#البارت_١١_١٢
وهم الحياة البارت الحادي عشر
للكاتب #عصام_الدليمي
قصص نور قلبي
ها غاده شدسوين...
خاله اليوم عشانه خبز عروگ بيبي الشهيره...
اي والله محد يسوي عروگ طيبه مثل عمتي ربي يديمها علينا وميحرمنا منها...
كملت ثرم وتبلتها بيبي وعجناها وعفناها تختمر....
بسومه عدها امتحان فيزياء وجان لهيب يدرسها....
طلعنه اني وخاله انتصار وره البيت من اختمرت العروگ...
خاله تخبز بالتنور الغاز واني اكشفلها واشلع بالملقط مال الخبز....
بدت خاله تخبز ...
ودائما اول عروگه الي اني لان افقد عليها...
اووف بيبي على هالعروگ الي ترد الروح شنو من
طعم....
اگول خاله هم دتشتمين ريحه غاز ...
شو اني دشم ريحه قويه خاف دتسرب الصونده...
شو مد اشتم اني اي ريحه....
بقت كم وحده ونكمل....
واشتعلت الصونده من يم التنور....
وگمت اعيط....وبلا شعور.....
علي علي الحكولنا..
علي....گاعد اقري بسمه ومااسمع بس صوت غاده تصيح با اسمي...
واني اعرف بيهم ديخبزون وره البيت...
رحت اركض وصلت لگيت صونده التنور مشتعله وامي دتطفي بيها ...
وصلت شلعت الراس وشمرت القنينه...
غاده واگفه وضامه راسها وتصيح بااسمي..
غاده.....شفت علي اجه يركض وشلون عالج الموقف...
واجه عليه.....واني وبدون وعي چيتت بحضنه وحضنته واني ابچي واشهگ...
علي....مو اول مره احضن غاده ....
چانت اخر حضنه قبل سنتين ....
من بدت تكبر گمت بعد مااحضنها....
بس حسيت هالمره بقربها الشعور غير شكل...
كافي جبانه اليشوف لسانج ميصدگج انتي هسه ميته من الخوف...
غاده...حسيت بروحي حاضنته ودفعته...
ولي عابتلك شگد مكروه...
انتصار .....الموقف چان كلش يخوف والنار مشتعله...
بس سبحان الله بهالموقف ...
رب العالمين بينلي اكو حب بين علي و غاده...
وياريت ينجمعون بالحلال لان ماكو احسن من غاده تحب ابني وتراعي.....
الحجيه....يابيبي والله هبطتونا بلياه هالعروگ لو صاير بيج وبعمتج شي...
علي ...بيبي غاده عار والعار ميموت...(بضحك)...
غاده.....اي طبعا مااموت وابقى اكل بگلبك مثل السرطان....هههههههه...
الحجيه....سكتوا چنكم الديوچه...
علي....بعد الي صار اليوم اتاگدت من مشاعري وعرفت اني احبها ..
چنت قبل حريص عليها واغار بس هسه تأكدت من مشاعري...
بس اويلي عنادها شگد صعب وراسها يابس ...
بس مو عليه....
يرادلها مسايس...
واگفه اغسل بمواعين العشه واجه علي من بره...
ها ام البلاوي ...لو ميته چان هسه گاعدين دنحضر وننصب خيمتج...
اسم الله الرحمن عليه عمري طويل....
ان شاءالله الي يكرهوني...
اجه عليه وتقرب من يمي ...
وبهمس حجه ويايه...
يعني تقصديني اني وتتمنيلي الموت...
ذوبني بصوته....اوف والله حيرني طبعه...
مااعرفله طبع ساعه عصبي وحاقد حقير....
وساعه هادئ وحبچي...
بقيت مرتبكه وحس هو عليه...
فاتت بسومه وابتعد من يمي...
غاده عمو عمار يريد فنجان گهوه...
اي بسومه هسه اكمل المواعين واسويله...
علي..واني هم حسبي حسابي بفنجان گهوه بس لتحطيلي شكر بيها...
غاده...احجي ويا بخجل....
