وصلتا شارع النيل .. لقيت قمر منتظراني ... وقاعدة في نفس مكان راشد .. مشيت قعدتا جنبها في الارض وقلتا ليها .. اتكلمي سرييع انا ما بقدر اقعد كتيير ..
قمر: عشان حامل صح !
انا: طيب ماهدي انتي عارفه بتساليني لييه
قمر: 😊 ابتسمت كده وسكتت
انا: خييير دايراني في شنو؟؟
قمر: لييك شهر ماشفتي راشد .. والشهر ده راشد كان معاي فيهو
انا: اي عاارفه .. وماتخافي حنتطلق قرييب
قمر: عشان حياتكم اتقلبت لما دخلتها ..
انا: لا ماعشانك .. بس بقينا ما بنتفاهم ما اكتر من كده والمشاكل كترت والطلاق انسب حل
قمر: انتي بتغشي على نفسك ولا علي؟
انا: قمر مالك في شنو.. ياريت تتكلمي بي وضوح ..
قمر: انتي عارفه .. راشد وهو جنبي وبقعد وبتونس وبياكل وبشرب وبهظر ومرات بمسك يدي
" اتغظتا كبعا شديييد بس كتمتها😡😡"
قمر: ومرات كتييرة بضحكني بنكت عشان ما ازعل ولما ابكي برضو بجيب لي حاجات هبله .. زي فيديوهات الهيلاهوب .. مابحبها بس بضحك برضو لانو انا جنبو مرتاحه وبحس بي امان ماعادي وبكون مبسوووطة شديييد وهو قريب مني ..
" شويه سكتت وانا اصلا ساكته وبسمع فيها .. وبعد شويه بكت 😢 .. بقيت بعاين ليها مستغربه وكملت كلامها.. "
سندس انا مهما حكيت ليك عن حنيتو وطيبتو .. وحبو البسيط ومعاملتو الحلوة البتخلي اي بت تحبو وتتعلق بيهو
انا: اي راشد وبعرفو كووويس،💔
قمر: سندس انا حبيييتو حبيتو شديييد .. ماقدرتا ابعد منو ثانيه وماقدرتا اشاركك فيهو.. دايراهو لي برااي ..
بس وهو جنبي انا شايفه عقلو وين وقلبو وين .. نهاائي ما معاي كنتا بعاين جووة عيونو وهو بكون همو في مكان تاني .. اي بضحك وبتونس واي شي بعملو ..بس من جواهو ما سعيييد 💔 انا شلتا سعادتو منو . انا اذيتو بسبب حبي ليهو وبعدتو عن اي حاجه هو بحبها .. بعدتو عنك وعن ليث وحرمتو فرحه يكون معاك وجنبك وانتي حامل ..
" والبكا منعها تتم باقي كلامها .. وانا بس بعاين ليها وبسمع فيها "
قمر: كل ما كنتا بسالو من العرس وبتييين حنعرس كان بغير الموضوع .. ماعشان انا مريضه .. بس عشان راشد بحبك ياسندس بريييدك شديييد وما بقدر يعرس غيرك مابتخيل انو يسكن مع مرة تانيه وانك تسيبيهو..
شفتا نظراتو ليكي بتكون كيف 💔 شفتا الحب في عيونو لما يلمحك سااي ان شاء الله لو مبهدلة ومبشتنه نظرات الاعجاب بااينه في عيونو ليكي برااكي ..💔 رغم اني حاولتا اكون زيك وحاولتا اخد مكانك بس ما قدرتا 😢😢 .. ما قدرتا لانو قلبو مشغول بيكي ...
وانا لسه بحبو ولسه بخاف عليهو .. 😢😢 ..
" لاول مرة كنت احن على قمر💔 ورديت ليها"
قمر اي بنت حترتاح جنبو محرد ماتقرب منو لانو راشد❤.. دي طبيعتو كده وما حتتغير الطيبه الجوة قلبو ما حتتغير❤ ..
قمر: فعلا الكيبون للطيبات .. وانا ما عندي طيبتو ياسندس.. ماعندي غير حبي ليهو.. وعشان الحب ده انا حابعد منو .. عسان انا ما اضرو اكتر من كده .. وعشان انا خايفه عليهو مني 💔
انا: قمر ماتقولي كده
قمر: انتي خليتيهو ببساطه .. خليتيهو لوحدة غيرك بسهولة بس عشان ما سقرف من حياتو ..
انا: قمر...
قمر: سندس خلي بالك منو .. راشد ده ليكي براك . لاقمر ولا غيرها بقدرو يشيلوهو منك .. راشد مهما لفى حيرجع لييكي .. ولي حضنك ،
حتى لما تكونو سوا بكون نفسو في اي حاجه بس عشان انتي جنبو .. لو تعبان ومرهق مستعد يقعد يحضر فيلم معاكي وترقدي في كتفو وبكون مبسوووط عشان انتي مبسوطه ..
سندس انا ما شفتا الحب الا في عيون راشد لما تعاين ليكي .. خلي بالك منو وماتفرطي في حبو .. واعفي لي💔
انا: قمر ماتقولي كده .. خلاص عرسيهو وما حتطلق منو
قمر: ههه.. مش قلتا ليكي الطيبون للطيبات ...
