عيناكِ فيروز

الكاتبة#فيّد عبدالله(١٤)

مساء الورد.اعتذر اتأخرت عليكم والله مريضة كلش ومصخنة كوة دا افتح عيوني والنت زفت هم كوة تحمل الصفحة.متابعة طيبة

البارت الرابع عشر
فيد عبدالله

فيروز.دخلت للبيت بس عموو شنو كام يغلي من تصرف زيد كتلة ..عمو لا تهتم والله ماصار شي اصلا اني رجعتي كلهة لخاطركم انتو والا اني وزيد انتهينة ومالنة طريق سوة

ام زيد.لا بنتي لاتكولين هيج بعدكم ببداية زواجكم ومتعرفون لطبع بعضكم

فيروز.لا ماما اني لوما اعرف طبع زيد كلش زين ماحجيت هشكل

ام زيد.الله يهديكم يا بنتي تعالي وياية هاي منا وهيج تصير غرفتج وفرح تصعد فوك مؤقت هي كم يوم ورايحة

فيروز.لا خالة خطية خليهة بغرفتهة

ام زيد.لا بنتي هنا جوة عيونة عليج على ما نجيب غرفتكم ونتنقلون لها

ابو زيد.ومنو كلج اخلي زيد يجي يعيش هنا..مو ما يرتاح الا ببيتة خليه لعد حتى لايضوج فيروز بطباكاتة

فيروز.😅😅

ام زيد.يااا اشوفك اتفقت عليه خطية يا حجي لاتزيدهة عليه تلكيه ياكل بروحة هسة

ابو زيد.اااه اللي يهدي شأريد غير راحتهم يلا بنتي ادخلي مددي وارتاحي

فيروز.دخلت للغرفة بيهة سريرين وكنتور جبير وميز تواليت ومرجوحة هاي الكرسي نزعت بقيت بالتراك و رحت كعدت بيهة اتمرجح مغمضة عيوني واشتعل الضوة وصوت فرح وضحكهة جانت طالعة وية خطيبهة

فرح.هلاووو فيروزة شلووونج حبي

فيروز.هلاو فروحة الحمد لله

فرح.لج خلصانة هاي شبيج شصاير بيج ....صدك راح اصير عمة خبر يخبل الف مبروك حبي

فيروز.تسلمين يوم الالج

فرح.ما بقة شي واتدعبل الله يوم عيد

فيروز.يااا😳😳هههههه مستعجلة

فرح.مليت من اهلي يا اختي

فيروز.هههههه محد مثل الاهل والله.جانت فرح عفوية ومرحة ضلينة نسولف شوية وشوفتني شمشترية وشمحضرة لزواجهة الي اجلتة للصيف غيرت جوو وياهة ...فروحة باجر روحي لبيت زيد جيبيلي كم غرض احتاجهم

فرح.سالمين حجية شو بيت زيد وروحي فرح وانتي غير هو بيتج

فيروز.لااا مو بيتي ابد ما يصير بيتي

فرح.فيروز لا تضوجين كلشي الة حل

فيروز.الا اني وزيد

فرح.والله اخوية طيب ووردة ابد ما جان هيج الله لا ينطي الجانت السبب دمرتة والله فيروز اصبري عليه والله انتي طيبة وحبابة ووالله مبين يحبج ويريدج ومتمسك بيج لا تكسرينة للمرة الثانية