#على جرف الذكريات
بقلم زهراء أمجد
الحلقه 14
ضغطوووووو نجممممممه
تحدد موعد رجعتنا بعد اسبوعين دخلت بحاالة أكتأب فضيع كلها بكفة وفراگ حور كفة ثانية بيوم بليل حسيت جسمي متكسر وماادري شبية تعبانه حيل نمت والليل كله جسمي نار ومشتعلة
بي
گعدت الصبح ع صوت علا تگعدني
ولججج زوزه شعندج اليوم لي هسة نايمة البيت مگلوب بالهرجة مو من عوايدج متگومين ع هلهوسة اجت سحبت مني البطانيه حجيت بأنزعاج وبلگوة
عوفيني علا عفية تعبانه وميته برد اجت لزمتني
صخاام الصخمج ولج نار ومشتعلة شبيج؟
البارحة مابيج شي شجاج ؟...
گوة سحلتني من الفراش واخذتني للحمام سبحتني وطلعتني رحت للغرفة ارجف
بس عوفيني مااريد كلشي غطيني راح اموت من البرد
ولج گومي اكليلج لگمة حتى تاخذين علاج
مااااارييييد معدتي بدون شي ذبحتني من الوجع عوفيني غطتني وطلعت شوية وخالتي وامي والبنات كلهن فوگ راسي فتحت عيوني وغمضتها مابية احجي وياهن غفيت وحسيت العصر گمت واحس نفسي دايخة بلگوة وصلت للباب فتحته اشوف واحد اجة متوجه عليه بس الدوخة لازمتني معرفت منو مصطفى لو حسام
الدنيا صارت ضلمة ووگعت فتحت عيوني بالمستشفى والكانولة بأيدي شفت امي وعمو حسن ومصطفى شوية ودخل الدكتور
شلون صارت الحلوة
الحمدلله دكتور
منو مزعلج بس گوليلي عليه ومعليج
ابتسمت وگتله محد مزعلني
متأكدة
اي
ديري بالج ع نفسج صاير عندج التهاب بالقولون العصبي حجة وية مصطفى
گالة اخذلها هذه الأبرة مسكن وشريط حب ولاتضوجوها ترة حتى معدتها مخربطة خلص المغذي وطلعنا للبيت وكلها تلگتنا بالباب ابتسمت بتعب وبنفس الوكت انقهرت حيل شلون راح افارگ هذه اللمة الحلوة وياهم حسيت بكل احساس حلو مااريد افقد هذا الجو الحلو جو العائلة المترابطة العائلة الي مليانه حنان وأمان وطيبة حور حاضنتني ودموعها بعينها وصلوني للصالة فرشتلي علا وگعدت سندت ضهري للحايط رادو مني اتمدد مقبلت
مصطفى :- منتهى گومي سويلها شوربة حتى تاخذ علاج
مااريد هسة
مو بكيفج ضلينا گاعدين ومنتهى كملت الشوربة وجابتها
ماريد هسة عفية خزرني مصطفى سحبت الخاشوگة وگعدت اكل مثل الخوش بنية
أنت تقرأ
على جرف الذكريات
Romanceقصه حقيقيه لن أخبرك أنني أحتاجك ولن أتحدث بصراحه معك لن تشاهدني اتألم مره أُخرى ولن نتخاصم ابداً سأكون هادئ للحد الذي يشعرك بأنني لستُ موجوداً، كنت أحاول البقاء بجانبك بأي طريقه ولكنك لاتفهم ذلك بالشكل الصحيح كنت اقاتل من اجلك حتى وجدت انني أنا من...
