فراق الحبايب 💔

الحلقه 5 والاخيره

للكاتبة ندوش
خامس يوم العيد
جي راجل من أصحاب العيلة في حوش العيلة
طق طق طق
محمد :(طبعا هذا ولد عم هشام صغير مش كبير)
تفضل يا عمي .
الراجل: وين عبد العزيز بوك.
محمد :مهناكش.
الراجل :باهي أي واحد من عمامك.
محمد: ما فيش حد كلهم طالعين .
الراجل: باهي كلمهم وقوللهم تعالوا في الطوارئ.
خش محمد لأمه
محمد: يا أمي.
أسماء: نعم يا محمد.
محمد :جي واحد يسأل على بويا وعمامي وقالي قوللهم يجوا للطوارئ.
أسماء: للطوارئ خير إن شاء الله.
أسماء. أيوا عبد العزيز.
عبد العزيز :نعم.
أسماء: حكتله الموقف.
عبد العزيز: باهي تمام وسكر الخط.
وطبعا الكلام هذا صار المغرب.
قعدة أسماء اتخمم واتفكر.
أسماء :أيوا عزيز شن صار شن في الطوارئ في شئ على هشام.
عبد العزيز :لالا مش شور هشام.
عند نسرين
كانت نسرين وعيلتها عند خوالهم.
بشير: عاطوني حاجة ناكلها.
فاطمة :يا بشير ما عاش سمعت على هشام.
بشير: والله امبكري في العشية حصلناها رعشة.
فاطمة: خير إن شاء الله شن فيه.
بشير: اتصلوا بنا من الطوارئ قالولنا في 12 جثة جايبينهم من ترهونة تعالوا شوفوهم بعتنا أحمد ولدك وعمه عبد الواحد يتعرفوا عليهم.
نادين: باهي شن صار.
بشير: لالا الحمد الله مش منهم هشام.
نسرين: باهي الحمد لله.
نادين: لكن ليش ياخالي تبعتوا في احمد وعبد الواحد ناقصين رعايش.
بشير: والله كلمت عمك علي قالي معنديش عزم ابعت احمد وعبد الواحد.

في حوش العيلة
أبوبكر :خش لحوشه ووجها ما يتفسر.
سعاد:غريبة جاي بكري مش عندك عشي.
أبوبكر: والله يا سعاد توا اتصل بيا عزيز وقالي جايبين جثث من ترهونة ويبونا انتعرفوا عليهن.
سعاد :شنو أمتى الكلام هذا توا إن شاء الله خير يا ربي.
أبوبكر: من العشية جايبينهم بعثنا أحمد وعبد الواحد قالوا مش منهم هشام.
سعاد: باهي الحمد الله باهي ليش بتعدي توا.
أبوبكر: منتأكدوا لأن الجثث متحللة مش واضحات
وامنرفعوا عادل معانا بيش كان هشام منهم يتعرف على ولده وإن شاء الله مش منهم.
العيلة قعدوا كلهم منشغلين وخايفين
عبد العزيز: أيوا أسماء.
أسماء :شن صار يا عزيز.
عبد العزيز :هشام استشهد.
أسماء: وبصوت يبكي لا إلاه إلا الله.
عبد العزيز :ما اتخبريش حد توا.
عند ناديا
علي: أيوا ناديا.
ناديا: شن صار.
علي: هشام استشهد.
ناديا :إن لللله وان إليه راجعون وانهدت ابكي.
علي: ما اتقوليش لأهلي.
عند نسرين
كانت فاطمة وبناتها مشغولين على هشام.
بشير: اتصل بأمه.
بشير: يا أمي هشام استشهد.
الأم: لاإلاها إلا الله وانهدت ابكي وكانت بنتها سارة امقعمزة احداها وسمعت حتى هيا وانهدن ابكي هنا الإتنين.
بشير :ما اتخبروش فاطمة وبناتها لين انجي.
طبعا كانت الأم وبنتها سارة امقعمزين في الجنان.
فاطمة :شن في خيرك سارة.
سارة: بتتكلم خش بشير وعيونه مليانات دموع
طبعا بشير هذا صاحب هشام واااجد.
بشير: هشام استشهد.
فاطمة: لا إلاه إلا الله وقعدت اتعيط بصوت عالي و طنط
نادين طلعت لقيت أمها اتعيط وسمعت بهشام قعدت اتعيط معاها
نسرين تسمع في العياط مشت تجري
نسرين :شن في.
سارة: هشام استشهد.
نسرين: شنو كيف استشهد كانت في حالة صدمة
المهم العيلة كلهم سمعوا إلا أمه
بشير: هيا اطلعوا نرفعكم لحوش أهله.
طلعت فاطمة وبناتها وهلها
زينب: وكانت مش سامعة شئ خيرك فاطمة شن في
فاطمة: هشام استشهد.
زينب: شنو لالا مستحيل هشام حي.
وكانت زينب مش امصدقة في حالة صدمة
عادل: زينب.
زينب: هشام ما ماتش صح.
عادل: وحدي الله.
زينب :شنو ما اتقولهاش.
عادل: إن للله وإن إليه راجعون.
زينب: انهدت ابكي.
والعيلة كلهم جو لحوش زينب وكان الكل متأثر ومش امصدقين كيف صار هكي .
وداروا العزي في حوش العيلة مش في حوش عادل وطبعا يلي تعرف على الجثه هو عادل بوه.
وطبعا هشام كان متوفي ليه 15 يوم من يوم الجمعة يلي قالولهم راهوا لقوه في الهلال الأحمر اذكرتوا
وكان هوا والشهداء يلي معاه حطينهم بدون ثلاجة وهذا كان السبب في تحلل الجثة بشكل سريع ولكن سبحان الله كانت صنته كيف المسك.
سبحان الله مات يوم جمعة واندفن يوم جمعة
وهذه كانت قصة الشهيد البطل هشام عبد السلام هدية
كان من خيرة الشباب
ونبي انقول حاجة
هشام قبل ما يستشهد باني حوش فوق أهله وكانت أمه اتراجي في الحرب اتم بيش اتجوزه لكن قدر الله ما شاء فعل وإن شاء الله في الجنة بإذن الله .

{يارب ارحم من استوفيت أجله،وأخذته من بين أهله وأنت وحدك تعلم ألم فقده ،اللهم ارحمه واغفر له واجمعنا به في جنتك اللهم ارزقه الفسحه والضياء وآنسه بالقرب اليك يارب العالمين اللهم اجعل قبره في نور دائم لا ينقطع اللهم اجعل هشام هدية في جنتك وكل شهداء مصراته آمينين مطمئنين يارب العالمين}🤲🏻

والى حد الان مصراتة تنزف وراحوا منها شباب في عمر الورد وزي العسل اللهم ارحمهم واغفرلهم ......