الساعة ستة الصبح؛
فتحية:ناجيه نوضيهم كلهم عندي قوانين جديده ضروري يطبقوها ..
ناجيه:يامدام فتحيه قاعده الساعة ستة الصبح
فتحيه: مفصوووولة ليك يومين بس في الميتم و بنبهاتك ...
موما: طبعا هذي ناجيه موظفه جديدة ف الميتم لاها يومين بس كانت يتيمه هيا ، و تطوعت ف الميتم لمساعدة اليتيمات يلي زيها...
ناجية: ت برى ملحي أصلا معجبنيش الميتم متعك اتقولي جيش و تو اتشوفي كانه مرفعتش فيك دعوة يسلبو منك الادارة...
فتحيه قلبت الطاولة يلي قدامها و حذفت الكرسي على طول ايدها و لعياط اتقولي راجل عنده تلاته قراجيم (يلي هيا القصبه الهوائيه) 😂😂
فتحيه:درقي وجهك ياااطووووط
موما: إتقي الله يافتحيه😂
فتحية: درقي وجهك انتي التانيه😤😤
موما:اسكتنا🤐🤐
فتحيه:في خاطرها اتقول ووه اعليا اعليك مشكله...
مايهمنيش شنو بديري المهم مفصوله...
ناجية: مايهمنيش و منصبك ح ناخذه أني ..
فتحيه: خوذي و لا ارقدي منظرك مانبيشي اهنى...
و هيا ف خاطرها وووه اعليا بوي لما يلزني..
موما: فتحيه و قساوتها و غيرها من تصرفاتها التانيه لاها سبب معين و سر كبير ح تتعرفو اعليه ف الحلقات الجايه........
عند البنات فوق؛
سارة: بثون نوضي يامنجوها اسمعي😥😥
بثون:😪😪😪
سارة: اعليك خميرة نوم نووووووضييي بثوووون.
بثون:😪😪😪
سارة: درقي وجهك بنسمع بروحي..
بثون:😪😪انممم
سارة: انزلت من الدروج و أني نرعش نسمع ف صوت عياط و عراك ..
فتحية: وووه اعليا شنو ديرت شنو ها الحصله وووه اعليا بوي لما يلزني و الله لما يلزني 😭😭😭
سارة بإستغراب: هذي خيرها اول مره نسمعها تبكي؟؟و بوها و علاش بلزها ؟؟ وهلبا اسئله جيت ف بالي🤔🤔
بثون بصوت عالي: سااااااارة 😄
سارة:اهااه قلبي طاح حقيرة من يومك...نسمع ف فتحيه الخرا اتقول والله بوي لما يلزني...زعما خير امها 🤔؟؟
بثون: ت أني اندورلها ف غلطه بس و نرفع اعليها قضيه لاكن تبي محامي و أني مفلسه😫😫زي ماتشوفي ...
سارة: هيا فوتيني منها اتقولي في سجن احنى مش ميتم ...
سارة و بثون امشو نظموا أمورهم كل وحده على خدمتها اما فتحيه وجها اصفر اسود مايتفسرش لانها
تعرف ناجيه انه عندها عمها يقدر يفصله بما أنه الميتم للدول....
في مكان بعيد يلي كنا نحكو فيه
خيريه: وووه اعليا ياوليدي نوض غبارتي السودة اتقول مش جايبه ولد وووه اعليا ووووه
أيهم: ياأمي ياأمي اعتبريني ميته و مش موجود 😂
خيريه:جارتنا حليمه ولدها من بكري نايض وجايبلهم الخبزه و الخضراء و القضيه كلها الا وليدي ربي بلاني بيه وووووه اعليا بالك حتى اتحرك😌
أيهم :يارزيك فاها حليمه النهار المغبر يلي جيت تسكن فيه جنينا 😒😓وووه اعليا أني ياأمي مش انتي و هو اصغر ولد عندهة اتقوله ياجدي ت شعرهم ابيض صافي اتقارني فيا بيهم وووه اعليا 😂😂😂
خيريه: ياصالح ياصالح ياغبارتي حتى باباك احرف منك😱😱
صالح : غر شنو العياط هذا كله
أيهم : هذي مرت يلي اخذيتها على علاقه جايه اتنوض في ولدها حشاك😂😂
أيهم راس ولد عند امه و بوه و عنده زوز اخوات اصغر منه و امه خيريه ماشاذه ف فمها الا كلمة ووووه و بوه صالح عنده معرض سيارات كبير و محلات امأجرهم 😇
مواصفاته ماعنديش نيه نوصفه طرف مطرف هو و سيارته ياكبدي😂
أيهم: ياسرك و انتي مكتر دوتك غر بنهدرز اعليهم اني .
