الدكتور: بنتك قمر من هي صغيرة كانت بتتعرض لدوخات كتيرة .. وكان عندها ضعف دم وكنتو بتدوها دم كل فتره لحدي ماكبرت ..
ام قمر: ايوة يادكتور.. مناعتها كانت ضعييفه من هي صغيره
الدكتور: للاسف لازم اوريك حاله قمر
ام قمر: قول يا دكتور قلقتني
الدكتور: قمر اتنقل ليها دم فيهو مرض والمرض ده ليهو خمسه سنيين في جسمها .. وبالعادة بقعد عشرة سنيين ممكن واعراضو بتظهر في اخر مرحله للمريض .. يعني بيقتل المناعه شويه شويه .. و بعد ما ينتهي من الجسم حتى الاعراض بتظهر واهراضو عاديه جدا .. التهاب ودوخه وطمام بطن واستفراغ والاعراض العادية دي ممكن تصاحب المرض ..
ام قمر: يادكتور قمر عندها شنو
الدكتور: مرض نقص المناعه 😞
ام قمر:؟؟؟
الدكتور: قمر مصابه بالايدز
ام قمر: 😳😳😳😳 مستحيييل يادكتور مستحييييل
وبدت تبكي وتكورك وهو بقى بهدي فيها ... الخبر كان صدمة كبييييرة بالنسبه ليها ... لحدي ما داااخت ووصحت تاني ..
الدكتور: يا ام قمر ماصاح تعملي كده لازم تكوني قويه عشان قمر
ام قمر: يعني بتي حتمووت💔💔
الدكتور: الاعمار بيد الله ... بس قمر في مراحلها الاخيرة ...
ام قمر: بتي حتموووت " وبقت بتبكي"
الدكتور: لازم تمسكي نفسك واعصابك عشان قمر ... ولازم قمر تعرف
ام قمر:لالا اوووعى يادكتور ماحاوريها
الدكتور: لو سمحتي يا ام قمر في الحاله دي لازم نوري المريض حالتو كيف ..عشان يساعدنا بالشفاء
ام قمر: لالا مستحيييل .. بتي حتمووت طوالي لو عرفت ...
الدكتور: طيب ..
" طلعت ام قمر من الدكتور وراسها ملياااان هموووم ومشاكل وماعارفه تعمل شنو ... "
...
انا وراشد كان عيد زواجنا بكرة ❤ وابيت اذكرو وقلتا اخليها مفاجاه .. قضينا اليوم عادي .. وبالمساء قال لي ارح نجيب ليث بس قلتا ليهو خليهو .. نمنا والصباح مشا الشغل وانا بديت تظبيطاات ❤❤ ...
طبعا قمر كانت مختفيه لانو امها منعتها من الطلوع وحبستها وشالت تلفونها .. وراشد ما سال منها وقال مدام هي بعدت براها بعد عرفت اني متزوج احسن اني ما ارجع تاني واخرب الامور اخليها كده وخلاص .. انا اتصلتا على ناس العبد❤ وجهزو لي جاتو حلوو باسامينا .. واحترتا اختار ليهو شنو .. فاتصلتا لقفة فرح وجهزتا ليهو هدية اخترتا طقم بدله حلو وعطر وساعه .. قلتا. عشان يحضر بالبدله عرس رنا وعمار اخوانا لما يجي .. والمفاجاه بعد مانضفت البيت وبخرتو والمسا جا .. فجاة الباب يدق ❤ ... لبستا توب لاني كنتا لابسه رداء جينز وبلوزة كط بيضاء وعامله روج احمر ❤ .. فتحتا الباب ولقيتها بنت .. سالتني مدام سندس؟؟ قلتا ليها ايوة☺
قالت لي : نحنا قفه فرح ...
انا: بس انا اديتها عنوان المكتب 😡 الهدية مفروض تصل لي زوجي قبل المغرب .. هسي حيكون جاي في الطريق 😡😡
البت: 😂 دقيقه يا مدام .. هدية زوجك وصلت في الوقت المحدد
انا: طيب دي شنو😳
البت: زوجك الصباح اتصل قبليك وورانا عنوان البيت بس قال الهدية تجي بعد العشاء ..
انا:😍😍😍😍😍 جد .. اسفه اسفه شديييد ...
البت: ولا يهمك مدام ..
وجيت اقفل الباب راشد وقف العربيه .. جريييت جوه سريييع وقفلتا الانور ... وادسيت ورا باب الغرفه 😂😂😂 راشد دخل ولقى الشموع والورد الاحمر في الارض مرمي والبخور الصندل ❤ واتبسط طبعا وضحك وبقى بنادي فيني ابيت ارد عليهو لحدي ما دخل الغرفه ..
