عشت في ميتم❤

part_5❤

فتحيه: كيف صار امتى و وين امشو ... تعرفو وحده تفتح فمها نقتلها أني اندبر راسي بروحي
البنات فاتو الموضوع و فتحيه تفكر كيف صار و امتى و هيا وين و هما وين امشو

عند بثون؛
بثون: نوضي انتي وياها اليوم ضروري نلقو حوش مقوم بنشرو طوول ليله تانيه اهنى و انفلس و ضروري نمشي للشركه باش بنحط ملفي..
مروة: وااااك غر بنرقد أني
بثون:في خاطرها شنو اللصقه هذي .. ت نوضي نلقولك حتى انت خدمه
مروة سكرت راسها و قعدت و البنات طلعو و خلوها
بثون: إلقيت حوش و إشريته طووول بدون تفكير و طلعت حطيت ملفي قبلوني طووول لانه عندي لغه فرساويه و أما مريم ماقبلوهاش لانها ماعندهاش لغه و أما إسراء حطيتها في كورس لغات باش تبدا مترجمه و تخدم خلال شهر و اما مروة عبارة عن لصقه و مريم خشت في نفس الكورس باش تخدم و أني المرص الوحيد لأربعه بنااات ....
مروة طلعو البنات من اهني طلعت للشقه يلي قدامهم يلي فاها أيهم و زين تبي تجذب اعجاب وحد منهم ...
عند أيهم و زين
أيهم: شنو صار في الدكتور و التحاليل 😂😂
زين: ت بنرقد توا
أيهم: قصدك رسمي بديرولك كشف😂😂
زين: ت ياعطيك مرقد يمرقد ت ارقد مانفهمش حتى شنو اتقول
فجأه سمعو صوت الباب يطق ناض أيهم بيفتح
أيهم: هذا اكيده الفطور جعاان الزفت
افتح الباب و اهني كانت الصدمه القاها بنت
أيهم: شنو جايه بتنظفي الدار
مروة: بديت الدير في حركات دلع و جو زايد و أيهم ذاب
و بديت تقرب لاكن أيهم دارللها حد إلقي روحه بضيع
أيهم: تتكلمي عربي انتي لانه امشبه اعليك سعاد اخت رمضان جارنا 🤔🤔😇
مروة: من سعاد ياربيييي اني فرنساويه
أيهم: أهلنا ب بنت بلادي
مروة: أني من فرنسا
أيهم: ايه واضح حتى لغه انجليزيه ماعندك شنو تبي من صباحات ربي
مروة: بدلع شنو مافيش تفضلي
أيهم: ناقصني أني الطناجر نفسهم في كل مكان ...
زين: منوووو
أيهم:طنجره من الطناجر يلي كاترات توا
زين: سكر الباب سكر
أيهم سكر الباب في وجها و هيا اتحاول تقرب...
مروة: اففففف تو اتشوف و هذي شعره منك و كانه ماخليتكش تعبدي ....
بثون روحت هيا و البنات تعبانين لمو حاجاتهم باش بيطلعو الساعه 3 في الليل للحوش يلي اشروه ..
مروة: شنو صار فيكم يامنجوهات
بثون بتعب و غضب:وانتي شنو هامك تاكلي و ترقدي..
مروة: تو نخدم و ناخذ شقه بروحي و اقعدو اتوسلولي بعدين
بثون في خاطرها مايفوتش اعليا ياكلبه : مادابيك من توا تطلعي ..
موما: لما طلعو البنات ناضت مروة اتقولي مهبوله ادور وين الفلوس حاطتهم بثون لاكن ماإلقيتش حتى فلس ....
مروة: غر نلقا خدمه اني
بثون:تحسابي روحك بتلقي و انتي ماعندكش لغه
سارة: من غدوه يبدا الكورس
إسراء: ايه ضروري تو نمشو للشقه يلي اخذيناها
بثون و البنات نظمو امورهم بيطلعو و كان التاكسي برا يستنا و هما طالعين حصلو في الباب مع بعض يبو يطلعو
علي طلعت زين و أيهم
أيهم: ت والله الا نعرفهم
زين: ليبيات شكلهم
أيهم: ت ايه هذيكا جيت الصبح
زين: ديري روحك فرنساوي و فوتهم
بدي أيهم و زين يتكلمو بالفرنساوي
موما: ماعنديش ليكم جهد باش انقوللكم شنو قالو المهم يتفلفسو و هما مش عارفين شنو يقولو ...
و بديت تأليف لغه جديده
سارة: شنو للغه الغريبه هذي
وزين و أيهم طايحين تخريف و لا على بالهم
بثون: شكلهم بكستانيين 😂😂
سارة: ت هذو ازبطيهم منو
بثون: متع ....😂😂😂
سارة: بزبط
أيهم في نص تخريفه تليفونه يتصل نزلو البنات و رد هو علي تليفون
أيهم: أيواه كيف وصلت الزفت حتى رقمي القيتوه
مجهول: إعطيناك مهله اسبوعين اتصارحهم
أيهم: ايااه اعلينا انت نفسك هذاكا
مجهول: و صارلك حادث و ماقلتش
أيهم وهو مستغرب : حادث شنو تخرف انت
