أحببت خرساء
البارت العاشر
حازم: قمر الحقى يوسف عمل حادثه
قمر اغم عليها اول ما سمعت اللى حازم قاله
حازم شال قمر و حطها فى عربيته و راح بيها لمكان بعيد . وصل حازم و قمر لسه مغمى عليها فشالها و دخل بيها المكان و حطها على الكنبه و بعد كده لف لراجل واقف وراه
حازم: انا جبتهالك اهى . اتصرف انت من هنا بقى
مشى حازم و راح على بيته لقى روما لسه نايمه فقرر انه يروح يعمل الفطار و بعد كده يبقى يصحيها . دخل حازم المطبخ و وقف فى نصه بيفكر هيعمل فطار ايه و هو اساسا مش بيعرف يعمل حاجه فراح على الثلاجه و فضل واقف قدامها شويه و بعد كده قرر هيعمل ايه...
خلص حازم الفطار و راح عند روما و حط الفطار على الترابيزه و راح قعد جنب روما و فضل يتاملها شويه و يحسس على خدودها شويه و قعد يفكر ياترى هى ممكن تحبه فى يوم من الايام زى ما هو بيحبها ولا لأ . اتنهد حازم و افتكر الفطار فصحى روما عشان يفطروا مع بعض
حازم : روما حبيبتى يلا اصحى
تصحى روما و تبص جنبها تلاقى حازم بيبصلها بحب
حازم: صباح الخير يا حبيبتى
روما اتفاجأت من قرب حازم فقامت و عدلت نفسها
روما: صباح النور ، فيه ايه؟!!
حازم: مفيش يا حبيبتى يلا قومى عشان تفطرى
يروح حازم يجيب الفطار و يحطه قدام روما
حازم: يلا عشان تفطرى و نجهز عشان عمك جاى
روما: انا كنت ناسيه خالص الموضوع ده
بدأت روما تفطر و بعد كده بصت لحازم لما لقته مش بيفطر معاها
روما: انت مش هتفطر هتسيبنى افطر لوحدى
ابتسملها حازم و بدأ يفطر معاها
فطرت روما تحت نظرات حازم اللى كلها حب . تخلص روما فطارها و تقوم بسرعه عشان تهرب من نظرات حازم و تدخل اوضتها و تقفل الباب وراها و تسند عليه و قلبها بيدق جامد مش عارفه ليه ..
تفوق روما و تروح تلبس هدومها عشان عمها اللى جاى بس تفتكر انه مش عارف البيت اساسا فتخرج بسرعه من اوضتها و تروح عند حازم و تقف قدامه بسرعه
حازم: ايه فيه ايه
روما: عمى مش عارف عنوان الشقه دى هو هييجى على شقتى
حازم: طب خلاص كلميه و خليه يجى هنا
روما: لأ طبعا أنا مش عايزاه يعرف مكان بيتك .. لو سمحت نروح شقتى احسن
حازم: ماشى زى ما تحبى يلا روحى البسى و نروح على شقتك
تروح روما عشان تلبس
و حازم كمان يقوم يلبس
خلصوا حازم و روما لبسهم و نزلوا عشان يروحوا شقه روما . فركبوا عربيه حازم و وصلو عند الشقه بعد شويه.
طلعت روما شقتها و وراها حازم و اول ما دخلت نزلت من عينيها دموع و افتكرت باباها و مامتها .. فييجى حازم من وراها و يمسح دموعها و يحضنها فتعيط روما فى حضنه اكتر
روما: وحشونى اوى يا حازم
يمسح حازم دموعها و يفضل حاضنها و هو مش عارف يقولها ايه هو عارف الإحساس اللى هى حساه ده عشان هو جربه قبل كده فخرجها من حضنه و قالها
حازم: اهدى خلاص انا معاكى و مش هسيبك
هديت روما بعد شويه قعدت هى و حازم. فجاه رن الجرس فقام حازم عشان يفتح فيلاقى شاب واقف قدامه
حازم:نعم
الشاب:هى مش دى شقه انسه روما برضو؟!!
حازم بغيره : مدام روما و ايوا عايز ايه؟
تيجى روما من وراه : مين يا حازم
يبص حازم لروما نظرات غضب فتبص روما للى واقف على الباب
الشاب لروما:انا بس كنت حابب اطمن عليكى بقالك فتره مش موجوده
حازم:هى كويسه ، حاجه تانيه؟!
الشاب: لأ شكرا
مشى الشاب و حازم رزع الباب وراه و راح قعد على الكنبه و هو متعصب جدا
تروح روما تقف قدام حازم و تقوله..
روما: ايه اللى انت عملته ده ، انت كنت قليل الذوق اوى معاه و أحرجته جدا على فكره
حازم: و حضرتك زعلانه اوى كده ليه. مين ده اصلا
ملحقتش روما ترد على حازم عشان جرس الباب رن مره تانيه
حازم بص لروما : متخرجيش من هنا
راح حازم و فتح الباب و لقى عم روما قدامه و معاه شاب لابس شيك
عم روما بص لحازم من فوق لتحت و بعد كده راح دخل هو و ابنه الشقه من غير اى كلمه.
فراح حازم قفل الباب جامد و راح وقف قدام عم روما
حازم: انت داخل فين كده من غير استأذان
عم روما: داخل بيت بنت اخوى
قطع كلامهم ابنه لروما لما شافها: ازيك يا بنت عمى ليكى وحشه
حازم راح و وقف جنب روما و حط ايده على كتفها
حازم: احترم نفسك و انت بتتكلم مع مراتى
عم روما: هو عمل ايه اصلا هو بيتحدث مع بنت عمه
حازم: مفيش بنت عمه الكلام هنا معايا انا
عم روما:حديث ايه ده هى اصلا هتطلق منيك و تاجى حدانا البلد و تتجوز ابن عمها طالما انت مش عارف تصرف عليها و جاى عايش فى شقتها