انا: انتي زاتك طيبه ياقمر بس الحب بعمل اكتر من كده وبخلي الانسان للحظة يكون اناني بس ما اكتر ..
قمر: انتي بتقولي كده عشان عارفاني في ايامي الاخيرة صح !
انا: لالا والله . ماتقولي كده .. انتي حتعيشي باذن الله .. وحتعيشي مع راشد كمان❤
قنر: ☺ الله يقومك بالسلامه ..
انتي عارفه ياسندس كان نفسي اجيب تؤام من راشد واسميهم ..
علا وفارس .. كان نفسي اعيش معاهو حياة طويلللله ..
" بكت شويه وسكتت 😢😢💔💔"
هسي خلاص قومي ارجعي لي بيتك وراجلك وسلمي لي على راشد.. وقولي ليهو قمر عافيه منك واعفي ليها ..
" قامت مشت ركبت عربيتها وانا بعاين ليها..
حسيت نظراتها غريبه وبعيدة.. نظرة زول حاسي انو حيموت وكانها بتودع فيني وبتقول لي مع السلامه ..
انا ركبتا ورجعتا البيت .. رجعتا لي راشد وحكيت ليهو الحصل لاني كنتا خايفه شديد .. وبعدها رجعتا بيت ابوي ..
راشد شال تلفونو وضرب ليها مارت عليهو .. بقى بتصل وهي بتفصل وما بترد عليهو..
........
🍂🍂🍂🍂🍂🍂🍂🍂
عدت سنه🍃
انا : راااشد راااشد 😡😡
راشد: ياربي الخلقتا الناااس .. في شنو يامرة
انا: ياخ علا بتكورك وبسكت فيها 😰 .. فارس ماعارفاهو مالو من الصباح شكلو عندو مغص ..
راشد:طيب حادخل المطبخ اعمل بزتين واحدة لي علا واحدة لي فارس .. .. دخل عملهم واي واحد مسك رضع زولو ..
انا: راشد البشوفنا كده يضحك فينا 😂😂😂
راشد:😂😂 انتي عامله زي المرة العندها عشرة اطفال😂😂
انا: راشد😏.. بطل ثقاله وقوم افتح الباب.. ليث رجع من الروضه 😒😒
راشد: حاااضر ياسكر انت يا عسل😘😉
انا: يا راجل ..😏
.. وقعدتا افكر برااي .. اااخ يا سندس هسي دينا ورنا حوامل الاتنين .. كان شافو حالتي حيكرهو الولادة زاتو😂😂😂..
علا خلاص هس😏 نووومي نوومي ...عاينتا لي علا مسااافه بعد نومتها واتذكرتا قمر ..
انا السميتهم علا وفارس زي ماقمر نفسها في الاسامي دي..
قمر ما ماتت من المرض...قمر ودعتني اليوم داك .. وركبت عربيتها .. ووقفت جنب مسجد ونامت جووة العربيه .. وكانت اخر نومه ليها 💔 بعدها ماصحت .. امها من الخبر اتشلت .. بقينا بنزورها انا وراشد كل فتره وبتفرح بشوفة راشد كانت بتشوف فيهو قمر💔 ..
وبتفرح بي شوفة التؤام .. كانو اولاد بتها 💔... كلنا حزنا عليها .. وعدت فترة وكملنا حياتنا ..
...
راشد❤ جكس الجامعه❤ والخلط والقعاد تحت المظله .. والبنشات وكفتريات الجامعه ❤ .. راشد الما كنتا متخيله يوم نصل للطلاق ونرجع .. ونحنا ما حصل انفصلنا في الجامعه ..
راشد❤ الكنتا بعاين ليهو وانا طالبه وبقول ياربي حيعرسني ولا بغش علي وحيشبكني الظروف
راشد❤ الجبتا منو ليث وفقدتا الامل انو يكون عندنا اطفال غيرو..
راشد❤ راشد❤
ليوم اللليله كل ما اعاين ليهو.. كانو اتقابلنا صدفه❤ والقدر رسم لينا طريق تاااني .. ورغم الظروف المرينا بيها .. ورغم المآسي العشناها .. ورغم الزعل والدموع والبكا .. 💔💔💔 رغم الفرح ورغم الحب
.. راشد❤ الحضن الوحيد البحسس بالدفى❤
ما اتخيلنا يوم حياتنا تتغير وتدخل بت اسمها قمر.. وتخلي بصمة .. وماحننساها انا وراشد طول ماعايشين ..
قمر السمت علا وفارس قبل ماتودع الدنيا وكانها كانت عارفه انها حتموت بعد لحظات .. واني حاجيب تؤام ولد وبنت ..
ورغم كل شيء.. فضلت انا حبييبة راشد ❤
الاولى والتانيه والتالته والرابعه ❤ ...
وزي ماقالت قمر
" سندس لي راشد.. وراشد لسندس❤"
النهاية👑
💎☺
#سندس_مالك
