب مالك علينا من وش الصبح
عمار: معليش شكلو ازعجتكم ! من الصباح
راشد: ما ازعجتنا .. ازعجتنا شديييد 😒 ...
انا خجلتا وقلتا اقوم اشوف ليث .. ☺ بس لما جيت اقوم مسكني من يدي وابى يفكني .. وانا بقيت بقاوي فيهو😂😂😂 ... وبحمر ليهو لانو ماسك التلفون .. وعمار شغال يكورك الووو الووو سامعني
راشد: اي سامعك احكي،😂😂😂
وبدا عمار يحكي ليهو قصتو مع رنا .. وهو وانا بنتعابط ويجرني واجرو وانا شغاله بعيوني واتكلم براحه عشان عمار مايسمع .. لحدي ما وقعتا في الارض وهو وقع بي وراي من الجر والهباله 😂😂
عمار: 😳😳 اليله ده شنووو😳😳
شكلو ضربتا في وقت غلط 😳😳 وقفل الخط سريييع ..
وانا فكيت الضحكه وراشد زاتو 😂😂😂 .... جا ليث بعد ماصحا لقانا واقعين واي واحد بضحك في التاني😂.. استغرب طبعا وقال لي ماما مالتم 😳.. في ثنو يا ماما😳😳
راشد: امك ابت تحضني 😂😂 لماخلتنا نحضن الارض 😂😂
انا: راشد😂😂😂👋👊 .. هس عيييب ماتقول كده قدام الولد ..
ليث تعال حبييبي 😘😘 ...
راشد: خلاص حبييبك جا .. حاقوم اخليكم وامشي الشغل بس قبل كده حاعمل ليكم شاي الصباح 😘😘
انا: ييييي ليث الشاي حيعملو منو😘 حيعلمو باااباا😘😘
راشد: بو اليخنقكك 😒😒 .. من بتين انا ابوك👊
انا: بقيت بتعاور وبتكلم زي ليث .. انا مث بتك 😂😂😂
... راشد:👋😒 قومي طيب يابتي .. وجراني من شعري
انا: خلاص اقسم بالله ولا بعرفك زاتو
راشد: حيوانة😂😂😂😂😂💔💔
....
عمل لينا الشاي وشربناهو سووا كلنا .. وطلع هو لي امجد ❤قابل امجد وقعد معاهو .. قبل الشغل ...
امجد: والله لو ما قلتا ليك ضروري ما كان جيتك بعد القلتو اليوم داك ..
راشد: امبارح كنتا مع عمتي
امجد:اها؟!
راشد: قالت لي عرس ..
امجد: دي ما حاجه جديدة كل مرة بتقول كده عشان. دايراك لي بتها
راشد: بس المرة دي اقنعتني ..
امجد : بالجد!؟
راشد: بحجه اجيب اولاد
امجد: بس هي لو عارفاك عندك زوله ماكان اقنعتك
راشد: رجعتا البيت متاخر ولقيت سندس عيانه
امجد: من البتعمل فيهو ده يا راشد
راشد: انا بحبها وبحبها شدييييد .. امبارح لما شفتها بالحاله دي خفتا عليها شدييييد
امجد:حيرتني زاتو😒😒
راشد: انا مشووووش شديد 😵
امجد: انتا جايط نفسك براك وماداير تسمع الكلام...
راشد: 😞 تعبتا والله
امجد: اقعد برااااك قلتا ليك وفكر وقرر.. شوف نفسك انتا بتحب قمر بالجد ولا دي علاقه عابره .. عشان كان في ضغط ومشاكل في البيت وده غير انو سندس اهملتك .. قلتا تفتش الارهاق ده بره .. اقعد وشوف قلبك وعقلك دايرين منو عشان ماتظلم قمر وما تظلم سندس ..
لو لقيت روحك داير قمر امشي عرسها وربنا حلل ليك كده .. بس لو مادايرها اوووعك تظلمها ... واذا لقيت نفسك مفروض ترجع لمرتك وولدك .. ارجع لي حياتك الحلوة ... انا حاخليك تفكر وتقرر وتحسم الموضوع سريييع ... قبل ما الوضع يطلع من سيطرتك .. يلا سلام
....
قعد راشد وفكر في كلام امجد ولقى نفسو عمل كده عشان المشاكل.. اتذكر ايام الجامعه وشهر العسل وايام تعبتا ومرضتا .. واتذكر الايام الحلوة .. ومشاعرو ما خانتو وعرف انو بحب مرتو بس...
في الوقت ده اتصل الدكتور على ام قمر ...
