أيهم:اعييت و أني نستنا
زين:أهو صوت تاكسي...
بثون: شكرا و هذا احسابك
التاكسي: شكرا أنسا بثون
بثون: هيا سارة
سارة: أني خايفه
بثون: احنى محتاجات فلوس و عذارتنا مش ح نفقذوها تفهمي ماعندك و علاش خايفه ....رغمنه بثون خش الخوف لقلبها ..
خشت بثون و سارة و القيت زين و أيهم يستنو فيهم في جنان الاستراحه ..
بثون: انتم أيهم و يزن
زين: إسمي لو سمحتي زين مش يزن😊😊
بثون: زي بعضه وين شوره مافيش تفضلو
أيهم و هو مستعجل: كيف عاد لا تفضلو
خشت بثون و اول ماشافت شافت السكير و الدخان بإشارة من بثون لسارة انها اتصب السكير باش يسكرو قعمزت بثون جنب زين لانه القاته منتبه على كل شيء
بثون و هيا اتصب: انصبلك امعاي و لا شيخ ماتشربش
زين ماباش يشرب لانين يتأكد من كل شيء
أما أيهم مانحكيلكمش امشي فاها
زين: تشربي نشرب نسكرو مع بعض
بثون بخبث: هذي طاستك و اني غر انجيب الطاسه هذيكا نوضت جيبت الطاسه و جيبت امعاي شيشه تانيه لاكن مافيهاش سكير فاها ميه ....
بثون: صحتين و شربتها في مره وحده ع ساس بتسكر 😎😎
زين: صحتين وقاعد مايبيش يسكر
بثون: في خاطرها واااك مانفخه الزفت ....بإبتسامه مزيفه 😄😄 هاا قاعد ماتبيش تسكر
زين: لانين تسكري انتي
بثون: وااك اخذيت الشيشه كلها و اشربتها و ابدي الرقص الهندي و التمثيل اني سكرت 😂😂و هيا في الحقيقه اميه
زين: اه سكرت تو دوري عاد ابدي زين يشرب لانين امشي فاها احرف من أيهم ...
سارة قعدت خايفه انه بثون حق سكرت
بثون: سارة سارة الكيسه متع الفلوس غادي جيباها
سارة: تم يامعلم انت
بثون جي احضنها زين من الخلف و بحركات جاباته طايح و مغمي اعليه و ايهم نفس الشيء جاته اعطاته ضربه على راسك امشي فاها و نظمو امورهم و رتبوهم كل وحد ف دارهم ووووو........
بثون: هذي اول العمليات تمت بنحاج😂😂😂
سارة: اخخخ ياعبقريه انتي قوليلي الحركات هذي شنو قصتهم
بثون: تو ماحسيتينيش اتغيرت الايامات الاخير انوض بكري و جو 😎😊😉
سارة : لا حسيت غر كذبت روحي 😇
بثون: ياحنه خشيت في صالة تعليم تكواندو و جو اتقال و حديد 😎
سارة: عارفاتك فالحه حتى فتحيه ماتقدركش
بثون: غر انكلم التاكسي يجي المهم الحوايج يلي جبناهم حطيتوهم منظمات و جو😊😉
سارة: زي ماطلبت يامعلم
بثون: هيا التاكسي جي قبل مايأذن الفجر فتحيه تقتلنا
سارة: ت انتي تقتلاها مش هيا😂😂
بثون: المهم طلعت نعرف انمتل شكلني بنخش مجال التمثيل و خلاص😂😂
روحت سارة و بثون للميتم و خشو من روشن الدار متع المواد التنظيف و القيت البنات يلي متفقه امعاهم منظميلها الامور و امشيت الاول العمليات بنجاح....😊😉
.
.
صباح جديد؛
الاثيوبيه: سيد أيهم سيد زين قومو قومو
أيهم: حي ع امها 😰😰
زين: عمي رمضان شنو جيبك اهني😱😱 نذكر في جنازتك امشيت عزيت راه
الاثيوبيه بسإستغراب:😒😒
أيهم: الحمد لله ماتفهمش فينا نوض نوض
زين: حاضر مدام أتيوبيه😂
طلع زين و أيهم من الاستراحه مفلسين و حالتهم حاله و مش مذكرين شيء
أما بثون و سارة و البنات كان هذا اول خطوه من خططتهم نجحت ..
سارة: بثون الفلوس هذي كلها وين بتمشي باها قصدي كيف بطلعاها قدام فتحيه ؟؟؟
بثون: اعليك و على شلامتك احنى قداش بنت ايه اممم خلاص يلي عندها جيبي زايد اتقول ...
سارة و بثون اخذو من الفلوس شنو يبو يدسو و الباقي خلوه للعمليات التانيه ...
بثون: هيا طلعو من شلامتك انتي وياها
سارة: هاااك و انتي درهتيلي كبدي
بثون: وووه افيييه صتنهم زي الجيفه قداش ليكم مادوشتوش😂😂
سارة: برى ياكلبه ياحقيرة مزال نطلع امعاك باه😩😩
بثون: يبو غسيل اموال مرتين 😂😂
نظمو امورهم قبل ماتشوفهم فتحيه
اما فتحيه كانت لاهيه في اللجنه و على شنو وقعت ماتعرفش ....
