و المرة البتغلط تهمل نفسها وبيتها وراجلها ... اكيد حيجي اليوم اليمشي يدور فيهو على قمر بره .. معتنيه بي نفسها وسممحه ولما راجلك يطلب منك حاجات وتتجاهليها .. ولا يقول عايز يتونس شويه معاك وتطنشيهو يبقى الحق عليك لما يفتش بره على زول يونسو .. الكلام ده قالتو امي بعد الحصل حصل ... وتعالو نشوف الحصل و سندس قالت شنوو بعد راشد بقى مشغووول بي قمر !!
....
بديت احس انو راشد ده متغير .. بجي البيت تعبان وعايز ينوم.. ومرات يوم الجمعه برضو بكون شايل تلفونو الوقت كلوو .. استغربتا هو مالو وكم مره بحاول اجي اقعد معاهو بقول لي بكرة في شغل كتيير راجيني .. يعني ما راشد الزمان 😕 طيب مالو .. في شنو حاصل ليهو !؟ والأسئله بدت تدور في راسي .. حتى قلتا احتمال اكون زعلتو اني كنتا دايما مشغوله مع ليث ومافضيت عشانو .. يمكن عشان كده هو مضايق مني !؟
....
وفي يوم الاربع الساعه ١١ مساء جاهو تلفون وانا كنتا راقدة في الغرفه طلع منها بره للصاله عشان يتكلم بي راحتو ..
طبعا استغربتا ده منو الاتصل الوقت ده وقمتا عشان اتنصط ورا البااب وعاينت ليهو ابتسم اول حتى ردا ..
راشد: نورتي التلفون
قمر: بنورررك يااخي راشد
راشد: سهراانه مااالك للوقت ده
قمر: عايزة اقول ليك حاجه بس بشرط
راشد: اها الشرط شنو!
قمر: بكرة اليوم كلوو حقي دايرة افسحك لمحلات ما شفتها قبل كده
راشد: هههههه يازولة .. خلاص موااافق ..تامري بس انتي
" انا طبعا سمعتا المكالمه واتخلعتا دي منو 😳😳 وكانو بقولو في شنو وهو بتضاحك كده ليييه ... بس جريييت سريييع ورقدتا وغمضتا قبل ماهو يجي داخل .. وتاني يوم الصباح قلتا ما اظلمو لسااا
وقلتا ليهو راشد حبييبي
راشد: ايوووة 😘
انا: ممكن نطلع المساء نتعشا بره !؟
راشد: ايووه ممكن بس اشووف اذا خلصتا بدري
انا: حااضر حبييبي
ومشيتو على كده وقلتا اكيد لو كان عندو مشوار ماكان قال حيجيني.. ومشى الشغل وقابل قمر هناك ..
قمر لاقتو من باب الشركة ومسكت يدو .. يلا سرييع سرييع حنرجع
راشد: ههههه يابت بسم الله في شنو ..؟!
قمر: سرييع اركب وبعد كده بوريك ماشييين وييين
راشد: هههه غايتو مجنوونه جن انتي ..
وركبو سوا ووصلو لي مكان حلوو شديد مطل في البحر منتجع راقي فطرو سمك سوا .. وشربو عصيرهم .. واتونسو كتييير مع بعض لحدي الساعه تلاته كده شربو قهوتهم وقمر قالت ليهو الا ننزل تحت للبحر ونقعد حنبو .. ونزلو وقعدو وهي مبسوووطة انها جنبو ... وشايفه الدنيا حلوووة شدييد .. ومرتااحه لانو بعاملها كده ..
راشد: بالمناسبه انتي قلتي لي في موضوع هو شنو قولي يلا سرييييع سامعك ...
قمر خجلت كده ونزلت راسها ☺
راشد: يازولة قوولي 😆😆
قمر: راشد .. انا ...
راشد: انتي شنوو .. 😆😆
قمر: انا بصراااحه
راشد: انتي شنووو احكي ..
