السلام عليكم..
مساء العافيه
سؤال / شنو ردة فعل مصطفى ووليد من عرفو انخطبت وخصوصا وليد ؟
لحد الأن محد يعرف بس عمتي عليا لأن ماكو شي رسمي مجرد قصي طلب من سيف ينطي فرصة ورجع تقدم وسيف رفض يفتح موضوع قبل لا اني اكمل دراستي واني خابرت عمتي وبالصدفة جان يمها قصي وطلبت منها توضحله رأيي وهو سمعني زين لأن عمتي فاتحة سبيكر گتله انطيك فرصة بشرط ميصير شي رسمي بينا قبل لا اخلص دراستي ادري بيك اذا ارتبطنا هسة متخليني اكمل وهو اقتنع مبدئيا بكلامي
سؤال /زوجة محمد شلون متقبلة اسم بنتها ع اسم حبيبة زوجها السابقة؟
حبي لأن متعرف بمحمد يحب وحدة قبل ومحصلها مقبل محمد يحجيلها الي صار بالماضي ويقهرها دفن حب شمس بگلبه وحاول گد ميگدر يسعد مرته وبناته وللمعلومة بدة يتعلق هوااي بمرته وصار ميگعد اذا مو هي بصفة وميگوم اذا مو هي تگوم وياه يعني نگدر نگول حبها حب عشرة وتبقى مرته وام اطفاله
سؤال / زين ليش هيج تصرفت مرة خالها وذبت مرتضى واخوته؟
عزيزتي اولا اخوته الكبار من غير أم ومرتضى من أم ثانية، ثانيا زوجة خالو جانت عايشة وية اهلها بكامل الحرية وبدون قيود يعني محد يكوللها لاتروحين ولاتجين ولاتصرفين وتسوين كذا ولاتجيبين كذا من تزوجت خالو قديها بغيرته عليها ميحب تطلع وحدها للسوگ مثل زمن اهلها و بالفترة الأخيرة تعبت وياه لأن اجتهم ايام ماعدهم مصرف للبيت وكومة شغلات بينهم منعتها من انها تبقى وياه واكيد اني ممسموحلي اطرق لهذه الشغلات الي خاصة بحياة خالي اني وياها متحملت خالي بالفترة الأخيرة وقررت تنفصل هذا حقها ومحد يجبرها تبقى وياه بس ألومها بشغله وحدة وهي شلون گلبها انطاها تترك قطعه من روحها وترفض رفض قاطع تتقرب منه وتشوفه هواي نسوان اني اعرفهن انفصلو عن ازواجهم بس متركو اطفالهم وضلو متمسكين بيهم اله هي كانت رايدة الحرية ورايدة ترجع كالسابق بدون اي مسؤوليات ونافرة ابنها واي شي يربطها بخالي اما لجين فما اعتقد علمود خالتها سوت كل هذا اكو لغز بالموضوع لهسة منفك
سؤال / مصطفى شگد ضل خاطب لجين؟
أسبوع تقريبا
البنات الي سئلوني عن مقتل حسام وسالفه ابن خال لجين
بنات حبي ابن خالها حرض او اتفق وية العصابة وطلع خارج العراق من اتصل الضابط وطلب مصطفى حتى يحجي وياه وبعد مااعترف رئيس العصابة عن ابن عم حسام وابن خال لجين عشيرة حسام مصدگت هذا الكلام يعني اكيد مراح تصدگوني من اگوللكم مصدگت اقوال المجرم بس والله هذا الواقع راح تسألوني ليش مصدگو؟ لأن ابن عم حسام نكر وحلف 100 قسم مالهم دخل بالسالفه وهاي اتهامات مفبركة لأن قبل لايموت حسام كان وياهم ع خلاف وكلها صدگت كلامه اله اني وخالتي بعدها سدو الموضوع عمام مصطفى وگالو داعش الي قتل لأن حسام استلم منصب مو اكثر زين انتو سألتوني عن ابن خال لجين شلون هيج سكتو عمام حسام عنه اگوللكم لعد عمام حسام شلون سكتو عن ابنهم وتركوه يسرح ويمرح گبال خالتي ومن تشوفه تگوم تشيل وتلطخ بنفسها بالگاع من حرگة گلبها حتى مصطفى صح بالبداية صار عصبي وانقهر ويريد يكتل ابن عمه بس بعدين گعدو عمامه قنعوه بكلامهم وسحبو لصفهم
حق حسام ميضيع يم رب العباد وموته نار تحرگ بگلبي هسة وبعدين ولأخر يوم بعمري لأن شگد جان يركض لعمامه وللناس وشگد وگفاته جبيرة وياهم بس من انغدر محد وگف واخذله حقه ولو عموابو حسام الله يرحمه عايش جان طلع حقه من حلگ السبع بس ماأگول غير (عمت عين الگاع الي نامت ع وين ماكو واحد زين )
أنت تقرأ
على جرف الذكريات
Romanceقصه حقيقيه لن أخبرك أنني أحتاجك ولن أتحدث بصراحه معك لن تشاهدني اتألم مره أُخرى ولن نتخاصم ابداً سأكون هادئ للحد الذي يشعرك بأنني لستُ موجوداً، كنت أحاول البقاء بجانبك بأي طريقه ولكنك لاتفهم ذلك بالشكل الصحيح كنت اقاتل من اجلك حتى وجدت انني أنا من...
