عشت في ميتم❤

part_8❤

سارة:بثون ت وين احنى بنهبل راني تكلمي احنى وين.
بثون: ءءاني فوتو الموضوع اركبو للسيارة
اسراء و سارة حايرين في بثون و تصرفاتها و انه وراها سر كبير .ركبو و هما ياخذو في الاوامر بس عارفين بثون لما تعصب تقلبها فوقهم
وصلو قدام البحر
بثون: انزلو
سارة و إسراء في صدمه من تصرفاتها
إسراء: فهميني حاجه الحوازه يلي دخلتينا فاها لمني
بثون: تو تعرفو كل شيء بشويه بشويه تو تفهمو
درست السيارة و نزلو قعدو متكيين على السيارة
بثون و هيا تشبح للبحر: أني قررت اني بنسافر لتركيا
سارة: احنى منو عندنا غيرك
بثون: تو اعطيتكم القرار غدوا الطيارة بتمشو باهي ماتبوش انتو و راحتكم
إسراء: امعاك بس فهمينا خيرك متغيره
بثون: غيرتي الظروف يلي انحطيت فاها
سارة: نبي نفهم مروة شنو دفنوها و لا لا لاني امس حلمت باها
بثون: ايه دفتها
سارة و اسراء بصوت واحد: ادفنتاها😨😨
بثون:يلي انتو ماتعرفوشي انه اندفنت اهني
سارة و إسراء مصدومات
بثون: اركبو غدوا الطيارة..
...
أيهم: زين اعرفت مكانهم و بنمشي انشوفهم قالك يتامه و هاربين من الميتم ليهم اكتر من سنتين
زين: دبر راسك امي خشلها موال تاني
أيهم: ووه اعليك ان شاء الله غر مش اخت رمضان😂😂
زين: قالتلي ارفعني لشقتك ع ساس حرجانه و جو طلاق و اني شقتي تعرف انت
أيهم: حي على امك حي😁😁
زين: هات كذبه هات
أيهم: اام غر انفكر
زين: اسمع الكذبه يلي فاتت فاتت ايوه
أيهم: مشي قوللها انك بعتها و فلست باش يجوها زوز صدمات😂
زين: بالله شقتك فاضيه
أيهم: والله تغرد😂😂
زين: غر بنحط فاها امي
أيهم: بالله قوللها اتظمها😂😂
زين: كانه ملوحتنيش مانتسماش
...
في الميتم الامور كلها ماشيه زي قبل زي بعد
...
بثون روحت لشقتها معاها البنات
إسراء و سارة رقدو من التعب و الصدمات يلي جيتهم..
بثون نفسها زهقت طلعت ركبت سيارته و ع البحر
بثون:أني ياربي ماقلتهاش قتلت روحها بروحها ضمير كل يوم يتعذب كل يوم انفكر نهرب كل يوم انفكر نقتل روحي لاكن اني قاعده مايأستش من رحمتك ...بعد اماحست روحها ارتاحت روحت رقدت ..
تاني يوم؛
بثون : ت نوضي انتي وياها التاكسي بره
سارة: مش عندك سيارة
بثون:ناقص والله نمشي باها
طلعو وطوول للمطار
....
عند أيهم
ناض بكري نفس الروتين صبح ع امه و بوه و طلع ل زين باش يمشو للبثون
وصلو قدام العمارة يسألو في الشيباني يلي القوه قدام باب العمارة
زين: شنو حالك يابوي
الشيباني: الحمدولله ياوليدي
أيهم خاش مستعجل
الشيباني: ياوليدي البنات اليوم سافرو
أيهم و هذا كيف اعرفني ماشيلهم
زين: كيف يابوي اعرفت
شيباني: ماكم كنتو تتكلمو اعليهم
زين في خاطره: مقوى سمعك... ان شاء الله ربي يحفظك يابوي صحيت
أيهم: ت كيف هذا
زين: اطلع و فمك ساكت
طلعو و مش فاهمين البنات وين امشو🤔🤔
...
وصلو بثون لتركيا غرض بثون انها تاخذ اشويه راحه قبل ماتبدا في خططها يلي لاها حوالي سنتين اتخطط و تريح ضميرها لانها تعبت هلبا لما توفت مروة لاكن بثون ضميرها ماتهناش الا و لما سألت شيخ و فسرللها حلمتها ..