قمر: انا بحبك " وسكتت وهي خجلانه"
راشد: ☺☺ بالجد الكلام ده ..
قمر: اي من بدري الكلام ده ... راشد انتا ماعندك مشاعر اتجاهي!
راشد: ممكن ما ارد هسي .. لانو اتخرتي على البيت ويلا اوصلك
...
ومشى وصلها وفي البيت حلفت امو وصحبتها اماني يقعد يشرب الشاي معاهم .. والوقت اتاخر وانا كنتا منتظراهو نطلع سواا ..
بس اتاخر هناك وانا خلاص الشك بقى يقين وعرفتا انو اكيد هو قاعد مع البت الاتكلم معاها امبارح في التلفون ..
واخدو قعدتهم واتونسو وجاني راجع الساعه ١٢ بالليل رغم انو يوم خميس .. اول مافتحتا ليهو الباب وانا زعلانه ..
راشد كنتا وين انتا !؟
راشد: اول قولي لي كيفك
وبديت اعلى صوتي .. رد علي كنتا وييين 😡😡
راشد: سندس😡 وطي صوتك .. ده شنو البتعملي فيهو ده ..
انا: ما بوطي صوتي ... فهمتا ولا لا وانا ماغبيه
" مسكني من زراعي وبقوة ضغطها وهو منفعل .. اووووعك تاني تعلي حسك.ده علي ماتنسي انك مرتي ومفروض تحترميني انا ما صحبك بس ولا حبييبك .. انا راجلك اووعك تعلي صوتك تاني، وفكا يدي وهي معلمه من اثار يدو .. طوالي دخلتا الصالون وقفلتو وبقيت ببكي .. وهو دخل الغرفه رقد جنب ليث وشال تلفونو في لحظه غضب ورسل لي قمر .. انا زاااتي بحبببك شديييد .. هو رسلها في لحظه غضب بس الرساله دي قلبت حياتنا كلها 😔""
طبعا قمر وصلتها وقرتها .. وفرحت شدييييد ... وجرت صحت اماني من النوووم ..
قمر: امااني امااني قووومي😍😍
اماني: يامتخلفه في شنو ..
قمر : راشد راشد 😍😍😍 طلع دايرني
اماني: راشد 😳😳
قمر: ياخ كنتا منتظراهو من بتييين يقولها ..
اماني: قمر لكن انتي عارفه...
وقبل ما تتم ليها ..
قمر: ياخ حتقولي لي خطيبك الزمان وماتتسرعي
اماني: قمر لا لكن..
قمر: انا بحبووو شديييد .. كل يوم اتعلقتا بيهو زيااده
خلاص خلاص نومي❤❤ ربنا يديك واحد زيو
وبعد قمر مشت .. اماني لسه مستغربه .. ياربي هي عارفه انو متزوج وعندو ولد ولا لا .. !؟
ورقدت نااامت تااني 🐸🐸...
...
صحينا الصباح انا وراشد اي واحد صاري للتاني في وشو ...
انا: ليث امشي كلم ابوك انو ماشين لي ناس امي
راشد: ليث قول. لي امك مافي مشي
انا: ليث قول لي ابوك الليله جمعه امي!
راشد: قلتا ليك قول ليها مافي مشي .. 😡😡 وقام دخل الغرفه ..
انا سكتا عشان ليث واكلتو باقي اكلو وفتحتا ليهو التلفزيون ..
ومشيت دخلتا لي راشد جوووه
انا: راشد بتكورك مالك قدام الولد 😡
راشد: ماداير صداع عليك الله يا سندس في راسي ..
انا:،😡😡 ومشيت لفتو علي .. وقلت ليهو لما اتكلم معاك ماتديني ضهرك تاني .. سمعتني ولا لا 😡
راشد: ابتسم كده وهو بعاين لي .. " لما انا احترتا فيهو 😳"
وقررررب شوووويه وعرف يسكتني كييف😉
وليث هناك بكورك يا ماما يا بابا تعالو علي لي الصوت ..😂😂
وامو وابوهو في دنيا تانيه💓
