أحببت خرساء
البارت السابع
حازم:مفيش محتاج حاجه اغير حياتى .. المهم انت كنت بتقول ايه؟!!
يوسف: تغير حياتك !! انا حاسس ان فيه حب فى الموضوع
حازم:حب ايه يابنى انا بتاع الكلام ده برضو..انا بس حاسس بملل بقالى فتره
يوسف: كنت بقول زيك كده فى الاول لكن لما تلاقى اللى تاخد عقلك و قلبك هتنسى كل الكلام ده
حازم -سرحان و بيفكر- : ها و ايه كمان
يوسف:بس يلا و بعدين انا هسيبك و اروح انام .. انا مش عارف انا جتلك ليه اصلا
( نسيب يوسف و حازم
و نروح لقمر)
(عند قمر )
تصحى قمر تانى يوم الصبح مقرره انها تروح تعمل الحاجه اللى بتحبها فقامت تلبس
نزلت قمر بدرى عن ميعاد شغلها و راحت تشترى الحاجات اللى هتحتاجها عشان ترسم
خلصت قمر وراحت على شقتها و جهزت مكان للحاجه و رتبتها و نزلت تانى عشان تروح الشغل
(نسيب قمر
و نروح لروما )
تصحى روما الصبح و تلبس و تنزل شغلها
ركبت روما عربيتها و وصلت لشغلها و ركنت عربيتها و نزلت منها
لقت عمها واقف قدام المستشفى
روما : انت بتعمل أيه هنا
عمها : جاى اشوف بنت أخوى و بعدين انت كيف تتحدثى اكده مع عمك
روما : لسه فاكر أن انت ليك بنت أخ تسأل عليها
عمها : انتى اللى مرضتيش تيجى حدانا البلد و تعيشى معانا بس خلاص سيرتنا بجت على كل لسان بسببك
روما : انت عايزنى آسيب حياتى و شغلى و اروح البلد اقعد فى البيت
عمها : ايوه هتروحى البلد و هتجعدى فى بيت جوزك
روما بزعيق و صدمه : مين ده اللى هتجوزه انت اتجننت
عمها : هتتجوزى ابن عمك برضاكى أو غصبن عنك
روما بزعيق : اتجوز مين ده مش ممكن يحصل ابدا
جيه شخص و قطع الخناقه بين روما و عمها و قال
حازم : تتجوز ازاى و هى متجوزه أساسا ؟؟
تبص روما و عمها لحازم بصدمه
عمها بعصبيه : الكلام اللى بيجوله الراجل ده صح
يروح حازم يقف جمب روما : ايوه طبعا ما تقوليله يا حببتى
عمها : الكلام ده ميدخلش عقلى ايه اللى يثبت حديثك عاد
بيبص حازم لروما : ولله معنديش إثبات عايز تصدق أو لأ انت حر ديه حاجه تخصك
على العموم فرصه سعيده يلا يا حبيبتى
عمها : استنى عندك انت هتخدنى فى الحديث عاد انا عايز اشوف قسيمه الجواز
حازم : سبق و قلت مش محتاجينك تصدق و بعدين انا اكيد مش ماشى بقسيمه الجواز معايا فى كل حته
عمها : أنا ميدخلش عليا لعب العيال ده يا بت اخوي انا ماشي دلوقت و جاى تانى يوم الخميس عشان اشوف القسيمه و إلا هتيجى معاى و تتجوزى ابن عمك
مشى عم روما
تفوق روما من صدمتها و تبص لحازم
روما بزعيق : انت بأى حق تقول الكلام اللى قولته ده جوزى مين انا اعرفك منين اصلا يا بنى ادم
و لا استنى مش انت البجح اللى خبط فى عربيتى من كام يوم
حازم : ده بدل ما تشكرينى انى انقذتك
و بعدين مين اللى خبط فى مين انتى اللى خبطى فيا
روما : لأ بقى انت اللى خبطنى و بعدين اشكرك على ايه يا بنى ادم انت بوظت الدنيا
حازم : لأ بقى انتى اللى خبطتى
روما : هو ايه البجاحه اللى انت فيها ديه
انت مش حاسس بالمصيبه اللى انت وقعتنى فيها لو سمحت امشى من هنا
سبها حازم و راح على عربيته
روما : استنى عندك انت رايح فين انت هتمشى و تسبنى بعد اللى انت قولته ده
اعمل ايه انا دلوقتى فى إللى جاى يوم الخميس ده
حازم : انتى مجنونه مش انتى اللى عايزانى امشي
