زين: مره فيه واحد .....و صار قدامهم حاذث زين ارجعله عقله و أيهم ماعادش اتحكم ف السيارة الانين.....
عند سارة
موما: غر انعرفكم بسارة اشويه
إسمها سارة يقولولها سرو مواليد 97 بنت طيوبه
مش خبيثه على نياتها لاكن لما صاحبة بثون اتعلمت منها حاجه بتستفيذ منها ف المستقبل أمها توفت و عمرها شهر و بوها تزوج ع امها فيسع و مرت بوها مارحمتهاش بكل لوحتها ف الجامع و الناس الطيبه حطوها ف هذا الميتم يلي هو اتقولي سجن متع جيش و تو تخدم تمريض في احد اكبر. المستشفيات ف المنطقه
سارة: افففف ملل كساد نفخ شورة مافيش حد مريض اليوم ..؟؟
مريم: اسكتي ماتفاوليش ان شاء الله مافيه سوء ..
سارة: باهي و انتي افتحتيلي مرشح..😇😇
موما: هذي مريم صاحبة سارة زي اختها اتعامل فاها زي بثون بزبط لاكن مع الناس التانيه حتى بلعوم ماعندهاش و ديمه واكليلها حقها أما مريم بنت طيوبه و عسل و تتكلم بكل احترام و اسلوب...
سارة: فجأه اسمعنا صوت عياط وضرب رصاص و اسعاف و وحدين خشو اعلينا شاذين سلاحهم..
و كأنهم يدور على حد في المستشفى و لما سمعو صوت الاسعاف طلعو يفتشو ف المصابين ..
مجهول1: مهناكش اهنى
مجهول2: مهناكش حتى اهني...فوته توا هيا هيا...
نرجعو اشويه لما صار الحاذت؛
زين: انقولك نكته
أيهم:أني صليت الفجر .؟؟اللهم صبريني على بما ابتليتني بيه 🙌🙌
زين: مره فيه واحد.....وصار قدامهم حادث زين ارجعله عقله و أيهم اقعد مصدوم و انسي روحه يسوق لانين زين حرك الدومان ... أيهم فاق على روحه وذكر انه سيارة بوه متع المعرض.
أيهم: شنو هاالنهار المغبر هذا
زين: اه اه قلبي قريب امشينا فاها رابش
أيهم: وانت امتى رجعلك عقلك
زين:عقلي مافيش منه ف الحالات الطارئه بس يخدم😂😂
طبعا أيهم السيارة مش ليه للمعرض طلع يجري باها باش ماياخذوهاش منه
نرجعو ل سارة و مريم؛
سارة: ووه بطني مصاريني رجلي ايدي قلبي
مريم: اه اه اه بالك انسيتي عضو ماقلتيشي
دكتور: لا هذو غالطين ف المستشفى و اتفاهمنا امعاهم 😇🤗...
عند بثون؛
زي اي يوم اتنوض تمشي ل خدمتها و اتروح الا انها اليوم جيتها فكره جهنميه و انها بتهرب من الميتم و بدير حل لفتحيه ....
عند أيهم؛
أيهم: ت ياراجل مانبيش انروح للحوش من بدايته مغبر و زاد كلمني رقم الصبح مافهمتش خيره حتى صباح الخير ماقالها😎
زين:اسمع حتى أني مرت بوي لازتني ماعندك وين بتبات😂😂
أيهم: شوفلنا استراحه قنينه هكي😉😉
زين: ياربي هو الشيطان يلي وسوسلي ديمه😂😂
أيهم: ت نظملي امورك غر انشوف راجل أمي و انجيك😂
زين: أعوذ بالله من أيهم الرجيم😂😂
أيهم: ت هيا ياراجل
زين: تو اسمع الشيخ يقول كانه اتعودتهم من الشيطان يهرب من جنبكم باهي انت وعلاش قاعد😂😂
أيهم: أنا أبليس بلس حشاك😂😂
زين: ايه من النوع الخطير😂😂 أصلا ديمه حاصل فيك امتى عمتي خيريه اتفكر اتزوجك و نفتك منك
أيهم: اسكتي خير منروح نلقاها مرحه بالعروسه😂😂...
عند سارة و بثون؛
بثون: سارة اليوم جيتني فكره مش عاديه بنهرب من الميتم و نبيك امعاي ..
سارة:تبي الحق حتى اني مليت..امعاك ع الموت😇😇
بثون:إنتي مافيكش امان بكل في أي وقت اتغيري رايك ...🙂
سارة:نوعدك مانعفسلكش فاها😄😄
بثون: أمري لله ...و بديت تحكيلها على خططها
سارة بعياط:😱😱والله
بثون: مش قتلك مافيكش امان..🤕و اني قاعده ماكملتش دوتي...
سارة:🤐🤐كملي هي .....
بثون: وكملت دوتها
أنت تقرأ
عشت في ميتم❤
Adventureالمقدمه التعريف بالابطال بثون:اسمي بثون بالثاء اسمي غريب ف عهدي لاكن تو منتشر اتقولي سرطان الدم الزح المهم أني مواليد 96 عندي بوي و امي متوفيين في حاذت من بعد ماجابوني هما ماتو و خلوني الله اعلم قالو امي مستودعتني الله اعلم و تو اني في ميتم حاشاكم...
