#على جرف الذكريات
بقلم زهراء أمجد
الحلقه الرابعه
اضغط نجمه قبل القرأءه ومتابعة حسابي الواتباد
گعدنا كلنا وانتضرنه عمي شيريد يكول
سعد :- خابرني شاهين راح يجي باجر هو وولده يريد ولده يجون يشتغلون هناا لأن بديالى الأوضاع تعبانه حييل ماكو شغل والذبح صاير على الهوية ويخاف عليهم اريد منجن سهيل ومها تبيضن وجهي باجر گدام اخوي وانتن نور وزهراء ادري بيجن انتن بدون ماكو احد يمنه معزولات ومالجن دخل بالرايح والراد اريد منجن تبقن هيج وتصيرن حذرات اكثر لأن ولد وياجن بنفس البيت يعني حجابجن شعرجن اديجن اريد الردن طويله زين بابا؟
گناله تدلل ،
_ يلله خلصوا غداكم اريد انام
خلصوا الغدة وغلست المواعين وصعدت عزلت غرفتنا والصالة والممر ومسحتهن حتى الصبح يبقى بس الطابق الأرضي والطابق الي بي غرف النوم مال عمي والجهال خلصت تنضيف الفوگ وسبحت ونمت گعدت الصبح على اصوات بالسطح باوعت للساعه ب6:00 جان يوم جمعه گمت لميت شعري وبدلت بجامة النوم بدشداشة مال شغل وطلعت لأمي لگيتها تغسل بالسطح
ليش مگعدتيني اساعدج
شعندي يمه ميحتاج
غسلت ونزلت اول مبديت بالحمامات غسلتها وعقمتها بديتول وبعدها نزلت امي ونزل عمي وسيف سويت ريوگ وتريگو واني شربت الگهوة وبلشت شغل بالبيت المعطرات اذبها بالمي ريحة البيت تصير تخبل مسحت الفوگ الممر والصالة ونزلت الدرج وبديت بالجوة هم خلصت المسح ورجعت مسحت الشاشة والتحفيات مال الأستقبال صارت ب8:00 أجة عمي
سعد :- وين امج
صعدت تخبز
شراح تسوون غدة
ماادري بس أكيد بامية ولحم وتمن ومسگوف
سعد :- اصعدي صيحيها ،
صعدت گتلها عمي يريدج نزلت وصدگ جان قرارها نفس الأكل نطبخ خلصت الخبز ونزلت طلعت جابت دجاج ولحم وخضرة وليمون وخيار وطماطة وفواكه واجتي نگعت الدجاج وغسلت التمن على ايدها وگطعنا اللحم وبدت تحمس بي بين صخرة والثانية صارت الساعة ب10:00 حضرت المواعين والدولكات نزلت نور من فوگ غسلت الفواكه وصفطتها بالمواعين الكبار الخاصة بالفواكه واني كسرت الثلج وحطيته بالثلاجة حتى ميموع وحضرت الخضرة بسلات صغار اجة عمي من برة
سعد :- هاا وينكم شسويتوا
گنالة بعد بس الدجاج يستوي والتمن هسة راح نحطه
يلله واني هم ساعه ونص واجيب المسگوف راح ورجع ب11:30
سعد :- الجماعه واصلين يلله يمرون للجامع يصلون ويجون على الغدة حضرن نفسجن وين سهيل
أنت تقرأ
على جرف الذكريات
Romanceقصه حقيقيه لن أخبرك أنني أحتاجك ولن أتحدث بصراحه معك لن تشاهدني اتألم مره أُخرى ولن نتخاصم ابداً سأكون هادئ للحد الذي يشعرك بأنني لستُ موجوداً، كنت أحاول البقاء بجانبك بأي طريقه ولكنك لاتفهم ذلك بالشكل الصحيح كنت اقاتل من اجلك حتى وجدت انني أنا من...