مو تصير حيل مره شلون تجرعها...
لا ليش مره مو راح تحطين اصبعج بيها وراح تصير حلوه....
وهم الحياة البارت الثاني عشر
للكاتب #عصام_الدليمي
قصص نور قلبي
غاده.....اول مره يتغزل بيه ...
متت من الخجل وهو انتبه عليه...
علي...اني بطبعي جريء ...
حسيت غاده خجلت ...
بس اريد استغل الموقف حتى اسوي الي بالي...
علي..
غاده انتي كبرتي وصارت العيون عليج ...وانتي عرضي والي يجيبج بحجايه ادفنه...
وماخلي صبح يطلع عليه...
لخاطري البسي الحجاب حتى يكمل جمالج وحلاتج...
غاده....الله على هدوءه وشلون عرف يسحرني بكلامه ....
وبلا ما احس چاوبته ان شاءالله...
صدگ تحجين...يعني باجر تروحين بالحجاب...
اي شسويلك لعد...
عفيه بالحبابه ابقي مطيعه وهادئه ...
ولتطولين لسانج لان اني مااحب اللسان الطويل...
اني رايح لغرفتي وجيبيلي الگهوه بلا امر....
ان شاءالله..
عزه هذا شبي بقيت واكفه صافنه ومسطوره ...
شنو هذا چنه ملاك...
يمه وينج يا ايناس تعالي شوفي النعيم الي اني بي...
يمه گلبي يدگ الف الف من الفرحه...
ثاني يوم
گعدت ولبست حجاب وطلعت حتى اتريگ واروح وشفت علي گاعد بالمطبخ ومن شافني غمزلي..
استحيت من عنده ودنگت ...
صباح الخير ياحلوه شنو هالگمر الي طلعلنه من الصبح...
تسلمين خاله عيونج الحلوات...
صباح الخير علي..
صباح الخيرات ...
شعجب مرايح لسه لكليتك ...
عجبني انتظر اصبح بوجهج واشوف الحجاب عليج...
غاده متت خجل گمت راسا طلعت حتى بدون مااكل واسلم...
انتصار...لج غاده تعالي وين رايحه يمه بعد وكت ...
تعالي افتحي ريگج بلگمه ...
لا خاله مااريد مستعجله عليه التنظيف...
غاده...يمه گلبي راح اموت ...
معقوله گام يحبني اويلي راح انجلط ممصدگه...
طلعت ساعه 7 وربع والشوارع فارغه ...
وصلت بيت ريم دگيت الباب وفتحته ريم...
ها يولي شو جايه من وكت شعندج...
وهاي شنو شطالعه بالحجاب...هههه ...
جذب لايگلج...
ها ...اسفه چيت بوكت بس يمكن ساعتي مقدمه...
تعالي فوتي داتريگ ...
اكلي لكمه ويايه ونطلع...
لا روحي بالعافيه....
كملي ريوگج اني ابقى انتظرج...
لچ دتعالي كلهم بالدوام وامي نايمه...
طبيت لبيت ريم واكلت وياها لگمتين وشربت چاي وطلعنا...
وصلت المدرسه...
وروحي مفرفحه بس اريد اشوف صديقتي واسولفلها الي صار...
لچ ...يولي يحبني والله حبيب الروح يحبني...
خبال يولي شكو شصاير...
البارحه شلتي طن گتل منه وكارهته....
واليوم راح تموتين عليه...
وهاي شنو يولي...
شو لبستي الحجاب مو گلتي مالبسه لو اموت...
اي عيني هذا اكيد الحب ..
حجيت لا ايناس كل الي صار بالتفصيل.....
اوف لج كافي غاده ذوبتيني ...
لج هذا ابن عمج ينگرط ، زوجينيا عليج الله...
انچبي ...هذا الي وميصير لغيري...
لا حبيبتي الله يسعدكم ويجمعكم سوه...
غاده...طول الوكت فرحتي مو لحد وفاضحتني ومستعجله بس اريد ارجع للبيت ...
وانتظر علي واشوفه من يرجع من كليته...
قصص نور قلبي
