الرواية قيد الكتابة كل يوم تنزل حلقة ان شاء الله
قراءة ممتعة
ــــــــــــــــــــ
في الجانب الاخر
مآب : ايوا قولي في شنو ، قلقتيني عليك
هالة : بصراحة انا ولد 🙊 و اسمي احمد ،، زميلك في الدفعة و حبيتك بالجد بس لقيتك ما بتتكلمي مع اولاد و ما لقيت طريقة اتكلم بيها معاكي الا باسم بنت 😔
مآب : بطلي هظارك البايخ دا يا هالة 😒
احمد : انا جادي والله انو انا ما هالة ،، انا احمد زميلك
مآب : انت جادي انك ولد 😳😳
احمد : جادي والله ، ارجوك ما تزعلي مني 😔
مآب : لي تعمل كدة 😧 ، انا وثقت فيك و حكيت ليك كل حاجة عني لاني افتكرتك بت 😠
احمد : و انا حبيتك بعد عرفتك اكتر و بعد نتخرج حتزوجك ان شاء الله
مآب : انا ما حاقدر اتواصل معاك تاني لاني ما بقتنع بحب الانترنت و كمان انت اخوي بس
احمد : انا بحبك و حافضل احبك حتى لو ختيتيني اخوك 😔
ماب : معليش يا احمد انا حأحظرك
مآب قفلت النت و حظرت احمد و كانت زعلانة لانو صحبتها طلعت ولد 😔 و النوم غلبها و طول الليل تفكر و تبكي انو البت الوثقت فيها طلعت ولد و تتذكر رسائلها معاها و نامت قريب لاذان الصبح
احمد زعل جدا لانو كان نيتو كويسة ،، انو كان عايز يعرفها عن قرب و كان مفتكر انو بعد تعرفو كويس حتقبل بيهو لانو حبو صادق تجاهها 😔
مآب مشت الجامعة مرهقة و حتى شاي الصباح ما شربتو ،، قررت انو تحاول تنسى الموضوع و تواصل حياتها عادي و في الجامعة
اسراء : اوووبة تعالي اشرحي لي المحاسبة المالية
مآب : كويس ، جيبي الشيت
مآب كانت بتشرح لاسراء بدون تركيز و اسراء هي البقت تشرح ليها
اسراء : هههه يا بت ، البشرح للتاني منو هسي 😂
ماب : اعذريني يا اسراء 😔
اسراء : 😧مالك يا مآب في شنو !!!
مآب : مافي حاجة بس مرهقة شووية
اسراء : سلامتك الف سلامة ، يلا نمشي العيادة طيب
مآب : لا لا ما في داعي ، انا كويسة بس في شوووية ارهاق
اسراء : طيب يلا ناكل
مآب : ما عندي نفس والله 😔
اسراء : قلقتيني عليك يا بت
مآب : هههههه تضحك من برا قلبها عشان ما تبين لي اسراء حاجة و تقول : يا بت انا كويسة 😃
اسراء : طيب يلا نفطر
مآب : خلاص حاشرب عصييير
و مشو على الكافتيريا و شربت العصير غصب عنها و احمد مراقبها من بعيييد و مبسوط عشان شايفها قدامو لكن كمان زعلان لانو ما بقدر يتكلم معاها تاني لانها حظرتو و رفضت حبو ،، كمان شايف الحزن في عيونها و قال في نفسو : انا بحبك والله يا مآب و نفسي تكوني ام اولادي و بتمنى ربنا يستجيب لي 👐🏼
ماب فضلت اسبوع في صراع داخلي انو تفك الحظر او لا لانو حست انو بالجد عندها حاجة لاحمد لانها فقدتو جدا ، كمان عرفت اخلاقو لمن كان بمثل انو هالة
و قررت تفك الحظر و فعلت فكت الحظر و رسلت ليهو رسالة
مآب: السلام عليكم
احمد كان كل فترة يفتح صفحتها عشان يشوفها فكت الحظر او لا و في المرة الاخيرة صفحتها فتحت معاهو و طوالي جاتو الرسالة و فرح جدا لمن لقى مآب مرسلة ليهو
احمد : 😍😍 و عليكم السلام
مآب : كيفك يا احمد
احمد : بقيت كويس بعد مراسلتك لي 😍
مآب : لييه يا احمد تخليني اتعلق بيك 😔
احمد : انا بحبك و الله
مآب : اها نهاية الحب دا شنو !! نحن لسه طلبة و بناخد مصروفنا من اهلنا !
احمد : عارف يا ماب لكن انا بعد نتخرج حأجي اخطبك ان شاء الله 😊
مآب : لكن كدة نحن حنكون في علاقة من ورا اهلنا لفترة كبيرة
احمد : انا لسه طالب و اهلك ما حيرضو بي و لا اهلي حيمشو معاي لو قلت عايز اتقدم لانو حيقولو لي نمشي كيف و انت ما شغال
ماب : اها الحل شنو !
احمد : اوعدك اني اجتهد و اسعى عشان تكوني لي و ما اتزوج غيرك و اول ما اجهز حاتقدم ليك ،، لكن عايزك توعديني انك تنتظريني
مآب : طيب انا موافقة لكن بشرط
احمد : شرطك شنو !؟
مآب : .....
يتبع