بثون:، هيا بنطلعو انهيجو
سارة:تعرفي خاطري في مسكات للوجهي
بثون: هيا انحطك في المركز و انمشو اني وإسراء للمول
بثون حطت سارة ف المركز و طلعت هيا و إسراء ماخلو شنو اخذو من المول اعليك لبس اعليك ماكله وجوهم جميل لانين اتصلت سارة
بثون: شنو مصرع كملتي العفو
سارة: وووه اعليا زودولي فيسع
بثون: ت خيرك العمر الاحرف
سارة: اتعالولي وو اعليا
بثون:😂😂باهي باهي
إسراء: خيرها
بثون: الله اعلم اكيده زي مانشوف فيك حشمتنا قدام التراك😂
إسراء:غبرت كنهادى كيف ابديت نشري الزفت
و فجأه إسراء اتغمرت بثون و بثون حايره
بثون:اخخخ خنقتيني
إسراء: محلاك لما تبدي ع طبيعتك محلا الشعور لما اتكوني مع صحباتك و يكونو زي إخواتك ..بثون ماتخبي شيء اعلينا قوليلنا خيرك متغيره
بثون و في خاطرها اخخ ياإسراء لما تعرفي تو تعذروني : اءءاء عاد فكينا توا نبو انهيجو و انغيرو الجو و سارة تتستنا
إسراء: اء ايه سارة فيسع
طلعو اخذو تاكسي و امشو لسارة
سارة و هيا مغطيه وجها : ووه اعليا خيركم عطلتو
بثون: زحمه المول و كيف بدينا نشرو.. شنو حشمتينا قدامهم😂
سارة: اسكتي بالله غر نوصلو
وصلو لشقتهم و دخلو البضاعه وكانو تعبانين؛
بثون: خيرك مغطيه وجهك
سارة: ماتنصدموش بس😂😂
إسراء: ت هيا ورينا
سارة:1,2,3 و نحت الغطاء
بثون و إسراء😨😨
بثون:ووه جنابي خيره حواجبك هكي😂😂
إسراء طاحت من كتر الضحك
سارة: باهي ياكلبة انتي وياها باهي
بثون: غر احكي شنو ديرتيلهم باش لعبو فيك هكي😂😂
سارة: اخخ تعرفي من كتر البخار و المساج على وجهي قريب اخذاني النوم فجأه نسمع فاها تتكلم نوضت شفت في المرايا عيطت على طول حسي حواااااجبي 😶😶وين امشي نصهم و طلعت نجري انكلم فيك و انسيت انخلصهم😌 و طلعو امدايرينهولي ب الليزر ماعادش ينبت شعري وووه😂😂
بثون و إسراء خلاص ماعادش عندهم حيل يوقفو من كتر الضحك
فجأه صوت الباب يطق
بثون: ااه بالله شوفي مني هههه😂😂😂
سارة: ب منظري هذا املا
امشيت سارة تفتح الباب و هدتت اعليها مديرة المركز و اتعيط و سارة مش فاهمه شيء
سارة: ياوخيتي ادوي باهي مانفهمش راني🙄🙄
بثون: اخخ ياجنابي وووه
المديرة طايح فاها عياط
سارة: غر بشويه و اهدي و ادوي باهي سلم اختي راني مفهمت شيء ..
بثون ناضت اتفاهمة مع المديره متع المركز و فهمتها
إسراء: ووه عليك ياسارة جنااابي ماتو😂😂
و كملو اسبوعين اجازة نفس النمط كل مره يديرو عمله
موما: حشمتونا قدام الاتراك 😂😂
بثون: بالله اسكتي 😂😂
و ركبو الطيارة و كان جو بثون مش عادي كانت محتاجتها السفره هذي و صلو الي المطار و اهني بدو المشاكل يجو
بثون للموظفه: شنطي ماإلقيتهاش وين امشيت
الموظفه: دبري راسك وين حطيتاها شنو دخلي اني
مـــومـــا: ليبيه ياكبدي😂😂
بثون: ت كيف حاطينك ف الاستعلامات املا
الموظفه: ت شن دخلك فيهم كيف حاطيني ريحت وحده عاهرة
بثون لما سمعت كلمة عاهرة انهارت رجعولها ذكرياتها: كانك بنت امك و بوك تعالي اقفي قدامي
مـــومــا: يناري الموظفه كانت نيتهاا صافيه طول وقفت😂😂
الموظفه: تفضلي
بثون شافت للارض و كأنها ادور على حاجه
الموظفه: على شنو الدوري شنطك انتي مش اني و دبري راسك وين حطيتاها
بثون: تعرفي على شنو اندور
الموظفه: كانه نعرفك بنسأليك شنو الدماغ هذا
