زين: قولي فتحيه مش تعرفها هيا نفسها مديرت الميتم
أيهم: ايه تقربلي من بعيد متبعد تعرفش شنو غدوا نمشو للميتم كانه ماإليقتهاش غادي بنقدم بلاغ اصلا فتحيه هذي نكرها حاجه ....
بثون بعد نفس عميق اتوجهت لحوش ناجيه
بثون:ننزل و لا انفوتها ماعنديش نيه ولاسؤال وااك ضروري نبي حل ..نتوكل و ننزل خيرلي
نزلت بثون من سيارتها و كانت نفسها ضايقه
طق طق طق..
ناجيه: خشي خشي صقع
بثون: مانبيش انطول ليل
ناجيه: عارفه نفسك ضايقه لاكن فتحيه اتمادت في كذبها هلبا
بثون: ابدعيني شنو تكذب تاني
ناجيه: تعرفي شنو بدلتكم ب تلاته بنات من ميتم اختها و قالت اعليكم انتو انهم حولتكم ل ميتم تاني
بثون: عارفه مايطلع منها
ناجيه: اني تو الاوراق عندي و منظمه اموري مع الدكتور محمد و محامي شاطر اقعدت نستنا فيك نمشو غدوا للميتم ناخذوه منها
بثون: أني نبي نرجع لفرنسا غادي خيرلي خدمه و راحت بال و الله الغربه خير من هلبا معارف
ناجيه: اني نبي نفضحه فتحيه و هيبتها هذي و نفختها يلي ماليهاش معنه
بثون: خلاها اليوم يلي بعده غر النظم اموري
ناجيه: سؤال واحد بس واحد بس بما انك نفسك زاهقه
بثون في خاطرها ياريتني مانزلت: تفضلي
ناجيه:كيف ماتت مروة
بثون لما سمعتها ماعادش اتحس نفس الشعور لما يذكرو اسمها قبل : ماتت بهلبا امراض
ناجيه: مش ح انكثر اعليك تو برى و غدوا نتلاقو
بثون: سلام ....
روحت بثون و عندها شعور بالفرح من ناحيه الشعور يلي كانت اتحس بيه لما يذكرو اسم مروة ..
...
تاني يوم؛
عند بثون!
ناضت على صوت سارة و اسراء و هما مصدومات
بثون: خيركم
سارة:وين كنتي امس
بثون: امشيت شفت الابلة ناجيه و نحي من عليا مش طايقه روحي
خشت بثون الدوش و طلعت حتى الفطور مافطرت طوول امشيت للمحكمه تبي تتعرف على قضيه زي قضيتها لاكن قضيتها مختلفه على قضاية الناس التانيه كلها طلعت من المحكمه و طوول للشركه اخذيت سلفه لانها فلست
بثون و هيا تتكلم مع نفسها: زعما نمشي للحوازة انشوف وااك مليت منها السيرة ضروري ننساها ضروري نفتح صفحه اجديده
....
عند أيهم
مجهول يتصل
أيهم: ايوا باشا
مجهول: غدوا موعدنا ماعادش فاها و اول حاجه اليوم اتصارح امك لينا سنين انأجلو ..
أيهم: جيت ساعه الصفر ووه اعليا منها .. تم
مجهول سكر الخط و أيهم هايم
أيهم: نمشي انواجهم لالا كيف بنواجهم كيف بنقوللهم انه...... واااك فوتها الموضوع ايهم ضروري تفتح صفحه جديده و قاطعه صوت تليفونه يرن
أيهم: ايوا زين شنو الجو
زين: ماشي اهو وين انت
أيهم:جيهت البحر نشم في هواء ربي
زين: تم في الطريق
أيهم: بالله جيب حاجه ناكلها جعان
زين: هو هذا فالح غير في بطنك
وصل زين لأيهم و جايب شكاير امعاه
أيهم: اخخ جيت و جابك ربي
زين: ت هاك كول مزاق
أيهم:يمزقك جعاااان هات
زين: أيهم ازبطت البنت يلي هربت من الميتم
أيهم و هو ياكل: ايه و غدوا موعدنا
زين: ت طلعت واخذتها هيا السيارة
أيهم:😨😨وين القيت الفلوس باش اخذيتها غاليا
زين: فيه وراها سر ماتقوليش قاعده نصابه مستحيل
أيهم: كل يوم مشكله اليوم كلموني تاني بنروح نفتح الموضوع مع العويله اعييت بنواجه و يلي بصير يصير
زين: متأكد راهو صعب موضوعك كيف بتقوللهم انه...
أيهم: بالله ماتفكرنيش
كملو زين و أيهم هدرزتهم و روحو أيهم هايم كيف بواجهم ...
أيهم: مرت بوي يامرت بوي
خيريه: ها ياولد راجلي خيرك
أيهم: جوك مليح شكله
خيريه: عندك موضوع اجله مدامه جوي مليح
أيهم: ناديلي راجلك و اتعالي نبيكم
خيريه: اخخ ديمه بعمايلك
قعمز بوه و امه قدامه و ايهم مش فاهم كيف يفتح الموضوع
أيهم:ءءااناا ....
خ
أنت تقرأ
عشت في ميتم❤
Aventuraالمقدمه التعريف بالابطال بثون:اسمي بثون بالثاء اسمي غريب ف عهدي لاكن تو منتشر اتقولي سرطان الدم الزح المهم أني مواليد 96 عندي بوي و امي متوفيين في حاذت من بعد ماجابوني هما ماتو و خلوني الله اعلم قالو امي مستودعتني الله اعلم و تو اني في ميتم حاشاكم...
