#البارت_التاسع_العاشر
وهم الحياة البارت التاسع
للكاتب #عصام_الدليمي
قصص نور قلبي
حتى مرات احس عمو عمار ابونا ....
وبيت ابويه احسهم بيت عمي وملزومه بزيارتهم كل اسبوع...
الحجيه....يمه لتكسرين خاطري حبيبه ...
واني ويني تراني مو وياكم و انتو كل حياتي ....
بيبي الله لايحرمنا منج ...
بيبي انتي الشي الوحيد الحلو بحياتنه والله...
الله لايحرمنه منج.....
بيبي انتي وبسمه اغلى شي عندي بالدنيا والله....
بس بيبي تعبت والله من الحياة ومن كل شي...
لا ام لا اب....
هسه لو عندي ام لو اب چان گدر علي يسوي بيه هالشكل.....
الحجيه.....يمه انتن ربيتن ويا وهو حسبه اخوچن.... وميريد تجيكم حجايه عوجه.....
بس بيبي اني ممسويه شي غلط ....
تعرفون اخلاقي شنو...
بنيتي حجي الناس سچاچين ....
وعليهم بس الظاهر يايمه....
ماعنده اخت ، وكبرتوا گدام عيونه وشاف نفسه مسؤول عليچن يابنتي....
گومي غسليلي هالوجه الحلو ومشطي شعرج ....
اكليلج لگمه وشوفي خالتج ابتهاج حتى تساعديها بالعشى...
اي بيبي راح اگوم....
غاده....بطلعتي من الهول فات علي ....
مباوعت بوجهه راسا درت وجهي وطلعت...
طلعت واسمعه حجه ويه بيبي .....
بقيت واگفه حتى اسمع حجيهم...
الحجيه....يمه وليدي على كيفك ويه بنت عمك ، مو هيج الي يعلم يايمه...
علي...بيبي الي تلبس لبسها وماشيه مشيتها ، تستاهل حيل وابو زايد بيها...
ياوليدي مو مكطمه هي هم عدها اب واخوه وميصير هيج تكتلها.....
بيبي عدها اب واخوه بس بالاسم...
وهي محسوبه علينا احنه ...
واذا اعوفها على حل شعرها راح تطلع مثل امها....
لا وليدي مو هاي المرجيه منك ...
غادع عاقله وحبابه لتقارنها با أمها...
غاده....اسمع كلام علي ويه بيبي ، وحقدت عليه ، شگد حقير....
يعيرني بااهلي وبأمي....
اوف من الوكت من يظلم ويدوس احد يستلمه مگابل من هو صغير الما يموت...
رحت للمطبخ وفتت حجيت ويه خاله انتصار...
شلونج خاله ...
هلا حبيبتي...
تريدين اساعدج....
لا حبيبتي اكلي لگمه وروحي اقري حبيبتي ...
ماعندي شي مكمله بس يجي عمج واصب العشه...
بنيتي لتزعلين من علي ....
هو حسبه اخوج ويريد مصلحتج...
لا خاله عادي ماكو شي....
رحت طلعت كتبي وگعدت اقره وصار العشه وصاحولي..
علي.حيل مغثوث مني
اليوم لاول اكتلها بحياتي هالشكل..
احبه ومعتز بيها من صغرها....
اول مره انتبه عليها شلون كبرانه ومتغيره..
من شفت الولد يتحارشون بيها...
دائما اشوفها بعيني صغيره...
ضجت منها ومن لبسها ولسانها الطولان ....
لفيت راسي ونمت قبل العشه. .
غاده....فتت للهول وگعدت وعلي ماكو ...
بعد بالاحسن..
اتعشينا وكملنا ولملمت المطبخ ويه خاله...
ورحت لغرفتي لان ثاني يوم دوامي صباحي...
حضرت ملابسي وطلعت قميص ردان وحظرته على الجربايه...
بقيت اقره لساعه 2 بالليل...
الحجيه....يمه غاده گومي نامي منو راح تنچقل عيونج على هالضوه الصغير..
اي بيبي حبيبتي كملت قرايتي وهسه راح انام..
وقتت المنبه على 7 وذبيت نفسي من التعب ومحسيت للصبح....
دگ المنبه وطلعت اغسل وصار علي بوجهي ...
علي ....صباح الخير
غاده....لبسته ومشيت ...
مرديت السلام...
علي...ملازم لتردين يطبج طوب...
اسمعه يحجي ويدردم....
طبيت بدلت وطلعت لابسه قميص ردان وصدريه طويله ومسويه شعري كبايه....
طبيت للمطبخ جانت خاله انتصار گاعده....
تگعد يوميه من الصبح تخدر الچاي وتحضر الريوك ....
