الناس اتلمو في الحادث ونقلو قمر للمستشفى .. لقو اخر ارقام رقم امها ورقم راشد ضربو لي امها وكلموها ...
ضربو لي راشد وهو كان بتكلم معاي .. فصل الخط في وش قمر لانو كان قايلها قمر ...
لحدي الصباح .. صحينا وماعارفين حاجه ..
اماني ضربت لي راشد تاني من الصباح وكلمتو .. اتخلع وقال ليها جايي سريييع ... انا صحيت برضو ضربتا لي راشد وردا علي
انا: راشد صباح الخير
راشد: صباح النور" بصوت متسرع"
انا: راشد في شنو خير .. صوتك كده مالو ؟!
راشد: ماشي على المستشفى .. ساايق ..
انا: خير حبيبي
راشد: قمر عملت حادث في المستشفى هسي ..
انا: طيب لاحقااك ...
" ركبتا امجاد سرييع عشان الحقو ... وصل راشد قبليني المستشفى ولقى ام قمر بتبكي واماني بتهدي فيها .. سالها قمر مالها .. "
اماني: في العنايه المركزة ياراشد ..
راشد: ايواا تماام .. طيب الدكتور قال شنو
اماني: قال محتاجه دم وهسي بنقلو ليها جوة..
عاين لي ام قمر ولقاها بتبكي قال لي اهدي ياخاله ..
طوالي قامت اتنفضت فيهوو.. الحصل ده كلو منك .. بسببك بتي جووة هسي 😡😡 مش قلتا ليك ماتزعلها .. مش قلتا ليك ما تبكيها😡😡
عايزها تموووت يعني 😡😡 .. مش قلتا ليك البت ما مستحملها زعل ..
اماني: ياخالتو اهدي راشد مالو هسي ؟؟
ام قمر: اسكتي انتي .. ده كلو منو هو .. قلتا ليهو البت عيانه ومافهم .. والله بتي دي يحصل ليها حاجه ما اخليييك
راشد: اماني في شنو .. انا عملتا شنو
ام قمر: قمر طلعت عشان تشوفك .. مشت بالليل عشان تقابلك وتعملها ليك مفاجاة وديك الكيكه اتهرست في العربيه .. وتقول انك ما السبب
" انا جيت داخله وسمعتا الكلام ده وقفتا بعيد وشفتا راشد وام قمر بتهزأ فيهو .. بكيت ببكي بدون ما احس وما قدرتا اتحرك .. اتكلتا في الحيطه وانا ببكي وام قمر لسا مستمرة "
اماني: ياخالتو عليك الله اهدي .. اهدي واقعدي
ام قمر: قلتا ليهو ما حتخرب بيتك لانها ما حتعرس اصلا ..
لانو الايدز بعااديك وانا كلمتك عشان ما اظلمك .. بس قلتا ليك خليها مبسوطة وماتزعلها في ايامها الاخيرة..
" اماني 😳 اتصدمت وما كانت عارفه بي قمر حاصل ليها شنو .. بقت بتكورك وتبكي قمر قمر حتمووت 😭😭😭 .. وراشد واقف واعصابو فلتت خلاص .. انا بعد الكواريك الشفتها دي والبكا الحاصل ده اتوترتا ودختا وقعتا من طولي .. كنتا قريبه منهم واتلفتو كلهم .. راشد جا جاري علي بخلعه 😳😳 سندس سندس ..
نادى الدكاترة وودخلوني جوة.. الدكتور قال لي راشد ... جاها نزيف اطلع بره اسحب دم وجيبو لينا .. بقى ماشي وهو بدعي يا الله الطف بي .. جاب لي الدم وواسعفوني بيهو سريييع لاني كنتا تعبانه وانا حامل .. بعد شوويه صحيت لقيت راشد قاعد جنبي .. قلتا ليهو .. اولادي حصل ليهم شي😢😢😢💔💔...
راشد قال لي: لالا ما تخافي .. كويسين .. حمد لله على سلامتك
انا: الحمد لله وعيوني جااريه دموع
راشد: سندس ماتبكي .. عليك الله اهدي ..
" طلع بره غرفتي وفي نفس الممر غرفه قمر.. امها واماني كانو واقفين بعاينو ليهو من بعيد ..
ضرب لي اختي دينا وكلمها بالحاصل ودينا كلمت ابوي وجو جاريين سريييع للمستشفى ...
ابوي: بتي وينها.. بتي وينها؟؟
راشد: في الغرفه دي يا ابوي ...
