نسرين: ماما أني مليت ماعاش قدرت نقرى راسي صداع🤦♂️
فاطمة: عدي أقري ماتفسديش على روحك ما اتنزليش مستواك.
نسرين: والله ماانحبه التاريخ متقل دمه😫.
خليني انخبركم على البطلة اسمها نسرين اقصيرة ورقيقة وحلوى بنت مزاجية يوم رايقة ويوم مش طايقة😑 حد بس في نفس الوقت دمها خفيف والسانها طويل والأحداث تتكلم على عيلتها كيف صبروا وتو تعرفوا السبب يلي صبروا عليه.
فاطمة: ما قتلكش حبيه قتلك عدي أقري هيا سلم بنتي 😌.
نسرين: باهي نبيك اتفهميني في الباب الرابع.
فاطمة: باهي نشرب شاهي مع وبوك وانجيك.
طبعا نسرين في الشهادة العدادية هيا وأختها نادين توؤمها.
نادين: نسرين خليني نقرأ ما عاش اتنفخِ وترتي أعصابي شن هذا .
نسرين: ياي ما عرفتكش واو غير امتى منكملوا امتحانات ويجينا عرس روزا ،طبعا روزا هذه بنت عمهم عرسها بعد امتحاناتهم،،
نادين : مزال هذا وين بدينا😿 واااااو اني مليت منعدي انكسد بحدا ماما .
نسرين :راجي حتى اني منعدي معاك .
نادين: ماما اني جعانة دريلنا فطيرة.
فاطمة: باهي غير نوضن أقرن.
نسرين: واو هل اقرايا غير امتى انحزوا منها.
فاطمة: بطلي تنفيخ واحمدي ربك في مش لاقي من يدلِلَة هو يقرى ووفرله يلي يبيه احمدي ربك على النعمة والله كترت الكلام اطير النعمة .
نادين: هيا نسرين تعالي نقروا📖
• امشن الأيام وجي يوم الاربعاء وهو اخر يوم في امتحانات نسرين ونادين تعالوا انشوفوا هل فرحوا بالعطلة وعرس بنت عمهم ولالا ..
نسرين :واخيرا كملنا امتحانات ما عاش في اقرايا🤗.
نادين: والله ما ني امصدقة خلاص رعب واتفكينا منه هيا بدلي بيش ننزلوا لماما انضموا معاها.
نسرين: ماما شن الغذي؟
فاطمة: شن بكون يعني رز ودجاج🍗
نسرين: باهي هي جعانة منموت.
نادين: ماما وين امنطلعوا اليوم؟
فاطمة: عمتك هبة بتجينا اليوم.
نسرين: باهي هند بتجي معاها.
طبعا هند هذه عمتهم الصغيرة وغاليا عليهم واجد.
فاطمة ما نعرفش ما كلمتش حد .
نسرين: اتقلب في نقال أمها حي محلاها القصة هذه نادين نادين شوفي خاطري انقص شعري زي القصة هذه😍.
نادين: يهون عليك والله كان اني مستحيل✋
نسرين: والله الفكرة ضربت في دماغي منعدي انقول لماما تتصل بالمزينة بيش اتجي اتقصلي.
نسرين: ماما ماما اسمعي منقص شعري نبيك تتصلي بالمزينة.
فاطمة: شعرك شي خطر عليك🤨
نسرين: والله ماما انت عارفة شعري ولا ضعيف طول بلا فايدة وبعدين من زمان خاطري انقصة غير هيا كلميها المزينة.
فاطمة: باهي غير تعالي انديلك زيت لشعرك.
نسرين: باهي كلمي المزينة بعد ما انكملوا.
فاطمة: باهي غير تعالي هيا مش فاضية منتغذى اني وبوك.
طبعا بعد ساعة ممكن.
طق طق طق
نسرين: منو
هند اني اني🤗
نسرين :اهلين شي الجو كيف حالكم..
هند :تمام شن جوكم انتم..
نسرين :تمام خشي تفضلي..
فاطمة: أهلين هند شي الجو..
طبعا هند سلمت على فاطمة وبعدين نادين.
