الرواية قيد الكتابة كل يوم تنزل حلقة ان شاء الله
قراءة ممتعة
ــــــــــــــــــــ
في الجانب الاخر مآب و احمد
احمد : شرطك شنو !؟
مآب : انو ما نتلاقى اصلا ،بس نتكلم بالفيسبوك و حتى رقم تلفوني ما حأديك ليهو
احمد : ليه يا مآب ، نفسي تشوفيني و تعرفي احمد البحبك شكلو كيف .
مآب : انا نفسي اشوفك لكن انا ضد العلاقات اصلا و حاستمر معاك عشان عايزة اعرفك اكتر ،، كمان عشان ما ازعل من نفسي لو لاقيتك و ما عايزة زول يعرف بالموضوع دا لا اصحابك لا صحباتي
احمد : و الله شرطك صعب لكن عشانك حأوافق بيهو و اوعدك انو ما في زول حيعرف غيرنا لحدي ما اجهز و اجي اخطبك 😊
مآب : تسلم كتير ،،ان شاء الله ربنا يقدم الفيهو الخير
احمد : اللهم اميين يارب
مآب بقت تتونس مع احمد طوالي في الفيس و كل مرة بزيد تعلقها بيهو و حبتو جدا 😍 بقى ماخد كل تفكيرها ووقتها و قررت تنزل مركز التحفيظ براها عشان ما تكسل و عشان ما تنشغل باحمد كتير ،، بقت تمشي مركز الاترجة كل سبت عشان تحفظ القرأن 😍 و بتحضر المحاضرات الفيهو 😍 اتاثرت بيها جدا و حست انو البتعمل فيهو دا غلط و قررت تنهي علاقتها بأحمد نهائي مرضاة لله و قفلت النت و بقت ما بتفتح الفيس
مآب من شدة تاثرها باحمد و انو القرار كان صعب عليها مرضت جدا 😰 و بقت ما بتمشي الجامعة ،، فقدت الشهية و بقت عائشة على الدربات 😔 ،، كل يوم تبكي و تدعي ربنا انو يطلع حبو من قلبها و ما تتعذب بيهو 😥
احمد كان مقلق جدا على مأب 😰و ما عارف عنها حاجة ،، كل يوم يرسل ليها في الفيس و يلقاها ما متصلة ،، ما كان قادر يكلم صحباتها لانو وعدها انو الموضوع يكون سر بينهم 😔
عدا اسبوع و مأب قررت تكون قووية و تاكل عشان تتحسن و تواجه احمد بقرارها
قامت فتحت النت و اول ما فتحتو لقت رسائل كتيرة من احمد و شافت خوفو عليها 😔 رسلت ليهو و الدموع مالية عيونها 😭
مآب : السلام عليكم احمد
احمد : و عليكم السلام 😍 مآب ،،، وين انتي !!؟ ، ليه ما بتردي علي ، قلقتيني عليك 😰
مآب : عايزة اقول ليك حاجة مهمة
احمد : اتفضلي
مآب : انا والله حبيتك بالجد لكن كمان ما عايزة اعمل حاجة غلط 😔 لان حبنا كدة ما صحيح ،،انا بحترم امي و ابوي ،، ما عايزة اكسر ثقتهم فيني 😔 و سوف تظل انت حبي الاول و الاخير ، سلام و ارجوووك ما تراسلني تاني 😥 و قفلت الشبكة
احمد : لييه يا مآب 😧 تقولي كدة !
لقاها طلعت من الدردشة و ما قرت رسالتو اصلا 😔 ،، احمد حزن جدا عليها 😔و مآب بعد بقت احسن و اتعالجت من مرضها ،، كانت عايزة تنزل الجامعة لكن ابوها لقى شغل كويس جدا خارج السودان و كمان قدر يلقى لبنتو منحة دراسية في نفس البلد الماشين ليها و قال ليها انو حيسافرو و حتقرا هناك 😧
احمد كان على امل انو يشوف مآب تاني و قرر انو يساعد ابوهو و يشتغل معاهو عشان اهلو يعرفو انو كبر و يمشو معاهو يتقدمو لي مآب و كان في انتظار مآب تنزل الجامعة تاني عشان يكلمها 😍
مآب لبست النقاب لانها اقتنعت بيهو و مشت الجامعة عشان تودع صحباتها ،، احمد جاء ماري جنبهم لكن ما عرفها و لا هي عرفتو لانها ما شافتو قبل كدة و ودعتهم و سافرت مع اهلها لخارج السودان 😔
احمد نزل مع ابوهو شغل و ابوهو بقى يثق فيهو
احمد : يا ابوي ، رايك شنو في شغلي 🙈
محمد : و الله يا ولدي ما شاء الله عليك ، بقيت راجل يعتمد عليه 😊
احمد : الله يخليك لي يا ابوي ، انا عايزك في موضوع 🙈
محمد : اتفضل يا ابني
احمد : انا ناوي اخطب 🙊
محمد : انت جادي 😳
احمد : جادي والله يا ابوي
محمد : مين سعيدة الحظ دي 😊
احمد : واحدة زميلتي في الجامعة ادب و اخلاق
محمد : هههه ايواا عشان كدة نزلت معاي شغل
احمد : 🙈 اي يا ابوي عشان اثبت ليكم اني يعتمد علي و انت براك شفت شغلي
محمد : و الله بالجد المسؤلية ظهرت فيك ،، ان شاء الله حامشي معاك ، ابشر تب
احمد : 😍 الله يخليك لي يا ابوي
محمد : طيب اخد لينا موعد مع اهل البنت
احمد : حاضر يا ابوي 😍
احمد ما قادر ينتظر لتاني يوم عشان متحمس جدا انو حيكلم صحبات مآب 😍 عشان يوصلو ليها الخبر و يحقق وعدو ليها ،، الليل كلو ما نام و الصباح بدري مشى على الجامعة و طوالي مشى سأل صحبات مآب منها
احمد : السلام عليكم
اسراء : و عليكم السلام
احمد : بسأل من مآب لانو ليها كم يوم ما بتجي و عايز رقمها كمان
اسراء : انت منو و عايزة لشنو 😧 ، تقريبا شكلك ما غريب علي كأني شفتك قبل كدة
احمد : انا زميلكم في الدفعة اسمي احمد ،، انا بعرف مأب و عايزها في خير والله
اسراء : مآب خلت الجامعة و نحن ما عندنا ليها اي رقم والله لانو سافرت برا السودان و حتى حسابها في الفيس قفلتو
احمد : ......
يتبع
توقعاتكم
بطلو غتاتة و اتفاعلو عشان ما اتغاتت عليكم 😂
