#على جرف الذكريات
بقلم زهراء امجد
الحلقة الثانية
اضغط نجمه قبل القراءه
الغربه من ترجع الناسك....
وتحس جن ما عارفينك...
الوحشه من تذكر سوالف...
جان اهلها كبال عينك....
الخنكه من تشتاك تبجي...
والشماته محاوطينك....
سهيل :- شسويتيله وعصبي هييج هاااا؟
زهراء :- خالة والله مسويتله شيي هوا مدري شبية ،
سهيل :- اذا صار بي شي بيوم من وراج اله اهججچ بليلة ضلمة من البيت منين الله ذبچن عليه ،
عفتها وصعدت ابجي، ،،
مر شهر كامل بعد هذا اليوم ومعاملت عمي من سيء الى اسوء وياي وخالتي بعد اضرب من عمي بالمعاملة بيوم امي الصبح طلعت تتسوك و خالتي لمى يمنه خطار وگاعدين ياكلون برتقال وتفاح هي وخالتي سهيل وجهالها خاله لمى توها متزوجه وبعد ماعدها اطفال صاحتني خالتي لمى ،
لمى :- روحي للمطبخ جيبلي سچين اگشر البرتقاله....
زهراء :- ايي خاله رحت للمطبخ وية ما فتحت الباب گمزت بوجهي بزونة عطت على عيطتي اجن خالاتي يركضن سألتني خالتي ،
سهيل :- شبيج ولج؟
حجيت بخوف خاله بزونه طفرت بوجهي خرعتني جان تعيط بيه ،
سهيل :- گلبه ادبسزز وگعتي گلبي على بالي شوف شكو.....
وجرتني من ايد خالة سهيل وتضرب بيه والله كتلتني كتله امي من وعيت للدنيا لليوم مضاربتني وهي كتلتها مال كافر تريد تفكني منها خالتي لمى متگدر من گد الدگ على ضهري بوكسات وايدها الثانية علة راسي وبالنعال....
احس الدنيا صارت تفتر بيه وسويتها على روحي طلعت من جواها ازحف وركضت لفوگ بالگوة اركض گعدت بالصالة بالگاع ابجي واشهگ مستهضمة صعدت خالتي لمى..
لمى :- گومي ماما اسبحج وابدلج...
انوب احترگت بالأزيد دخلتني خالتي لمى للحمام وسبحتني واني ميته خجل من نفسي وأكل بروحي وأگول اكو وحدة تسويها على نفسها شگد عار لعد اني طلعتني خالتي لمى من الحمام ومشطت شعري حضنتها وضليت ابجي ضلت تمسح على راسي الى ان هديت غفيت وحسيت على أمي تكعد بيه
مهى :- كومي يمه حبيبتي
ها ماما
عيون أمج ونبضها ليش نايمه يبعد روحي بيج شي.....
تذكرت الي صار الصبح وبجيت حجيتلها الصار وتخبلت نزلت على خالتي وگامت تصيح وتعيط عليها
مهى :- شوفي سهيل جبرتوني اعيش وياكم وتحملت لخاطر جهالي سحبتو ايدكم شوية شوية من البيت ومصروفه وذبيتوها برگبتي وهم گلت اتحمل ميخالف قسمتي الشغل على طفلتين صغار
مو گد هيج مسؤليه وگلت تهون خليهن يشتغلن الشغل ميموت احد ذليتوني وكرهوتني بعيشت الله وصميت حلگي وگلت كلشي يهون لأجل عيون جهالي بس مال تضلين شادة انتي ورجلج وية بنتي انعل يومج افتهمتي لو لااااا
أنت تقرأ
على جرف الذكريات
Romanceقصه حقيقيه لن أخبرك أنني أحتاجك ولن أتحدث بصراحه معك لن تشاهدني اتألم مره أُخرى ولن نتخاصم ابداً سأكون هادئ للحد الذي يشعرك بأنني لستُ موجوداً، كنت أحاول البقاء بجانبك بأي طريقه ولكنك لاتفهم ذلك بالشكل الصحيح كنت اقاتل من اجلك حتى وجدت انني أنا من...
