#البارت_الخامس_السادس
وهم الحياة البارت الخامس
للكاتب #عصام_الدليمي
قصص نور قلبي
غاده.....من يجي الليل چانت نار تصير بيه ودموعي تغرگ مخدتي.....
وگلبي يبجي مشتاق لماما حيل......
هي امي بعد لو عيوب الدنيا كلها بيها تبقى امي...
الجده....نعيما ياحلوات.....
والله انتي سباعيه وبطله شلون چالفه اختج وروحچ چلفه تخبل ....
باجر طبي ويايه ليفيلي اني هم من افوت اغسل...
اي بيبي افوت وياج تدللين....
صار العصر وگاعدين بالهول...
بيبي عدها غرفه تنام بيها بالليل واحنه وياها...
بس بالهول حاطيلها چربايه حديد تمدد عليها بالنهار لان مره چبيره وتعبانه...
چانت گاعده على الچربايه متربعه واني وبسومه نايمين على رجلها وتلعب بشعرنا...
دگ الجرس وطلع علي فتح الباب....
علي...بيبي هذا عمو مجد اجه....
طلع بابا الي اجانه ......وره 5 ايام ..
غاده....رحنا نركض تلگينا وهو فرح بشوفتنا وحضنا قوي...
غاده وبسومه باباتي ...
شوفوا هاي الغراض جبتها الكم وياها لعابات فله من هاي الي تحبوها...
غاده.....فرحنه بشوفه بابا وگمنا نطلع بالغراض ونلعب ،،،
العب واذاني يم بابا وجده من يحجون...
مجد....دنگت على الحجيه وبوستها من راسها...
شلونج يمه تاج راسي...
هله بوليدي بخير والحمدلله...
يمه شلونهن البنات ....
بخير وليدي ويبوسون ايدك...
خو مو مضوجيكم...
لا يمه بناتك بلسم..
وليدي ليش گطعت يايمه، بناتك مكسورات ومحتاجيك ...
يعني امهم قليله اصل وشمرت لحمها...
انت لتصير مثلها يا وليدي ذني مكسورات ومحتاجات حنانك...
مجد ...اي والله يمه صح كل الي تگولي ...
بس والله البيت محترگ حرگ ...
سمر تخبلت من عرفت بزواجي من لمئ...
ام مجد... وهسه شلونها...
والله مبين بردت وهدت...
لان ترجيتها تبطل مشاكل لخاطر ولدها ...
عبودي واحمد وحتى نمارق كبار ويفتهمون...
والمشاكل دتأثر عليهم...
ام مجد....الله يهديها وليدي ويهدي سركم بجاه هو الهادي...
امين يايمه...
مجد....چنت ملتهي هاليومين ...
اخذت ورقه نقل من مدرسه نمارق حتى تداوم غاده وياها بنفس المدرسه...
ورحت كملت النقل ...حتى من يبدي الدوام الشهر الچاي يداومن سويه...
ام مجد....عفيه بوليدي...
بس مو بعيده على فرح تروح تداوم ويه مروه...
لايمه ميخالف احطلها خط ....
اريدهن سوه حتى تقوى علاقتهن ...
بلكت من الله يهدي سمر ، اخذهن يربن ويه اخوانهم واختهم...
زين تسوي ياوليدي ...
الله يهدي النفوس ويصلح الحال...
مرت الايام...واحنه بيت بيبي.....
تعلقنه بيها هوايه وچان الكل حنينين علينه...
علي لان اكبر من عدنا چان كلش يخاف علينه .... وحتى من نطلع ويا بالشارع يبقى يصيح وينتر بينا...
غاده...علي بيبي انطتني فلوس حتى اروح اجيبلها علچ مي...
علي...تعالي وين رايحه ، اني اروح اجيبلها...
غاده....هاك اخذها....
علي....ممنوع تطلعين وحدج ....
اكو سيارات سريعه خاف تدعمج....
و ولد يلعبون طوبه بالشارع وخاف يعوروج بيها....
غاده...اي هاك الفلوس روح انت جيب اني مااطلع..
جنت احب خوف علي علينه...
ماعدنه اخ وفجأةً طلعنه اخ چبير ....
دائما نسمع كلامه ...
ويلعب ويانه طوبه بالحديقه...
لو حيه ودرج...
