#البارت_السابع_والثامن
وهم الحياة البارت السابع
للكاتب #عصام_الدليمي
قصص نور قلبي
مرت الايام....
وعلاقتنه بخاله سمر تحسنت وگامت تحبنه وتشوفنه حبابات ونسمع الكلام واساعدها من اروح يمهم...
صرت اول متوسط وبابا قرر ياخذنه وبطلب من خاله سمر...
اخذنه غراضنه ورحنه لبيت بابا وحطلنا چرابي بغرفه نمارق...
مر اسبوع واحنه بيت بابا ...
بس متحملنا فراگ بيبي ..
ويوميه نبجي اني وبتسام عليها ونشتاق ل علي هوايه ...
بابا انقهر علينا لان تمرضنا والتهبت بلاعيمنا من القهر... وضربنا دوره ابر.
قرر يرجعنا لبيت بيبي..
الحجيه....هله بشمعه البيت نورتوا يارويحتي...
اخذتن البيت وياچن من رحتوا...
غاده...بيبي حبيبتي بعد منروح لبيت بابا جبنا ملابسنا واجينا يمج...
هله وكل الهلا...
بس ليش يمه ،خاله سمر زعلتكم...
لا والله بيبي خاله كلش زينه ويانا بس احنه منصبر بلياج...
يمه تعالن بحضني مااشبع من شمتكم ربي لايحرمني منكم.....
رجعنه لبيت بيبي وخاله انتصار وعمو عمار وعلي فرحوا برجعتنا يمهم
مرت الايام والسنين...(هوايه مواقف اختصرت .... بيها المؤلم .....وبيها الي يفرح ولو قليل )
وصرت خامس اعدادي...
تغير جسمي وحلويت صرت طول برشاقه وكشف لوني بعد ماجنت سمره هسه لوني حنطي....وشعري اسود....
بيبي تشبهني دائما بالهنديات.....
وبسومه حبيبتي كبرت صارت بصف الثاني متوسط....
وضعفت وراحت ذيج الخدود بس بقت حلوه بعدها...
علي صار شاب يجنن طول بسمار ويداوم كليه ...
شخصيته قويه صح يتشاقى بس جَدي وحازم...
وچان بعيوني بس هو الوحيد....
قبل چنت اشوفه اخ الي ...
بس بعدين نظرتي تغيرت وبديت احس بااحاسيس مختلطه تجاهه...
يعني افرح بشوفته واضوج من يتأخر ...
وانقهر من اشوفه يروح للكليه ويشوف بنات...
عرفت بعدين اني بديت احبه...
بس هو ولايمي ...
صحيح مداريني اني واختي بس مااحس بعيونه نظره الحب...
(يله مادوخكم وادوخ نفسي نعوف كلشي للزمن)
علي ....الدنيا حاره وشمس كتلتني كتل توني راجع من الكليه ...
چنت متاخر لان سيارتي عاطله وذبيتها يم المصلح وصار العصر يله رجعت..
وصلت فرعنه ويه حلت دوام الاعداديه چان دوامهم ظهري....
امشي وگدامي بنيه طويله ...
ولابسه صدريه طويله وجواها بدي نص وشايله جنطتها صفح ...
ورافعه شعرها ،شكلها كلش يجذب....
امشي وهي گدامي ، چان تطبگ بصفها سياره وبيها ولد وذبولها حجي....
شفت البنيه گامت تمشي سريع ، شو وصلت بيتنه ،وطبت تركض جوه...
هاي شكو شعدها طبت لبيتنا، سَرعت خطواتي وطبيت وراها حتى اشوف منو هاي....
الحجيه....ها يمه غاده شبيج حبيبتي تلهثين...
غاده....بيبي سياره بيها ولد وگفت بصفي وذبولي حجي وخفت منهم واجيت اركض..
علي .طبيت للبيت وشفت الصدمه گاعده گدامي.......
هاي انتي يولي !!!!!
اشتعلوا اهلج واحد واحد!!!!!
لچ هاي انتي الي ماشيه وسابيه امة محمد وراج...