أني اسمي أيهم الكبير عند مرت بوي اتقول مش امي
أني متأكد انهم غالطين فيا المهم زي ماقالت موما أني طرف قل اعوذ بربي الفلق تو انزل صورتي و لالا تاخذوني بالعين نقعد ملوح عند مرت بوي ياكبدي....
كيف متخرج من كليه الهندسه المعماريه مش عارفه كيف حتى اتخرجت منها مواليد96عندي صاحبي زي خوي قريب انسجله امعاي ف كتيب العائله 😂 منظرنا اتقول عصابة لانه احنى بالفعل عصابه😂😂غر ردو بالكم اتصدقو😂😂تو تتعرفو اعليهم ف الحلقات الجايه هما و صحباتي يلي ماينعدوش حشاكم ...
موما: ياسر و انت مكتر دوتك احرف من بثون😂😂
بثون: ضروري اي سيرة فاها ضروري😂
موما: بديت نضرب فيك في الامتال😂😂
خيريه ولدها ماباش ينوض جيت صبت اعليه اميه ناض بكل برود اقلب الوسادة و ارقد 😂😂
يأست خيريه و نزلت و سيباته
تليفون أيهم يتصل
أيهم:😪😪😪
ترن ترن ترن
موما: ولاتبو انغنيلكم الاغنيه يلي حاطها😂😂
أيهم : منو هذا ع الصبح و هو أحرف من مرت بوي 🤔🤔
مجهول : أيهم امعاي
أيهم: أصبحنا و اصبح الملك لله منو امعاي؟؟
مجهول : عندك اسبوعين بس .....و سكر الخط
أيهم: حتى مرت بوي مش زيك حتى صباح الخير ماقالها🤔😇
ناض أيهم القاها الساعه 3 الظهر ناض دوش و صلي الظهر لانه عارف روحه بطيح ف مشكله😂😂
و فجأه يسمع في صوت عياط يلقاها صاحبه زين سكران 😂😂شوفو المنظر ..
أيهم: وووه اعليا شنو جيبك ة سكران تاتي... أصلا اليوم مغبر من بدايته ...انزل أيهم بسرعه ل يزن باش مايفحاش😂😂
زين: بالله بوسه ياحلوة انتي😘
أيهم: ياوالله انهار اسود اغبر ت أيهم اني ياعطيك جدري ...
زين و هو ماد فمه : غر وين ياحلوة انتي 😍😍
أيهم : هيا هيا اركب ياعطيك عفريت ماإلقيتنيش الا توا ..
أيهم ركب زين للسيارة قبل مايفضحه قدام بوه لانه منبه اعليه ماعادش يصاحبهم ..
زين: انقولك نكته ..
أيهم : أني صليت الصبح؟؟ اللهم الصبر بما ابتلاني ربي بيه
زين: مره فيه واحد..... و صار حاذث قدامهم يزن ارجعله عقله و أيهم اقعد مصدوم و انسي السيارة....
يتبع
أنت تقرأ
عشت في ميتم❤
Adventureالمقدمه التعريف بالابطال بثون:اسمي بثون بالثاء اسمي غريب ف عهدي لاكن تو منتشر اتقولي سرطان الدم الزح المهم أني مواليد 96 عندي بوي و امي متوفيين في حاذت من بعد ماجابوني هما ماتو و خلوني الله اعلم قالو امي مستودعتني الله اعلم و تو اني في ميتم حاشاكم...
