#البارت_١٧_١٨والاخير
وهم الحياة البارت السابع عشر
للكاتب #عصام_الدليمي
قصص نور قلبي
والحمدلله رجع عبودي بعد ما اندفعت له الفديه...
وراها وفت نذرها خاله ....وعلنت اسلامها .....
وبابا اخذها لبيت الله وسوت عمره وكملت دينها....
بقينه نشتغل ونظف ونفرش بغرفه عبودي ....
اخذنا اجازه من مدارسنا اني وبسومه ...
ونمارق بالكليه والخميس عدها اوف (استراحه)...
بس الاربعاء اخذت اجازه...
كملنا شغل وصعدنا للغرفه ميتين من التعب وهلكانين...
ورانه گعده ثاني يوم ...
الحنه مالت عبودي راح يسووها بالحديقه ...
يعزم اصدقاءه وكيك وهالسوالف....
نمارق...غاده ترى الخميس الظهر راح تجينه بنيه ام صالون ....
اتفقت وياها تسويلنه شعرنه والمكياج احسن منروح للصالون......
اي والله احسن...
ترى اني ابقى بحجابي بس اخليها تحطلي مكياج...
دولي غاده من كل عقلج تحجين ...
شنو بحجابج تبقين...
ثول يولي عرس اخوج هذا ولابسه حجاب ...
شنو هالتخلف...
نزعي بابا نزعي..
زين وانتي شكو لبستي الحجاب من الاصل...
اشو بابا واخوتي ميفرضون علينه الحجاب ولا يغصبونه عليه....
لا يولي شلون أنزعه ...
صار سنتين لابسته حرامات...
شلون عقل عليج...ابقي معقده...
والله عيني اني اخذت نفنوف اسود گصير مسبع يخبل...
وراح اخلي البنيه تشسورلي شعري على طوله...
يولي شلون راح تلبسين هالشكل مو القاعه مختلطه ..
واذا مختلطه...
قابل كم اخ عندي عشره همه اثنين..
البس واتونس....
وعماتنا العقد هسه يشوفج ويشروج على الحبل...
طز بيهن ....
حبيبتي ارضاء الناس غايه لاتدرك....
بالحالتين يحجون....
زين بابا واخوتي ميحجون عليج ؟؟؟؟
لا عيني ليش يحجون....
محد يحاسبني...
اسكتي غاده انتي صايره معقده...
وانتي بسومه خاتون هم ان شاءالله معقده مثل اختج...
لا عيني اني اخذت نفنوف يجنن كله تول...
بس اسوي شعري واحط شويه مكياج لان بيبي متقبل احط طوخ....
وصتنا منطوخ...
اوي شگد معقدات طالعات على بيبي....
نمارف، ،..بسومه روحي طلعي من الكنتور الاكسسوارات مالتي ...
ورهمي ويه ملابسج....
نمنه وگعدنا ثاني يوم وابد مرتاحينه لو دقيقه.....
قبل صلاة العصر اجه علي...
چنت لابسه بجامه ورديه من جوه وبديها اسود.... وشايله شعري عالي ومكفوش...
واگفه احضر بصينية الحنه اني وخاله ...
وفات علينه علي واني مو منتبهه...
ها السلام عليكم...
شلونج عمه....
هلو علي شلونك حبيبي وشلون اهلك وعمتي....
شو مو وياك....
بخير الحمدلله يسلمون عليكم...
يجون بالليل ان شاءالله....
هلو غاده ...
هلو علي ...
لعد وين عبودي .....
گلي تعال بوكت حتى احضر ويا الگعده...
اي حبيبي هسه اروح اصيحه الك من جوه...
غاده كملي الصينيه بين ما اصيح اخوچ...
كملتها وماحسيت الأ علي جايب عبودي اخويه
واجئ عليه گال لعبودي اني اريد غاده واعرف بيها تحبني وبما انو انت اخوها الكبير
لازم اطلبها منك اما عمي مجد
فـ جديتي تتصرف ويا
گال عبودي اني ماالي اي رائي اذا هيه تريدك اني اعتبرني موافق
غاده
يمه شنو هالمفاجئه
بقيت صافنه بوجه علي گال هاا غاده
شبيج اني ابن عمج وافضل من غيري وضحك
كال يله كولي موافقه لو لا
كلتلع اي طبعا وابصم بالعشره
كملنا الشغل واتزوج عبودي وصارتله حفله اجنن
واني طايره من الفرحه احس الدنيا مواسعتني
من كملنا ورجعنا لبيبيتي
بنفس اليوم دخلت عليه خاله انتصار
وكالت علي يريدج زواج ولج طلع يحبج
وبيبيتي گالتلي هاا بنتي شتكولين بعلي ترئ خوش ولد
ويضحكون كلت الهم موافقه كالت لعد تعالي اتصلي بمجد خلي يجي بالليل علمود
نحجي ويا هو هم والد ومن حقه يقرر
وفعلا اجئ بابا وعمو وبيبيتي واتفقو وراحو بنفس اليوم جابو سيد للبيت وعقدنا وبعد اكثر من اسبوع سوينا عقد بالمحكمه