وقفل الباب ... لقاني ورا الباب❤
انا: كل عام وانتا حبييبي وجنبي وشريك عمري الوحيد 😍
راشد: تعالي تعالي ياخ 😍
" وحضني شديييد عليهو ❤❤ وقال لي : وانتي مرتي الوحيدة ❤ وحب حياتي الوحيد ... ربنا يطول عمرك ويخليك لي ومايحرمني منك يوم❤ ... وبعدها سلمتا عليهو😍 ومسكتو من يدو ومشيت معاهو لحدي الصاله لقى الكيكه مولعه شموع وتمينا سته سنييين سوا❤ قطعناها واكلتو واكلني .. وبعدها مشينا للدفتر بتاعنا ❤ كل عيد زواج بنكتب كلام لي بعضنا وبنوقع تحت ❤ ... وبنكتبو قدام بعض .. ومسمين الدفتر تجديد العقد ❤ شلتا القلم وكتبتا ليهو ...
السنه دي اتزاعلنا كتييير ... بس اوعدك مهما زعلنا تاني من بعض اننا مانبعد ولو ثواني لاني مابقدر اعيش لحظة وانتا مافي ... بحببك شديد❤ .. قرا الكلام وابتسم وشال القلم وكتب لي ..
" ماداير حاجه غير انك تكوني معاي وانا مكتفي بيك انتي بس .. خلي بالك من روحك دايما وابقي عليها عشرة واعرفي مهما زعلتك يوم ولا عملتا حاجه ضايقتك .... اني برييدك بس يانور عيوني واني ما بريد زول زيك حنى لو بعدتا عنك يوم "
انا: راشد ماتجيب سيرة البعد ياخ
راشد ابتسم كدة وحسيت بيهو تعبان كده ... قلتا ليهو ارح خلاص ننوم انتا مرهق شكلك ...
راشد: قومي معاي ... ❤ ... " والليله ديك كانت كاننا عرسان يادوووب 😉"
.....
الصباح جا وانا نايمه كنتا ❤ ... وهو جنبي ... قررب شويه وضماني عليهو وشمى عطري وريحه شعري وانا نايمه بعمق شديييد وما حاسه بي اي شي وبقى بتذكر في يوم امبارح في المكتب ... لما كان قاعد بعد الفطور ودخلت عليهو ام قمر .. سلمت عليهو وقعدت وحكت ليهو تصرفات قمر كلها وانها قالت دايره تعرسو وسكتت ..
راشد: والله ياخالع انا عارف انو الغلط مني من البدايه كان مفترض اوريها .. وما حاقول ليك الفترة ديك كنتا مشووش .. وما حاقدر العب بي مشاعر قمر ... لو قمر عايزة تتزوج فانا حاتزوجها .. ماحالعب بي شعورها واخليها لانو ما انا البعمل كده ..
ام قمر: وانتا دايرها ... ولا كانت بالنسبه ليك صحبه وزوله بترتاح تتكلم معاها ..
انت ما حبيت قمر .. قمر كانت بالنسبه ليك صحبه بس وزميله ... لكن انتا كنتا مشوووش وماعارف تعمل شنو ..
راشد سكت وما ردى عليها ...
ام قمر: ده ما الموضوع الانا كنتا دايره اتكلم معاك فيهو...
ولو قمر ممكن تعرسك كان بكره عقدتا ليكم وفرحتا قلب بتي .. "
راشد: خير طيب؟؟
ام قمر: قمر عيانه ياراشد وايامها بقت معدوودة
راشد: 😳 براحه علي .. عيدي كلامك
" وحكت ليهو كلام الدكتور وعرف انها عيانه وفي اخر مراحلها 💔💔 والخبر كان صدمة لي راشد بالجد وام قمر اكتفت بي انها توريهو وتطلع وراشد راسو ضرب شدييد بعد طلعت منو ام قمر .. وزعل شدييييد .. بس خبى الفرحه دي عشان يومي ...
اتذكر الحصل معاهو ... وهو كان ضاميني ❤ شديييد ... لانو انا بالنسبه ليهو الامان❤ والراحه❤ والطمأنيينه❤ وبرجع في حضني كأنو طفل صغييير❤ ... ولانو كان خايف من الجاي .. رجع للمكان البتخبى فيهو كل ما يضايق .. وحاول انو يرتاح جو الحضن❤
