اول ما صحيت تاني يوم وانا اصلا زعلانه من حركة راجلي امبارح .. قمتا طلعتا بره لقيتو مافي😳 طلع كمان بدون مايعبرني .. قلتا اسفهو بس واطنش ولما جيت داخله المطبخ لقيتو كاتب في التلاجه .. معلييش ياسكرة والليله وزعي لينا الولد ده دايرين نطلع برااانا كده مشوار.. طبعا طوالي نسيت الزعله واتبسطتا .. وضربتا كلمتا امي اني حاخت ليث عندها .. ومشيت ليهم عشان اقضي يومي هناك وبالليل ارجع اظبط روحي للطلعه ..
وراشد في الشغل حاول يتجاهل قمر .. وماشافها اليوم كلو .. ومارد على رسايلها .. بس هي كانت مستغربه مالو .. ولما جات عشان تشوفو لقتو طلع عشان يجي يسوقني ..
طبعا انا اتجهزتا واتأنقتا 😉 واول ما جا داخل راشد:
سندس😍😍 ده شنو الجمال ده كلوو .. يازولة ما بسوووقك واطلع بييك .. كمان يدوووكي عين لي ..
انا: ياخ بطل امورك دي 😂😂 اها طالعيين وييين 😍
راشد: طالعين نتعشا بره ...
انا: ارح طييب .. ومحضره شعوري 😂😂
وقعدنا وييين 😂😂 .. في شارع النيل .. وجبنا سندوتشات طعميه بكاتشب وجبنه 😂😂 وبييبسي وااحد ومصااصتين 😂😂 وقعدنا ناكل براحتنا ولاا احلى من المطاعم والهواا بااارد وايام شتا .. والماشي والجاااي يعاين فينا ..
انا: راشد الناس دي بتبحلق فينا كده لييه 😂😂
راشد: عشان رجلينك المربعاها دي والببيبسي القلتي ما نجيب الا وااحد ونتقاسمو بس😂
انا: ياخ الجو هدا ظريييف واحنا اتملينا تعميه
راشد: تعميه يابتاعت التعميه انتي😂😂😂
انا: حيوان كريه .. ولدك الخلاني مخلقنا كده ..
راشد: انتي مبسووطه ❤؟!
انا: يااااه .. ده سؤال ليك ياخ ... ورقدتا في كتفو..
راشد: يابت قومي بتفضحينا..
انا: يا حيوان انا مرتك 👊👋 متعوووود انتا زماان عشان كده خفتا
راشد: يابت متعوود شنو 😳😳 كان ما حبيتك من الجامعه
انا: في سنتييين قبل ماتعرفني . كنتا بتسوي شنو 😒
راشد: كنتا بحضن بس😂😂😂
انا: طاااخ في ضهرو ..
راشد: في شنو يامره بتلبعي فيني .. ارقدي خلاص خلي الناس يبحلقو فينا لسه
انا: 😆😆 انتا رااااجلي .. مش زي الصايعات ديل يتحاااومن انصاص الليالي مع رجال الناس 😕 غايتو جنس شي 😒
راشد: انا شايف انك ترقدي وتلمي لسانك الطويل ده وتغمضي عيونك احسن ليك😂😂😂
" ورقدتا على كتفو وغمضتا فعلا والهوا جاييني بااارد ومرتاحه البال❤ وفجاة تجي رساله في تلفون راشد من قمر ..
" راشد خير .. وينك من الصباح ماشفتك ولا لاقيتك انتا وين!"
بس راشد قراها ومسحها عشان ما احس بالازعاج وخلاني اخدتا راحتي وقال لي .. خلاص يلا نسوق ولدنا ونرجع بيتنا 💓 .. وطبعا قمتا مرتاااحه ورجعنا لي بيتنا "
...
اليوم التاني من الصباح .. قمر جات لي راشد نااازله تحت .. وقررت تقلب معاملتها لانها اتغاااظت من تصرفاتو ..
فتحت الباب وقالت ليهو:
لو سمحتا يا استاذ ده الورق المفروض تسلمو للمندوب ..