الدكتور: السلام عليكم معاي الاستاذه محاسن والدة قمر محمد
محاسن: ايوة معاك ام قمر خير
الدكتور: معاك دكتور اسامه .. بنتك قمر فحوصاتها بتاعت الراس لما وقعت في الشغل طلعت .. امجد كان اداني رقمك وقال لي حتستلميها
ام قمر: ان شاء الله اجي امر واستلمها
الدكتور: مع السلامه ..
ام قمر: الله يسلمك يادكتور... اماااني يا اماااني
اماني: اي ياخالتو
ام قمر: انا طالعه المستشفى اجيب ورق قمر بعد ساعه كده
انتي ماعندك شغل الليله .. تقعدي هنا وتحرسي البت دي وما القاها طلعت ابدا ابدا ...
اماني: حاضر ياخالتو .. بس كده ماصح هي بت كبيره ماصاح نجبرها ونحبسها
ام قمر: ماشغلتك انتي بالصاح😡😡 قايلاني ناسيه انك كنتي عارفه بي راشد متزوج وعندو ولد 😡😡
اماني': اسفه خلاص سكتها ..
...
راشد بعد قرر وعرف نفسو وخلاص حيرجع لي .. ضرب لي تلفون
انا: ايوووة راشد !!
راشد: ما بقولو راشد بقولو حبييبي
انا:😊 حبييبي طيب.. مالك 😊
راشد: اشتقتا ليك....
انا: ☺☺☺ راشد بالجد مالك
راشد: تتذكري لما كنا في الجامعه وازعل منك .. تقومي تسكتي وتحومي في راسي عشرة مرات وانتي بتقولي لي اسفه 😂😂😂 لما ازهج من الطواف واقول ليك خلاص ياخ زهجتيني ما تحجي في راسي واترزعي كفايه😂😂😂
انا: ااااي 😂😂😂😂😂😂 كنتا لايوقه خلاص
راشد : وللان يا مرة😂😂😂
انا: 😒😒 حيوااان 👋👊 .. وانتا نسيت روحك لما تزعلني كنتا وتقعد تعتذر وتعتذر واقفل الخط في وشك .. وترجع تقول لي.. ابوووي وامي ما عملو حركتك دي 😡😡😡 اقسم بالله لو ما خايف تتبدهلي وتتعولقي وتحبي كم راجل ما كان لميتك 😂😂😂
" وبقينا نتذكر في ايام الجامعه والجكس ونقول مواقفنا الحلوة واللحزات البريئه ونسينا روحنا وسرحنا بالكلام 😉"
راشد: اسمعيني.. تلبسي توبك وتمشي تووزعي ولدك ده عند ناس امي .. انا جاي اقعد معاااك وما ماشي الشغل .. داير احضر فيلم حلوو كده مفاجأة لما اجيبو😉
انا: تمام طيب😘 يا حبي بس اوزع ليث وارجع
راشد: يلا انا في الطريق ...
....
مشيت لي ام راشد وجبتا ليها ليث .. وغشيت الدكان شلتا فشار ..
مشيت نضفتا البيت وبخرتو وعملتا الفشار😍😘 .. واستحميت واتعطرتا ولبستا فستان قصير بس على الجسم سااادة كلو باللون الاسود .. ومع لوني ورفعتا شعري كعكعه وروج خفييف ...
وحضرتا مكان الفيلم ... جا راشد دخل ونفسياتنا كانت باااينه انها متغيرة 😍😍😍 .. من الباب سلم علي كاننا عرسان يادوب ...
ودخل استحما وغير وجينا قعدنا بنحضر وناكل في الفشار ...
راشد: حبييبي تعالي هنا جنبي
انا: طيب☺ ومشيت قعدتا معاهو على نفس الكنبه .. بس ما كفاهو وقرب مني شويه شويه وختى يدو في كتفي .. وانا اتكلتا على كتفو .. راشد: مشتاقه لي😊
انا: شديييييد ... ☺☺
راشد: ارفعي راسك طيب شويه بس
انا: ابيييت 😂😂
راشد: يابت
انا: عارفاك عايز تعمل شنو😂😂😂ابيت
راشد: ☺☺☺ طيب عشاني☺☺
وطوالي استسلمتا ورفعتا راسي وحصل الحصل
" وقطعت جهيزة قول كل خطيب😉"
......
ام قمر وصلت للدكتور ... واستقبلها ودخلت المكتب وراها صور الاشعه وقال ليها لازم اشرح وضع قمر
ام قمر: خير يادكتور ..
الدكتور: بصراحه ....
