الرواية قيد الكتابة كل يوم تنزل حلقة ان شاء الله
قراءة ممتعة
ــــــــــــــــــــ
في الجانب الاخر حامد و جميلة
حامد : خليك جادة شووية 😡 ، بصراحة انا اعجبت بيك 😍
جميلة : 😳 اعجبت بي كيف !!!
حامد : اعجبت بيك عديل كدة ، من منشوراتك اخدت فكرة كافية عنك و عن ادبك و اخلاقك و عشان ما تقولي كذاب كنت عايز اقول ليك اني حبيتك عديل 🙈
جميلة : حبيتني 😂 ، لكن انت ما شفتني ، كيف تقول لي اعجبت بيك !! و حبيتك كمان 😂 ، هو الحب دا سرعة كدة 😒
حامد : بغض النظر عن شكلك ، انا راضي بيك في اي شكل تكوني و بالجد عندي حاجة تجاهك و حاسي كأني بعرفك
جميلة : حتى لو ما عجبتك !!!
حامد : انا اهم حاجة عندي اخلاق البت و ادبها و فهمها و انتي فيك كل الصفات دي 😊
جميلة : ☺ شكرا ليك دا من ذوقك 🙈
حامد : انتي طبعا شفتيني ، اها رايك شنو 😎
جميلة : اي شفتك ، لو دي صورتك ما شاء الله وجيه جدا 🙈
حامد : اي صورتي ، تسلمي من ذوقك و الله و انا عشان اثبت ليك اني جادي ما حاطلب صورة منك
جميلة : حتى لو طلبتها ما حأرسلها ليك 😜😜😜😜
حامد : 😂😂😂 و الله انتي ما نصيحة ، لكن برضو عاجباني
جميلة و حامد بقو يدردشو مع بعض طوالي و اتعودو على بعض و بقى كل يوم تعلقهم ببعض بزيد بالرغم من انو تواصلهم كان بالفيسبوك بس
جميلة اول مرة تحس بالحب لانو حامد دا اول ولد في حياتها و اول ولد يعبر ليها عن مشاعرو ،، بقت تحبو جدا و اتعلقت بيهو جدا و بقى شاغل تفكيرها ، كانت طايرة في عالم براها حتى الحب ظهر في ملامحها 😍❤
خديجة : جميلة يا بتي
جميلة : ايوا يا امي
خديجة : الايام دي مالك !!
جميلة : 🙈 مالي يا امي
خديجة : حاساك متغيرة و وشك ناير كدة ، في شنو 😁
جميلة : مافي حاجة يا امي ، دا بكون من الصابونة 😁😁😁😁 😂😂
خديجة : هههههه الله يجازي محنك صابونة قال ، وريني انا زي امك 😂
جميلة : حلوة زي امي دي 😂، لكن برضو ما في حاجة 😁😁😁
خديجة :الله يسعدك يا بنتي و يوفقك دنيا و اخرة
جميلة : اي عليك الله ادعي لي كتيييير يا امي
خديجة : و الله دعاي كلو ليك يا بتي
جميلة : الله يخليك لي يا امي 😘😘
جميلة مشت غرفتها و قالت في نفسها : ما بقدر اكلمك هسي يا امي لكن اوعدك في الوقت المناسب حاوريك ان شاء الله 😊 ، لاني ما متاكدة هل حيظل حامد يحبني كدة حتى بعد يشوفني !!!! 😔
و دخلت الفيس بوك و لقت حامد مرسل ليها
حامد : وينك جميلتي ، من قبيل ما داخلة
جميلة : كنت بتونس مع امي
حامد : نسيبتي 😍😍😍😍
جميلة : 😂😂😂 ان شاء الله ، يارب تبقى نسيبتك
حامد : اللهم اميييين و حتبقى ان شاء الله
جميلة : 🙈🙈🙈🙈😍
حامد : عايني اكتبي لي رقمك لاني ما ممكن اقلق عليك كدة كل مرة 😒
جميلة : ضروري يعني 😁
حامد : اي ضروري و جدا كمان 😒
جميلة : حااضر و تديهو الرقم
حامد : تسلمي لي حبيبتي
جميلة : حبيبتك عديل
حامد : و الله بحبك
جميلة : مصدقاك من غير حليفة ☺ ،، عايزة اسألك سؤال
حامد : اتفضلي حبيبة
جميلة : ليه انت عايز تحب من الفيس ، ما عندك بنات اهل او جيران او زميلات !؟
حامد : انا اصلا ما بحبز زواج الاهل و كمان ما بعرف بنات كتار بحكم شغلي في المكتب طوالي ،، و انتي لفتي انتباهي بكلامك و اسلوبك و منشوراتك و حسيتك بتشبهيني 😉
جميلة : ايوااا ، و ان شاء الله اكون ليك كدة ☺☺
حامد : انا متاكد انك كدة و حتكوني احسن زوجة لي
جميلة : ان شاء الله ☺
حامد : اها عايزة نعمل العرس كيف و عرسكم كيف انتو !؟
جميلة : نحن ناس بنحب البساطة بطبيعتنا و شخصيا انا عايزة عرسي بسيط
حامد : كيف بسيط !؟
جميلة : عايزة بس وليمة في البيت مع العقد و شيلة عادية ،، ما عايزة صالة و لا حفلة عشان ربنا يبارك لينا 😍 لاني ما عايزة ابدا حياتي الجديدة بذنوب و البحصل في الحفلات ما هين و حق الصالة و الحفلة بنفعنا لبيتنا لقدام ان شاء الله ،، نختو في حاجة مهمة 😊😊
حامد : انتي جادة في كلامك دا 😳
جميلة : اي مالك مخلوووع كدة
حامد : ما كنت قايلك زولة بسيطة كدة ،، بالجد انتي زولة ما شاء الله عليك ،، كل يوم بتكبري في نظري اكتر و انا محظوظ بيك والله ،، ربنا يقدرني اسعدك و اكفيك من كل حاجة 😍
جميلة : الله يخليك لي يارب و يسهل لينا ان شاء الله
حامد : اللهم امييين يارب
جميلة : انت يا حامد حترضى بي حتى لو ما عجبتك !؟
حامد : قلت ليك انا اخر حاجة بفكر فيها شكلك و انا حبيتك بي طبعك و متاكد بعد اشوفك حبي ليك حيكبر ان شاء الله 😍
جميلة : كلامك حلو والله 🙈
حامد : انا اقتنعت بيك يا جميلة ،، هسي عايز اسمع صوتك ، ممكن ☺
جميلة : .....
يتبع