عند أيهم و زين
زين: ت ياراجل اخر مره ناخذ اكلامك فلست بيا
أيهم: ت وحق ربي ما أني يلي اخذيتهم راه اتحاسب فيا🙂
زين: وقت تفاهتك تو ت مرت بوي تبي تخطبلي و اني تو فلست
أيهم: ايه عمتى مسعوده عندها الحق غر نفتكا منك
زين: اخخخ اعطيني كذبه انمشي باها اموري
أيهم: امممم غر انفكر
زين: لاياكبدي تمشي بعيد انت في تفكيرك
أيهم: ياحنه يا منه
زين: اياااه اعلينا عاد ماديريش جو العزوز يلي واكلين حقها كناينها
أيهم: والله يازين قوليلها انك ماتجيبش ف الصغار😂😂
زين: ياربي ياربي والله هو الشيطان يلي يوسوسلي ابعده اعليا ياربي
أيهم: ت برى حتى اني فاضي😂😂
زين: ت اتعالى اهنى كمل باقيت الكذبه
أيهم: ايه قوللها بنعالج فيه امل ماهو 😂😂
زين: باه و كانه اتقولي هات التحاليل
أيهم: اعطاها تحاليل باباك متع الإيدز تو تنساك مره وحده😂😂😂😂
زين: باش انولي مش ولدهم بكل😂😂
أيهم: ت قوللها في الملف عند الدكتور
زين: هذا يلي بصير ياكبدي هبيييييي😓😓
روح زين باش يكمل كذبت صاحبه 😁
زين: السلام عليكم
مسعودة : وعليكم السلام ت وين ياولد اتقوبع ليك يومين مهناش
زين: والله يا مرت بوي بنقولك كلمتين على انفراد..
مسعودة: بنت خالتك تاخذها مانبيش دوايح فاهم
زين: اياه اعلينا عاد يما نابيش نتزوج
مسعودة: أعطيني سبب بس
زين وهو شاذ ضحكته: يا أمي طلعت مانجيبش في الصغار كيف بتظلمي بنت خالتي امعاي😂😂
مسعوده و هيا مصدومه : وووووووه اعليا ولدي طلع عقيم ووووه
زين واطه راسه و هو ميت بالضحك و امه تحسابه يبكي😁😂😂
مسعودة: يامحمود زود ل لولد زودله
محمود : ت خير امك انت
زين: أهي قدامك اسئلها 😂😂
مسعودة: جيبت يامحمود ولد عقيم
وزين خلاص ميت بالضحك و كلهم يحسابوه يبكي
محمود: عقيم عقيم شنو بنديرله😒😒
زين طلع ماعادش اقدر يشذ ضحكته
مسعودة: غبارتي شنو بنقول للناس
خش زين تاني
زين: عظم الله اجركم يا أمي منو مات😂😂
مسعودة: غر شنو بنقول لخالتك ياغبارتي
زين: شكر الله سعيكم😂😂... ت شنو بتقوليلها مافيش نصيب الهم الاحرف ماإلقيتيش الا هذيكا تخطبيهالي...
مسعودة: وريني التحاليل باش انصدق ....
زين: التحاليل في الملف عند الدكتور
محمود: صار واتيه كذبتك
زين غمز ل بوه بمعنى اسكت لا نفضحك 😂😂
زين: كذبت شنو يا بوي الله يصلحك حتى انت ....و في داخله شينك كذبه ياأيهم😂😂
مسعودة: اخخخ ياربي غر من وين جاني هذا كله
زين: الله غالب ياأمي الله غالب يامرت بوي 😉😉
ركب زين ل داره و لحقه بوه
محمود : تو هذا حق يلي قلته و لاتكذب
زين: راهو امقوللها على تحاليل الايدز😂😂
محمود: اخخخ ياربي من وين باليني بصغار زي هذو
زين: اتقول انقول
محمود: ياودي فوتك منها بنت خالتك غر ناخذلك على ذوقي
زين: شكران و عفوان بالنون ناقص والله شفت ذوقك في مرتك ياكبدي تاخذلي اخت رمضان 😂😂
محمود: الله يصبرني 😟😟
في الميتم
إسراء: بثون شنو تاني مزال شنو عندك
بثون: عندي فكره مليحه
و بديت تحكي عاد.......
تسريع الاحذات؛
أيهم قاعد نفسه ماتغير فيه شيء الا انه يكمل في كذبت زين و قرارو انهم يسافرو طبعا ع ساس زين بعالج 😔...
بثون و سارة و إسراء و صاحبتهم الجديد مروة فكرو انهم يسافرو و يهربو من الميتم و بثون بديت تقرا بدون علم فتحيه و سارة حتى هيا اتحضر في مشروعها لانها قاريه طب بشري و عندك مروة جديده على الميتم و ماتبيشي حتى هيا و امكمله قرايتها اما إسراء مش مكلمه و ماإلقولهاش فكره كيف تكمل. . بنسبه لعمايلهم و نصابتهم يلي ينصبو فاها حصلو وراهم فلوس أما بثون اتفكر في المستقبل كيف بتحصل فلوس لما بتعتزل هذي الخدمه....
اما فتحيه امشو ايامها زي ماهما مافيش تغيير و لا في حاجه الا قوانينها زادو و عياطه يلي ماباش ينقص.... يتبع
أنت تقرأ
عشت في ميتم❤
Aventuraالمقدمه التعريف بالابطال بثون:اسمي بثون بالثاء اسمي غريب ف عهدي لاكن تو منتشر اتقولي سرطان الدم الزح المهم أني مواليد 96 عندي بوي و امي متوفيين في حاذت من بعد ماجابوني هما ماتو و خلوني الله اعلم قالو امي مستودعتني الله اعلم و تو اني في ميتم حاشاكم...