هند: جبتلكم فتات ساخن.
فاطمة: سلمك جيابة طلعي منه لمحمد قاعد امقعمز في الجنان.
طبعا محمد هذا بوه نسرين ونادين.
نسرين :ماما شن قتلك المزينة أمتى بتجي؟
فاطمة: قتلي منجي مع المغرب.
نسرين :باهي تمام منعدي اندير حمام توا قبل ما اتجي..
هند: نادين شوفي الباب يدق..
نادين :هيا هي..
هبة: شي الجو كيف حالكم..
طبعا هبة هذه عمتهم يلي بتجيهم متجوزة وعندها وليدين.
خشت هبة وصغارها سلموا وقعمزوا.
هبة: وين نسرين؟
هند: ادير في حمام تو اتجي.
عند نسرين دارت حمام ولبست دبشها ونزلت سلمت على عمتها وقعمزت اتهدرز.
فاطمة: نسرين نوضي ديريلنا قهوة☕
نسرين: باهي كلمي المزينة قوليلها هيا تعالي.
هبة: ليش من يبيها المزينة🤔
نادين :هذه نسرين تبيها بتقص شعرها.
هبة: ليش اخسارته طويل شعرها وناعم؟
فاطمة :طويل لكن ضعيف اتحسيه.
هبة:ااااه..
جابت نسرين القهوة وبعدين العصير وشربوا .
طبعا في حاجة ماقلتلكمش عليها نسرين ونادين ما ياكلوش في أي حاجة فيها سكر حتى الفواكهة أكيد تفاجئتوا بس هذه حاجة وراثية في عيلتهم.
جت المزينة وبدت اتقص في شعر نسرين.
نسرين: نبيها كيف القصة يلي وريتهلك في النقال🙂
المزينة: حاضر تمام.
قصت شعرها نسرين وطلعت القصة عليها فضيعة وعجبتها واجد.
طبعا تعشوا وكملوا حوسة العشي وروحن عماتهم.
نسرين: ماما امتى منعدوا لحوش جدي غدوا.
فاطمة: بعد الغذي.
طبعا بعدوا لحوش جدهم لأن عرس بنت عمهم بيبدأ
وعزومتهم الجمعة .
اليوم التاني (يوم الخميس)
نسرين: ماما هيا منعدوا للسوق قبل الغذي نبي كندرة.
فاطمة: ايه إن شاء الله حتى عمتك نعيمة وهند بعدن معانا هيا عدي وتي روحك.
مشوا لسوق وشرت نسرين كندرة.
فاطمة: محمد هيا تعال كان بتغذى.
تغذوا طلعوا بيمشوا لحوش جدهم طبعا أمهم اتسوق هيا رفعتهم.
هما في السيارة رن تلفون فاطمة..
نسرين: أيوة
ناديا :اهلين نسرين شي الجو وين أمك طبعا ناديا هذه مرت عمهم .
نسرين :ماما اتسوق اشوية تو نفتح المايك..
فاطمة: أيوة ناديا شي الجو..
ناديا :بصوت مرتبك الحمد الله انت جاية في الطريق؟
فاطمة :ايه خيرك في شئ .
ناديا: غير تعالي تو انخبرك وسكرت الخط.
فاطمة :صوتها مش عاجبني ناديا إن شاء الله خير.
نادين :ايه صح حتى اني حسيت في شئ
وصلوا للحوش جدهم استقبلتهم ناديا.
فاطمة: خيرك شن فيه.
ناديا: غير خشي سلمي عليهم وتعالي نبيك في الدار.
خشت فاطمة وبناتها وهيا عقلها مع ناديا.
فاطمة: خشت لناديا خيرك شن فيه.
نادية: وعيونها تعبوا دموع فاطمة كان انخبرك شن صاير...
يتبع..
للكاتبة ندوش😘
أنت تقرأ
فراق الحبايب 💔
General Fictionقبل مانبدأ نبي انقوللكم أن هذه قصة حقيقية صارت الفترة هذه وتتكلم على الحرب يلي صايرة في طرابلس وطبعا على أبطالنا (بركان الغضب)
