#على جرف الذكريات
بقلم زهراء أمجد
الحلقه الثامنه
لتنسون تصويت + متابعه حسابي واتباد
طبعا بعد ماامي سولفلتي شنو المشكلة ضليت نصدومه قبل فترة عمي رايد يشتري بيت ومحضر فلوسة ولاگي بيت 200
متر عاجبة ومشتري من صاحب البيت ودافع نص فلوسة وجانو متفقين على تحويلة بأسم عمي يدفع الباقي بس من واصلين للمحكمة عمي عارف البيت مال ورثة يعني مو بس ملك الشخص الباعه ملك 7 اخوان ويا تخبل عمي والمصيبة ذولاك اخوانه ميدرون اخوهم باع البيت وبعد معرفو تخبلو لا
ابو البيت يقبل يرجع فلوس عمي ولا ذولاك
يبيعون حصصهم لعمي وينطون البيت كامل ،
عمي دافع فلوس بيت 200 متر يجون تالي ياكلون عليه الفلوس وينطو 100 وال100 الثانية ميقبلون يبيعوها عمي متخبل وهو عصبي نار ضال يومية مشاحنات هو وياهم والسالفه كبرت وطولت من يوم ويومين الى اسبوع وسبوعين ومنها لشهر وشهرين ،
اخر شي عمي لازم ابو البيت وكاتله لأن گايله اني ماارجع الفلوس صرفتهن ومالي دخل بعد منك لأخواني ملاتطشين وعمي ضابرة بوكس على
خشمة مخلي دمه ينفر هذا من الخوف واگع وانوب بي سكر ماخذي للمستشفى وولده جايين على عمي هداده شلون يضرب ابوهم لازمهم عمي وگاتلهم بالشارع واحد كاسر ايدة وواحد راسة 7 خياطات ،
ذولة تخبلو بالأزيد وگامو يردون يگعدون فصل ضلو شهر بأكمله عركة بينهم تالي من ضربني ابنهم عمامي دازين خبر نگعد فصل حتى يتفدون الشر ويسكتون تقرر الفصل يوم 2016/5/1 بس الي صار گلب الأول والتالي وشتت عوائل هوااي ودمر مستقبلنا بيوم جان خميس 2016/4/30 قبل الفصل بيوم
گعدتني امي وگالت ماما زوزه اني راح اطلع اجيب ريوگ حتى تگعدون تتريگون وتقرين لأن الأحد تداومين ان شاء الله گتلها اي ماما طلعت امي واني گمت سبحت ونشفت شعري ومشطته بس مضفرته عفته مفتوح دنگت اشيل جهازي احطة على الشحن واسمع عياط جوة شال البيت شيل نشف دمي ووكف گلبي علة صوت العياط
وصارت هوسة جوة نزلت اركض نص الدرج تدحرج كل فكري تعلگ بأمي وشلون راح استقبل الصدمة بيها نزلت خالتي گاعدة بالمطبخ تصرخ وتلطم عطت شكووو من خوفي وربگتي نزلت بالتراك وشعري مفتوح وجان وليد وصلاح وسامر جوة
خالتي تلطم وجهالهة يتصارخون وسيف گلب الأمة بالعياط ويدگ على راسه ويبجي فقدت الأمل من انه امي ترجعلي اخاف اسأل اخاف انضرب على راسي بالخبر رجعت ورة على الحايط
واحس الهوة ميوصل لرأتيني اختنگت ركض وليد
وليد :- زوزه فدوة واحد بيكم يصير عاااقل ويفهمني
عاط افهموني لازم تطلعون بسرعه التأخير مو بصالحكم
شكو وليد لزمته من قميصة استنجد بي
أنت تقرأ
على جرف الذكريات
Roman d'amourقصه حقيقيه لن أخبرك أنني أحتاجك ولن أتحدث بصراحه معك لن تشاهدني اتألم مره أُخرى ولن نتخاصم ابداً سأكون هادئ للحد الذي يشعرك بأنني لستُ موجوداً، كنت أحاول البقاء بجانبك بأي طريقه ولكنك لاتفهم ذلك بالشكل الصحيح كنت اقاتل من اجلك حتى وجدت انني أنا من...