وطلعتا طوالي وراشد استغرب فيها😳 دي مالها !؟
بس قال احسن انو مايسالها .. واتجاهلها فعلا .. وخلص الدوام وجا راجع للبيت .. كان نفسو نحضر فيلم سوا ..بس انا مافاضيه للافلام .. النهار كلو جاريه ورا ولدي .. وباليل بكون نفسي بتيين اصل وانووم .. فلما جا راشد واتعشا وجيت اقول ليهو داخله انوم قال لي:
حبييبي ..ممكن نقعد شوويه مشتااقك انا 💓 ونفسي نحضر فيلم سوا .. تعالي اقعدي جنبي هنا❤..
وانا بكل بروود .. راشد ياخ نعسااانه والله فيلم شنو كمان .. بطل فيااقه من الصباح شغاله .. يلا تصبح على خير❤
طبعا هو حسى بالملل .. ومررها لي .. وحضر براهو وجا نام ..
تاني يوم برضو قمر على حالها .. وقالت مابتفتح معاهو موضوع ..
بس وهي نازله من السلم في المصنع وقعت ولوت رجلها وبقت بتكوورك .. وهم تحت سمعوها .. جرو كلهم وراشد اول زول لحثها واسعفها .. ودوها المستشفى وربطو ليها رجلها .. والدكتور قال ترتاح اسبوع في البيت ..
راشد وصلها لحدي البيت ولما جا طالع ..
قمر: راشد ممكن اتكلم معاك ثواني!
راشد: ممكن اكييد
قمر: انا اسفه على البياخه بتاعتي بس بصراحه .. حسيت انك بتتجاهل تتكلم معاي .. وقلتا الزم حدوودي ..
راشد: ولايهمك .. معليش اكون انشغلتا بس .. حمد لله على سلامتك
قمر: ممكن طلب طيب
راشد: اتفضلي
قمر: ممكن نكون اصحاب ☺ ..
راشد: اصحاب واخوان وكل ماتحتاجي شي انا جنبك☺ بتلقيني
طبعا قمر اتبسطت شديييد .. ودعها وطلع ...
راشد هنا حسى بي نفسو زي الغلط وسال روحو..
انا ليه ماوريتها اني متزوج من الاول !؟ .. لازم كان اوريها ..
واحساسو بالذنب ده خلاهو يقرر يجي يحكي لي .. وجا البيت عشان يحكي لي لقاني بغسل في الملابس ..
راشد: سندس وين انتي؟
انا: في الحمام يا راشد تعال هنا ..
راشد: بتعملي في شنو
انا: مش شايفني بغسل😪😏
راشد : تعالي طييب داير اتكلم معاكي
انا: اقسم بالله نهااائي هسي مافاااضيه ..
راشد: سندس بس خمسه دقاايق من وقتك
انا: اها سامع ده ليث صحى من النوم ..
راشد: 😒😒😒
ومشيت وانشغلتا باقي اليوم وما لقى فرصه يكلمني بالحصل ..
وبالليل جا قعد جنبي في الكرسي .. وقال لي ..
سندس ممكن الليله تفضي لي شوويه اشتقتا لييكي ..
انا: راشد اجل الحاجه دي لي يوم تاني .. ماعندي نفس لي حاجه 😪 تعبااانه ياخ من الارهاق .. ونفسي ارقد وانوم ..
راشد: تمام .. اخدي راحتك ..
ودخلتا الغرفه انوم .. قمر اتصلت عليهو ..
راشد: يا قمر بقيتي كييف ؟
قمر: صاااحبي الجدييد 😍😍 انا بخيررر
راشد: صاحبي الجديد 😂😂😂 القديم كان منو..
قمر: ههههه ولازوول وحااتك
راشد: يازوله اقنعيني انو بت حلاتها كده ما مرتبطه!
قمر: اي والله تصدق .. بااايرة😂😂
راشد: لالا ياخ الكلمه دي نهااائي ما ليك .. انتي مابتبوري تب
قمر؛: وخجلتا كده ☺☺
" وبدو يتونسو وانا جوا فاتحه خشمي اشخر باعلى صوت " وقمر كانت بتونس فيهو وبتضحك فيهو "لحدي ما نام بره في الكنبه'"
.....
وصحينا لليوم التاني ..
وطلع للشغل .. ومن هناك راشد كان متعود يشاغلني برسايل وسط اللخمه ..
بس المره دي انشغل وبقى كل ماياخد راحه برسل لي قمر .. لحدي ما بدت شويه شويه تاخدو وتجذبو ..
