عشت في ميتم❤

إختصار للرواية؛ بلسان بثون❤

أنــــا بثون؛
عشت حياتي كلها في ميتم لاكن أمي و بوي حيين
كان حلمي انه نقرا هندسه معماريه لاكن فتحيه الله لا تربحها وقفتني بعد التانوي تبيني تمريض زيها كنت ديمه انقول في خاطري نبي انوسع الميتم الميتم يبي صيانه كنت نبي هندسه نبي اني انوسع نبي انساعد هلبا ناس يعاانو زيني .. و فعلا كبرت و حققته و حققت حلمي التاني و هو الانتقام من فتحيه كنت عايشه جثه بدون روح كنت ديمه انقول امي حيه كيف ماتت و خلتني و كل يوم نحلم نفس الحلم كل مرة و مره شفت فتحيه ماشيه ل حوازه كبيرة تبعتها قلت اشبح شنو بدير لانين وصلنا ل حوش مهجور قديم هلبا و بعد تحقيق و إصرار اني نعرف طلع بوها لما اتقوليه يابوي يابوي و هذا كله لما كنت في الابتدائي كمل الاعدادي و اني كل يوم انزيد نكره فتحيه على معاملاتها
مره زي اي يوم روحت من المحل جيت اتنوض فيا و تضرب فيا ب رجلها كانت الدار ظلام نوضت انعيط مانحسابهاش هيا ضربتني كف قريب انسيت اسمي نوضت و رديته كف انودكم بيه 😂لانين طاحت افتحت الضي ياكبدي و نلقاها هيا وووه و الباب مسكر و كان الجو صيف و الروشن مفتوح و مافيشي حديد طووول نقزت و هرب😂😂
كملت التانوي تبيني انخش ل معهد تمريض و أني نبي هندسه بطلت عناد فاها و بديت نخدم في المحل يلي جنب الميتم و زي اي يوم عادي جتني فكرة نبي نهرب و انكمل قرايتي طول بدون تفكير قدمت في الجامع و ابديت نقرا بدون علم حد الا البنت يلي نخدم امعاها و اني كملت قرايتي لاكن ماعندي فلوس اتسدني و ربي اتقول بعتلي بنت من عندها جيتني بنت قالتلي فيه استراحه و جو ولاد و فلوس ومانحكيلكمش طوول و بدون تفكير قلت باهي نبي انهيج بنسافر انكول روحي برا ها البلاد انعيش في الغربه خيرلي بين المعارف الاقارب يلي ماعمريش فكرت نعرفهم لاكن مانبيش نخسر شرفي و الغذارتي كيف اندير القيت نادي تكواندو خشيت فيه بدون مقدمات خلال شهر اتعلمت كل شيء و كانت اول تجربه مع أيهم و نصبت اعليهم و نظمت الامور على اساس انه ديرنا جو. ووووو  و نصبت مره و اتنين و تلاته لانين جمعت فلوس اتسدنا كانت سارة اتعاون فيا بدون ماتعرف سري و من خلال ملفي يلي في الميتم القيت وين مولوده امشيت للمستشفى يلي انولدت فاها و اخذيت ملفي القديم و القيت اسم العائله و كل شيء لاكن ماقدرتش نتواصل امعاهم كان فيه حاجه اتقولي لا ماتكلميهمش سافرت و فتحيه مادارتش و لا حاجه باش نرجع و لا أصلا دورت اعليا فكرت انه كانه نقرا قانون نقدر نعرف كيف نتصرف امعاها ونبي انكون محاميه نفسي قبل انه انكون محامية فتحيه و انكون انا هيا المحاميه يلي اتحط فتحيه في الحبس و بعون الله قدرت انديره و و تلقت فتحيه اكتر من ابلاغ ضدها مع هذا أني السبب الاول يلي بنحطها في الحبس و انحبست و ماعادش نعرف اعليها حتى حاجه و لا نبي نعرف اعليها اقريت قانون باش ناخذ حقي و الحق كل ظالم من فتحيه كانت حتى هيا مظلومه من بوها لاكن ماليناش علاقة باها ...
قدمت شهادتي متع المحامه قالولي فيه قضيه شذاها انتي بما اني قاريه القانون برا و الشهاده شهادة فرنساويه كانت القضيه عبارة عن بو و ام يدورو على ولدهم ماكانش خاطر في بالي انه نفسها العائله يلي نعرفها بعد ماطلعت على الملف اربطت قضيتي ب القضيه هذي و طلعت صح نفسها و اعرفت عيلتي عن طريقها ...
كانت حياتي عبارة عن مغامرات كيف اقدرنا نهربو و انسافرو و بعد السنين هذي كلها ولينا لبلادنا و حققنا الحلم يلي من حين كنت صغيرة نبي انحققه
تقي و اتأكدي انه ربي ح يساعد بس انتي ماتوقفيش أسعى و ربي امعاك حافظت على شرفي و عذارتي صح ماكنت نبي اندير يلي ديرته بس كنت مجبورة اني انديره ظلم فتحيه سنين عمري كلها امشي فاها لا عشت طفوله لا شيء نميت و كل يوم قلبي يولي حجر مافيشي ذرت رحمه و هذا شيء ساعدني إنعيش ف الغربه علمت حاجات لهلبا ناس بس ماكنتش نتلعم كنت ناخذ اي واحد في حضني بس مافيش واحد ياخذني في حضنه كنت كل يوم ننجرح بسبب كلام فتحيه ليا و سبب لوني المختلف عن بقيه البنات لاكن اقدرت انه انعيش حياتي في الغربه يلي مستحيل حد يقدرها اتموتي مافيش من يدفنك وووو غيره هذي قصتي ..
و قال ربي عز و جل
﴿إنما العسر يسرا﴾
انه العسر و اليسر قراب هلبا من بعض يعني بعد هذا التعب و الشقاء ربي يسرها عليا بعد السنين يلي ارقدت فاها في الميتم و امي و بوي مايعرفونيش و ماكنتش متوقعه انه انولي بين عيلتي و استقبالهم ليا كأنهم يعرفوني سنين
أني مــــومـــــا ك كاتبه ل هذي الروايه أيقنت انه ربي ماينسى حد
مع تحياتــــي ليكم
الكاتبه{مــــومـــــا} ❤❤