الرواية قيد الكتابة كل يوم تنزل حلقة ان شاء الله
قراءة ممتعة
ــــــــــــــــــــ
في الجانب الاخر جميلة و حامد
جميلة : انا لابسة فستان مشكل و طرحة حمراء 🙈
حامد عاين و لقاها نفس البت القال انو ما ممكن تكون هي جميلة حبيتو 😧
حامد : انتي جادة دي انتي
😳
جميلة : يااخي وين انت 😒
حامد : اهو رفعت ليك يدي ✋🏻
جميلة شافتو و انبسطت جدا 😍و جات عليهو
حامد انصدم 😳 لما شاف جميلة لانو لقاها شينة شديد في نظرو و ما عجبتو 😔 ،، بقى يحاول انو يكون معاها طبيعي
جميلة : السلام عليكم حامد ☺☺
حامد : و عليكم السلام ، اتفضلي جلسي
جميلة : شكرا ليك و جلست
حامد : تطلبي شنو !
جميلة : خليني اشيل نفسي شوية ههههههه
حامد : خلينا نطلب عشان نمشي
جميلة : انت عندك مشوار و لا شنو !
حامد : اي ، ضرب لي صحبي و قال في مشاكل في المكتب
جميلة : ربنا يساعدك ان شاء الله ، ما تشيل هم بتتسهل ان شاء الله 😊
حامد قال في نفسو : لييه كذبت عليها ،، انا الجريت وراها في الاول و مفروض كنت اتوقع اي شكل و ما اندم 😔 ، كمان هي انسانة واعية و فاهمة ،، و تاني يناقض نفسو و يقول لكن كمان الشكل مهم و لازم يكون في قبول 😥
حامد بقى في صراع داخلي بينو و بين نفسو و ما عارف يعمل شنو 😔
اما جميلة فحامد عجبها جدا و كانت طايرة من الفرحة 😍 و قالت في نفسها : ما شاء الله ادب و اخلاق و خلقة جميلة 😍 ، معقولة حامد بي وجاهتو دي يحبني كدة و يكون عايز يتزوجني و تاني تقول في نفسها بالجد الحب اعمى يقوده الجنون 🙈
فضلو الاتنين ساكتين 😷 و جميلة بقت تحاول تفتح مواضيع
جميلة : كيف ناس البلد و العرس كيف كان 😊
حامد : كان حلووو والله و ناس البلد كلهم كويسين
جميلة : الف مبرووك ليهم 🙈
حامد : الله يبارك فيك ، امييين و عقبالك
جميلة : قول عقبالنا 🙈
حامد : ما معروف القسمة و النصيب وين !
جميلة استاءت من كلام حامد و قالت : اي القسمة ما معروفة لكن نحن نسعى و نخلص النية الصافية لبعض و ربنا بوفقنا ان شاء الله
حامد : ربنا يسهل
جميلة : اميين
جاهم الجرسون ، جميلة طلبت عصير و حامد كمان ،، اتونسو شوية و حامد كان برد على حسب السؤال بس ، الجرسون جاب ليهم العصير 🍹🍹 و شربو
حامد : نمشي بعد دا
جميلة : طيب 😊
جميلة حست انو حامد متغير لانو ما قال ليها اي كلمة حلوة من قعدو 😔 حتى ابتسامتو ما كانت من قلبو ،، كمان حست انو الحماس الفيهو قل و لهفتو تجاها قلت لكن رجعت و قالت انو يمكن دي عشان اول مرة يشوفو بعض و قالت يمكن خجلان منها
حامد و جميلة طلعو و حامد وصلها محل المواصلات
جميلة : اها دي اوراقي جايباها معاي للشغل 😊
حامد : طيب و شالها منها
جميلة : حانزل بتين الشغل !؟
حامد : قريب ان شاء الله
جميلة : المشكلة شنو في المكتب ، يمكن اقدر اساعدكم في حلها 😊
حامد : مشكلة 😳 ، مشكلة شنو !!
جميلة : انت مش قلت لي في مشكلة في المكتب و ماشي اشوفها
حامد : ايواااا ،، اي صاح في مشكلة لكن ما تشغلي روحك كتيير ،، بتتحل ان شاء الله
جميلة : طيب انا حامشي ، خلي بالك من نفسك و اتحصن
حامد : حاضر ان شاء الله و انتي كمان ☺
جميلة ركبت المواصلات و مبسوووطة عشان شافت حامد ،، قلبها كان بدق من الفرحة ❤ انو اخيرا شافت حب حياتها و قريب حيتزوجو و سرحت في احلام وردية و شغالة تتبسم ساي لمن فوتت المحطة و نزلت و هي بتضحك 😂
اما حامد فكان بحاول يقنع نفسو بانو جميلة ما عندها ذنب و انو لو بحبها بالجد مفروض ما يشتغل بشكلها كتييير ،، كان ما مبسوط و شغال يقول لنفسو : انا حبي ليها لو كدة ،، ما كان حقيقي لاني كنت راسم صورة في راسي و هي طلعت عكسها 😔لكن كمان هي سالتني و قالت لي لو ما عجبتك حتسيبني و انا نفيت ليها و بي كدة حاكون ما عندي كلمة لو سبتها 😔 ، طيب انا اعمل شنو هسي ،، مشى مكتبو و فضل سرحان في الموضوع دا و جاهو صحبو رامي
رامي : حامد حمد لله على السلامة يا هندسة 😊
حامد : الله يسلمك يا رامي
رامي : مالك سرحان !!
حامد : انا عايز اسالك سؤال
رامي : اسال اتفضل
حامد : انت لو اتعرفت ليك على واحدة من الفيس بوك و حبيتو بعض بدون تشوفو بعض ،، يعني من خلال دردشتكم مع بعض و اتفقتو تتلاقو و لمن لاقيتها لقيتها شينة ، اها حتعمل شنو انت في الحالة دي ،، حتواصل معاها و لا حتسيبها !؟
رامي : اصلا انا ما حارتبط من الفيس عشان المواسير دي 😒
حامد : 😡😡😡 ياخي جاوبني اجابة منطقية ،، افرض انك ارتبطت ،، كمان بقول ليك لو كانت البنت فاهمة و عاقلة و دمها خفيف و زولة ممتازة بس شينة حتعمل شنو !؟
رامي : شينة و لا شينة شديد 😁
حامد : شينة شديد 😔😔
رامي : شخصيا انا لو لقيتها شينة شديد بخليها لانو ما ممكن كل يوم اصبح بشكلها كدة و اعاين ليها كيف ذاتو 😒
حامد : انت جادي في كلامك دا 😳 ، حتخليها ؟
رامي : و اخلي حنانها ذاتو ، مالي اعرس لي واحدة شينة ، البنات السمحات كملو و لا شنو 😒
حامد : حتى لو انت وعدتها انو ترضى بيها مهما كان شكلها 😔
رامي : و انكرها حطب كمان ، اصلا انا كنت ما حاقابلها و بتصل عليها من بعيد و اشوفها لو لقيتها سمحة بجي عليها 😁و لو لقيتها شينة بقفل التلفون طوالي و خلف دوور 😂
حامد : ....
يتبع
تتوقعو حامد حيعمل شنو
و سؤال ليكم لو كنتو في مكانو حتعملو شنو
