#البارت_١٥_١٦
وهم الحياة البارت الخامس عشر
للكاتب #عصام_الدليمي
قصص نور قلبي
وصلت البيت وطبيت الهول ومحاسه بروحي مسطوره من الاسئله...
محسيت الا بيبي تحاجيني...
هلا غاده شكو بنيتي شو سارحه . ..
ها....هلو بيبي ...
رحت گبل يمها وحجيتلها...
ممتعوده اضم شي عليها...
يااااا هاي من صدگ تحجين ..
اي والله بيبي...
وميته قهر شلون چنت امشي وياها طول هالسنين..
ومقهوره اكثر على ابوها واهلها شلون مفكرت بيهم....
عفيه ببنيتي انتي عاقله ومعليج بيها خل تولي ...
مو خوش صديقه بعد لترافجيها...
بنتي البنيه من تسوي غلط ميگولون شوفي فلانه شلون ماشيه وشلون لابسه....
يگولون شوفي بنت فلان لو اخت فلان...
وبعدين البنيه تكبر وتزوج وتروح لرجلها ....
بس تبقى العالم عينها على اهلها...
وتبقى الناس تعير بيهم....
(مرات انقهر لان امي مو يمنه ....
بس ارجع احمد ربي ....اگول لو مربيتني امي على طريقتها جان صرت وحده يجوز مو زينه)....
بيبي ربتني صح ونصايحها كلها درر واني احطها بالي واطبقها....
وخاله انتصار ....صادقتني وتعملني من اني وصغيره كأنما بنيه چبيره....لذلك طلعت حريصه على نفسي...
علي..واگف باب الهول واسمع غاده شلون مصدومه بصديقتها وتسولف لبيبي ومقهوره....
حسيت على روحي اني قاسي وياها...
وبتصرفاتي راح اخليها تتغير وتقل ثقتها بيه ويجوز تتأثر بنات هالوكت.....
سويت نفسي مسامع شي من حجيهم....
طبيت للهول وحجيت وياها ....
چنت مطنگر عليها كم يوم....
ها بيبي شلونج...
غاده حبابه سويلي فنجان گهوة ....
وأريدها مره راسي حيل يوجعني...
شعجب حجه ويايه...
والله هالولد مو صاحي ...
ساعه يزعل ويهوس.. .
وبعدين من كيفه يرضى...
اي هسه اسويلك بس اذب هدومي...
غسلت وبدلت ورحت سويتله...
هاي المن دسوين گهوه غاده..
خاله دااسوي لعلي راد مني ...
اي يابنتي اول صبيلج غده واكليلج لگمه توج جايه تعبانه يعني مو جوعانه...
اي والله خاله جوعانه...
بس اسويله الگهوه بالاول مابيه يفك حلگه عليه...
مصدگت حجه ويايه....
غاده ترى انتي كلش غاليه عليه...
ومن يقسى عليج مو معناها يكرهج ...
بس هو يخاف عليكم..
وحريص ....
عيبه هالعصبيه البي ......بس گلبه طيب....
وراثه گشره وارثها من جدج الله يرحمه ....
چان طول الوكت يهوس على راس عمتي ...
بس بعدين يبرد ويحن عليها...
الله يرحمه لجدو...
يرحم والديج حبيبتي.....
الله شنو هالگهوه جابتني للمطبخ ريحتها ...
صارت جاهزه اوديها بالهول لو بغرفتك...
لا خليها على الميز عاجبني اشربها هنا بالمطبخ...
براحتك....
الله عاشت ايدج تعدل الدماغ...
بالعافيه...
والله مو بعقله ....الله يهدي....
رحت صبيت اكل من الجدوره خبطت تمن ومرگ بدون حمي ....
وجبت ماعوني وجريت كرسي وگعدت...
شلون تاكلين بدون حمي صار شگد من تغدينا هسه صار بارد....
لا عادي متعوده...
براحتج....