ولت بثون للشقه انسيت تليفونها و سمعاته يتكلم بالليبي عرفت انه صح نفسه
بثون في خاطرها : ووه ضروري الزفت ليبيين في كل مكان ....ركبت للشقه و لا كأني ليبيه و اخذيت تليفوني و ابديت نتكلم بيه بالفرنساوي
أيهم: ت اسمع هذي حاجه اتخصني .. و سكر الخط و شاف وراه القاها بثون
أيهم: اسمعي انتي
بثون لا على بالها تتكلم بالتليفون بالفرنساوي
أيهم جي قدامها قعدت مصدومه
أيهم: نعرف اني متأكد انتي و هذيكا الشقراء
بثون امدايره روحها ماتتكلم بالعربي ..
أيهم: اياه اعلينا أسفيين و امشي و سيبها
.
.
.
زين : منو يلي كلمه
أيهم: نفسه هذاكا متع يوم الحاذت
زين : في الموضوع .......
أيهم: ياسر جاي بنغير جوي بتعكراش
زين:🤐🤐اسكتنا لاكن شوفلك حل و كذبه مليحه
أيهم: الموضوع مايبيش كذب بذات على مرت بوي ...ايه حقا غر نتصل باها
..
..
..
عند خيريه
حليمه: وين ولد الجن هذاكا
خيريه: والله سافر هو ولد مسعودة مسكين
حليمه: خيره ولدها ياكبدي
خيريه: عنده ... و اتصل تليفونها و كان أيهم
خيريه: حي اهو وليدي يتصل
أيهم: ها مرت بوي شني الجو
خيريه: وينك ياوليدي شنو حالك وصلااات
أيهم:قاعد في البحر ... ت ايه وصلت خيرك
حليمه: هذا ولدك
أيهم: صوت منو هذا اني متأكد انها حليمه غر ان شاء الله ماقلتيلها شيء
خيريه: لا ياوليدي ماطولش .. بمعنا ماقلتش قاعده
سكر أيهم من امه و خيريه على نار تبي اتقول
خيريه: اممم اممم
حليمه: خيره ولدها مسعودة
خيريه في خاطرها شنو بنكذب شنو ايه قالي أيهم انه يقرو قوليلها .... ايه لالا يقرا برا يكمل
حليمه: باهي
خيريه: اه😰😰
.
.
.
في الميتم
فتحيه تكلم في نفسها
أني متأكده انه اللجنه مش بلاش و البنت جديده امتى جيت باش صاحبتهم و هربت امعاهم و أني على شنو وقعت و من كل ها الاسئله اذكرت بوها استغفرت ربي و ناضت ..
.
.
.
تسريع الاحذات؛
عند البنات: بثون تخدم و شاذتها خدمه في الصبح و اهياجه في الليل اما إسراء و سارة قريب يكملو الكورس امتعهم و بيدو يخدمو أما مروة تبي تاكل و تبي تشري و لا هامها لاخدمه و لا مني يصرف غير نفسها بس و بثون كل يوم اتقطع في روحها باش تصرف اعليهم على الكورس و على الماكله و زايدتها مروة اللصقه
عند زين و أيهم: مشو امورهم و هياجه و من فندق لا فندق و امدتيرين وشم ل كل وحد منهم فلسو بالارواحهم ...
في الميتم: فتحيه مشت الامور و كأنه مافيش حد اهرب و اخذيت اربعه بنات من ميتم صاحبتها باش كانه جيت لجنه يقعد العدد البنات نفسهم
.
.
مرو الايام زي بعضها الا يوم من الايام
مروة : بثون😥😥
بثون ب غضب: شنو ناقصك شنو مازال ماديرتيش شنو تبي
مروة: ءءاءءا
بثون: قولاها الجوهرة يلي في فمك عادي تفضلي اصلا فلستي بينا التلاته
مروة: ت ءءءأناءء حامل 💔💔
بثون بدون استغراب ابدا: وهذا شيء طبيعي
مروة: يعني عندك عادي
بثون: ايه عادي شنو فاها
مروة: حبيبت... وقاطعتها صوت بثون
بثون بعياط و نفاذ صبر : أني اعييت و اني انفوتلك اهو ترجع ل عقلها اهو تولي باهيا تحسابيني راقده على وذاني لما اتجيبي فيهم أشكال ألوان اهني ت منو تكوني ديمه انقول ماعندهاش غيرنا تو احنى في الغربه وين بتمشي لاكن خلاااااااص يااااااسر اعييت حسي بينا الزفت لااحساس لا ضمير
مروة ناضت تبكي بشكل مش طبيعي و تترجا في بثون: بثون بالله اعليك ماعنديش غيرك
بثون: قلتها حتى أني قبل لاكن تو يااسر
و خشت بثون جابت ظرف فيه تحاليل و احذفتهم على مروة...
مروة: هذا شنوو
بثون: افتحي شوفي هذا.......يتبع
...
قصدي أعطوني رايكم يلي تقرو فاها
و يلي تبي تنقلها تنقلها لاكن اسمي اعليها و تكتب انها منقوله...