#على جرف الذكريات
بقلم زهراء أمجد
الحلقه 18
الدكتور طلب رنين مستعجل دخلوني اخذت تصوير للدماغ وثاني يوم يطلع رجعت للبيت
بعد مرجعنا للبيت تلگتنا نور وبيدها رضاوي دخلنا كلنا للصالة سيف اتصل وصة ع عشا من برة ساكتين فجأة حجت نور
نور :- هسة هي وينها وين الزواج خبصتو الأمة البنية ملتهية بدراستها ليش ليش تحملوها اكثر من طاقتها امي گالتلها
قسمتها هذه
اي وارتاحيتو ع مشاكل هذه القسمة موو؟ مبين عليكم اشتاقيتو للمشاكل والهوسة لأن صار فترة طويلة عايشين بهدوء وسلام شلون يصير نضل هيج
سيف :- مصطفى رجال كامل والكمال لـ لله ماعندج حجة ترفضين زوزه لتخليني اقسي وياج اني انطيت موافقة وقراري ما ابدلة ومااسحب كلمتي
هذا هو الي تريدة يصير سكتنا وصل العشا صبته امي وجابته يمنا اكلنا وكملنا وشالته اني اخذت مسكن وشلت مرتضى وصعدت باجر أحد وكلشي ممحظرة من الأمتحان والتحاضير اليومية صعدت نور گتلها باجر لا تگعديني مااداوم گالت اوكي عفتها تقرة ونمت ثاني يوم گعدت الصبح بـ 9:00 سويت ريوگ لأمي وريگت مرتضى بدلتله وضل يلعب واني گعدت اقرة امتحان اليوم الي راح حتى اشوف يوم تمتحني المدرسة صارت بـ1:00 اتصلت ع شوشة دزتلي الواجب وگعدت اكمل دراستي ثاني يوم بدلت وطلعت للمدرسة ومر اسبوعين رفعت الخياط من راسي وبيوم جان خميس ودوامي جان ظهري رجعت ميته من التعب لگيت عمي يمنا سلمت
تعالي عمو گعدي يمي
گعدت گال بابا اتفقنا يوم الخميس اليجي قراية فاتحة و گطع حق وتلبيس ذهب كله بيوم واحد لأن طريقهم بعيد وميگدرون يجون كل يوم شتگولين
هذا هو الي تريدو يجرالكم باس راسي وگال
بارك الله بيج بنيتي
بس قبل كلشي اني شروطي مااتنازل عنها مرتضى ودراستي مااتخلى عنهم
موافقين بكل شروطج وماعدهم مشاكل بنيتي صعدت بدلت ونزلت نفسي مسدودة شايلة هم اووووف متوترة ثاني يوم گعدت الصبح مسحت البيت وحضرت الغدة صارت الساعة ب10:00 وصلو بيت خالتي جانت جاية خالتي وغدير ومنتهى جايبهم حسام سلمت عادي وقدمت ماي وعصير ورجعت للمطبخ ورة الصلاة صبيت الغدة تغدو وطلعنه للسوگ اني وامي ونور وخالتي ومنتهى وغدير اشترت خالتي الذهب ع ذوقي جان كلشش ناعم وحلو وطلبت منه يصيغ الحلقة مالتي صياغه بأسمه گال 3ايام وتعالو اخذوها اختاريت فستان مثل هذا بالضبط بس لون بنفسجي طوخ
رجعنا ميتين تعب سويت عشا تعشينا وصعدت نمت ثاني يوم گعدت خالتي والبنات وحسام راجعين سويت ريوگ تريگنا وصعدت اقرة جان بوكتها عندي امتحان اسلامية ثاني يوم داومت وشهد متركتني سطرتني تريد تعرف كل التفاصيل رغم اني كل شي يصير انطيهياه أول بأول بالتلفون داومت عادي ماكو جديد ويوم الثلاثاء اخذت اجازة مال 3ايام ورجعت للبيت خابرت شهد وتبارك صديقتي وامها يجوني لزمت البيت تنظيف خلصت شغل ووصلت تبارك وامها (خالة ام تبارك عدها صالون تشتغل بي لهذا خابرتها تجيني للبيت ) صعدتهم لغرفتي وبعدها اجت شهد وبدت خالة تنضف بوجهي مخلصنا غير للعصر صارت بـ5:00 اتصل سيف
أنت تقرأ
على جرف الذكريات
Romanceقصه حقيقيه لن أخبرك أنني أحتاجك ولن أتحدث بصراحه معك لن تشاهدني اتألم مره أُخرى ولن نتخاصم ابداً سأكون هادئ للحد الذي يشعرك بأنني لستُ موجوداً، كنت أحاول البقاء بجانبك بأي طريقه ولكنك لاتفهم ذلك بالشكل الصحيح كنت اقاتل من اجلك حتى وجدت انني أنا من...