بثون و شبحتلها شبحه مووت: اندور في مستواك القيت مستوى ابو جهل أما مستواك ماريتش اصلا مانندري عندك مستوى و العاهرة يلي قدامك اشرف منك و من جابك فاهمه
الموظفه ارتبكت من شبحت بثون و كلامها الصادم
و سارة و إسراء في صدمه كيف بثون عندها اكتر من وجه و تقدر تتعامل مع يلي يجي قدامها
الموظفه: ايه انتي امي شريفه ايوه
بثون: معناها انتي خامرة
الموظفه: ت برى عقاب وحده دتدهور في تركيا بدون راجل امعاها
بثون حست انها ماعندهاش سند و قدمت اعطتيها ضربه انودكم باها😂😂
تجمعو اعليهم الناس و جي المدير و اعطي لبثون شنتطها وإسراء و سارة في صدمه😂😂
بثون: خيركم
سارة و إسراء:😨😨لااا شءش شيء
كملو طريقهم و رجعو لشقتهم يلي واخذينه ورقدو من التعب أما بثون مارقدتش بكل ...طلعت ولعت سيارتها يلي لاها اسبوعين ماركبتهاش و طوول للبحر درست سيارتها وإتكت اعليها و هيا في دوامه من الاسئله وين كنت و وين وليت و كيف يقولولي عاهرة يعني اني كانه ماعنديش سند مانقدرش انولي سند ل روحي ..و من الضمن هذي الاسئله وين الابله ناجيه ماعادش كلمتها ؟؟
بثون: قداش ليا ماعادش كلمتها و لا شنو صار في فتحيه ...شذت تليفونها و اتصلت بدون تردد لا في الوقت و لا في المكان
بثون: الوو أبلة ناجيه شنو حالك و شنو اخبارك
ناجيه باستغراب و كانها تعرف الصوت هذا من قبل: الحمد لله منو؟؟
بثون: معقوله انسيتيني أنا بثون
ناجيه بفرح: بثون بنيتي وينك هكي اتخليني
بثون اتأثرت بكلمه بنيتي لاكن قاعد عندها الشعور بالنقص : الله غالب كانت اتواجهني ظروف
ناجيه: وين انتي
بثون: كيف روحت من تركيا و جيت للشقتي في(......)
ناجيه: بااهي شنو حال البنات مروة و إسراء و سارة
بثون اذكرت مروة لاكن ارتاحت من كوابيسها: والله شنو منقولك مروة توفت
ناجيه و هيا مصدومه: ت كيف و امتى
بثون: عفوا أبلة ناجيه شكلني اتصل في وقت مش مناسب..
ناجيه: انتي وين اتعاليلي نبيك ضروري
بثون: اخخ قدام البحر نتفرج اعليه
ناجيه: املا اتعاليلي فيسع
بثون: تم هيا سلام
بثون تدوي مع نفسها: اخخ يابحر شيل مني اشويه ت خيرني كل مانجي جوي مليح يخرب ت شنو ها البلاد حياتي كلها عشتها_في_ميتم و لما طلعت بدي كل شيء فوق راسي ..اخخ يافتحيه كانه خليتك مستريحه ..
ركبت بثون سيارتها بعد نفس عميق و امشيت لناجيه😖..
.....
عند أيهم؛
مجهول: أيهم وصلو و الشقه(...) في الطابق(...) رقم(...)
أيهم: تم يابرو منور
زين: ياراجل فكنا منهم مسامحهم يتامه اعتبرهالهم صدقه ياودي
أيهم: اعرفت امكانهم و احسابهم بعدين ..
زين: تعرف انحس فاها وراها سر كيف تهرب و تقدر اتعيش في الغربه هكي و هيا وتلاته بنات معاها
أيهم: قالي زوز امعاها
زين: ت ثلاثه عاد ولا وليت احول
أيهم: منندري لاكن ازبطت السيارة يلي قبل بناخذها ..قالي جيت وحده اخذيتها
زين: تستاهل قتلك برا توكل على ربي و انت اتقول ماعندكش دماغ...
أيهم: بالله ماتزيدنيش تو اندبر كيف نوصل فاها ..
زين: قولي فتحيه مش تعرفها هيا نفسها مديرت الميتم وله
أيهم: ايه انسيتها تقربل......يتبع
...
نبي دعم😭😭😭
نبي نشر للرواية و مش ح نسمح اي وحده تنشر بدوني اسمي موجود و ينكتب اعليها منقولة
و اليوم خوذو1445 كلمه اقرو هي
و مرات يكون فاها عشره برتات بس يعني اجزاء😷😷