" دخل ابوي ودينا ولما شافوني كده بكو و زعلو .. 💔😢😢. ابوي مابتحمل يشوفني كده بتو الكبيرة💔😭 بقى بسال فيني انتي كويسه .. وانا بقول ليهو كويسه يا ابوي ما تخاف كوويسه .. قعدو جنبي وضربو لي امي جات معاها ليث ماقدرت تصبر للصباح والدكتور قال لازم تبييت هنا .. قعدو كلهم معاي في الغرفه لحدي الصباح .. الا راشد كان واقف في الممر وما نام اليوم كلوو .. يوم كامل في المستشفى هو واقف بمشي لغرفه قمر وبجي لغرفتي.يعاين لي من بعيد ..
....
لحدي ما جا الصباح .. وجاني الدكتور دااخل .. قال لي :
حمد لله على السلامه سندس
انا: الله يسلمك يادكتور
الدكتور: ☺ الحمد لله ..
لازم يا مدام تنتبهي لي نفسك وانتي حامل ماتتعرضي لضغط الحاله النفسيه اهم شي للحامل ..
انا: اي يادكتور طيب ان شاء الله
الدكتور: كتبتا لييك فايتمينات .. تاخديها للجنين .. وترتاحي وتاكلي فواكه كتيرة ..
انا: ان شاء الله
ابدكتور: حمد لله على السلامه .. الورقه عند زوجك بره ..
" بعد طلع الدكتور قلتا لي ابوي نادي راشد يدخل .. دخل راشد ..
واول ما قعد وانا قمتا البس عبايتي .. عشان يوصلنا ..
ابوي قال ليهو: راشد حدك هنا بس
انا: ابوي😳
ابوي: ماتفتحي خشمك ولا بكلمه ..
راشد: خير ياعمي
ابوي: انا ما اديتك بتي عشان تعذبها .. البحصل دة بسببك انتا .. وانا مامستعد اخسر بتي بسبب تصرفاتك
امي: ياحاج اهدا عليك الله ده ما مكان نقاش
ابوي: مافي نقاش زاتو تاني .. سندس😡 اطلعي قدامي .. راشد ورقه طلاقها تصلنا في البيت قريييب ..
" طلعنا كلنا وخلينا راشد ماقدر يرد في وش ابوي لانو صعب شدييد وكلمتو واااحده ..وما بتفاهم ولا بسمع .. ولانو كان غضباااان شديييد طلعنا وراشد ما قال ولا كلمه .. "
.....
قمر طلعوها من العنايه المركزة الصباح ... ودخلت امها واماني ببكو وبسلمو عليها .. وهي بتقول ليهم خلاص مافي حاجه انا كويسه ..
قعدت نص ساعه وسالت امها راشد ضرب لي ...
امها: راشد بره ..
اماني: راشد كان خااايف عليييك شديييد ياقمر ..
قمر: 😍 خليهو يدخل ..
طلعت امها لي راشد وقالت ليهو ادخل 😒 .. واسمعني كويس ماتجيب ليها سيرة حاجه بتزعلها ...
راشد دخل وهو مبتسم☺ ... قمر يااا قمر
حمد لله على سلامتك ..
قمر: تعال اقعد جنبي ☺
" مشى قعد جنبها ومسكت يدو .. وهو طبعا ماقدر غير يبتسم ليها ويسكت .. وسالها اها بقيتي كيف؟!
.....
في الطريق ابوي وانا كنا بنتناقش ..
انا: ابوي انتا عارف وضع قمر .. وعارف راشد بعمل كده ليه
ابوي: مش طلبتي الطلاق انتي؟
انا: ااي لما ما كنتا عارفه بس هسي الوضع اختلف ..
ابوي: سندس😡😡 بلا قمر بلا زفت
بقى بتزهج وبكورك.. يعني شنو لو عيانه .. يعني شنو لوماتت زاتو
حالتك حتكون كده .. حالتك حتكون مزعزه كده .. بين حيه وميته.. اصلا كيف تختي نفسك خيار تاني وكيف ترضي بالزله دي ..
راشد لو دايرك كان اختار ... وكان حسم الموضوع وجاكي ..
....
انا بعد سمعتا كلامو سكته .. وبالجد الموضوع لازم يقيف عند حدو .. وانا ما حاقعد منتظرة حاله قمر الصحيه ..
ونفترض انها عاشت سنييين .. اناكيف حاعيش في وضع زي ده ..
رديت على ابوي .. وقلتا ليهو طيب
اذا الطلاق هو الحل .. فاحسن لينا الاتنين نتطلق...
