#البارت_الاول_الثاني
وهم الحياة البارت الاول
للكاتب #عصام_الدليمي
قصص نور قلبي
في كل قلب هموم يعجز عن تحملها لقساوتها ومرارها...
اسمي غاده
ارجع وياكم لـ
شريط ذكريات طفولتي يمر عليه مثل الطيف ....
اشوف دائما امي تمر بهذا الشريط بس ملامحها مشتته ومو واضحه... مااذكرها جيدا
جنت
ودائما اسمع صوت صرخات عاليه بينها وبين ابويه....
من كبرت و وعيت عرفت هاي امي الي تخلت عني وعن اختي واحنه بااحرج وقت وأمس الحاجه الها...
ومن هنا بدت قصتي.....
اسم امي (منئ)
منئ....ماريدك يارجال مليت منك ومن عقدك...
عوفني بحالي ...ضيعت مني احلى سنين شبابي...
اسم بابا (مجد)
مجد
.....كافي استحي على روحج ...يوميه مسويتلج مشكله وسالفه...
متنعدلين ولاينصلح حالج ، تبقين تحنين لحياتج حياة الزباله والقذاره ...
منئ،
والله مجبرتك عليه وعلى حياتي ، شو انت الي ذبحت روحك وسحلتها سحل وحفيت حتى اقبل بيك واخذك لو نسيت....
مجد
اي غير جنت زوج وغبي ومعمي على عيوني، ساعه السوده الي تورطت بيها وياچ...
هملت مرتي وجهالي ورگضت وراج...
منئ
عيني مضربتك على ايدك ،اني داگولك روح ولتشوفني خلقتك بعد .......روح اشبع بمرتك وجهالك...
طلگني وروحلهم وخليني اعيش شبابي بعدني ورده مفتحه ...بدايه العشرين واندفنت ...
وانت ذبلتني بسجنك وقفصك الي حابسني بي....
مجد
كافي خبال وبطلي حجيچ الي بلا معنى ....لخاطر بناتج واگفات يبجن من وره صياحج...
منئ
اگلك.... ترى لا انت ولا بناتك تهموني بشي ،اخذهن وخلصني منهن .....اني مو حمل مسؤوليه..
الي بعمري بعدهن حتى مو متزوجات....
مجد
يابنت الحرام اكيد شايفتلج شوفه وطالع حسچ...
منئ
اي شايفتلي شوفه ،شفت الي يقدر موهبتي ويشجعني ارجع على الرگص ، خو ما انت دفنتني دفن..
مجد
ياويلج يافاجره روحيله واشبعي بي....
انتي طالگ طالگ طالگ...
منئ
ايه واخيرا يوم عيد.....الى فير روح خل ارتاح منك يامعقد.....
مجد
احلمي تشوفيهن بيوم من الايام لبناتج...
اخذهن واشبع بيهن
منئ ...ابچي عليهن يوم لو يومين وانساهن طز بيك وبيهن....
هاك سلاباتك وسلاباتهن ولتشوفني وجهك بعد...
مجد
استغفر الله العظيم من هالمره...امشوا بابا امشوا ....
غاده
.......بليله شتا بارده وظلامها حالك ،وكانت هذه اللحظه الفاصله الي انفصلت حياتنه بيها اني واختي عن امي.....
طلعنا ويه بابا بسيارته ودموعي مغرگه خدودي اني وابتسام نبچي نريد ماما...اول مره نفارگها....
كافي بابا سكتوا ماما مريضه وراح تسافر من ترجع اجيبكم عليها.....
بقيه نمشي بالليل الى ان وصلنا على بيت حلو شكله من بره وبابه عالي وجبير ....
يمكن اشوفه بهاي الصوره لان چنت صغيره...
بابا.....يله باباتي فروحتي نزلي خل اشيل اختج ابتسام...
چان عمري بوكتها 8 سنوات ، وابتسام بعد ممكمله 5سنين...
فتح الباب العالي بابا وچان گايدني بأيد، وشايل ابتسام بأيده الثانيه لان نايمه...
طبينه للبيت وتلكتنه مريه حلوه ....
بس !!!!!!!
