عيناكِ فيروز

الكاتبة#غيّد عبد الله(٢٠)

مساء الورد ياحلووين..شلونكم .. وهذا هم بارت وتتدللون..ما ردت اكتب بي احداث بعد الان الجاي ردتة يتوضح كلة ببارت واحد ننتضرة عكب باجر لان باجر ماكو نشررر فدوة لعيني شكد حبابة😅..متابعة طيبة

البارت العشرون
فيد عبدالله

زيد.شنو هالسوالف منو زرعهن براسج بربج صدك تحجين

فيروز.اي صدك احجي 😭

زيد.تعالي

فيروز.سحبني من ايدي واخذني للحمام شال البدلة

زيد.هاج شوفي هذا كوب جاي انكلب علية بالرجعه ودخلت بوجهي سبحت.وهذا موبايلي شوفي هاي البنية اذا عندي وياهة شي اصلا ما اعرفهة ولا رجعت اتصلت بعد

فيروز.فتح موبايلة وخلاه بايدي ومشة ما فتشت بي اصلا رأسا قفلتة ورجعتة الة

زيد..يعني انتي لهدرجة تغارين من كل وحدة تصادفنة بحياتنة

فيروز.ما غرت بس عبالي غير شي😒.ضحك ضحكة قوية كلش وحضني ذبت بحضنة صاار هواي ما حاضني

زيد.فيروز بعد لا تعيدين هالسوالف هالمرة سماح لخاطر غيرتج الحلوة

فيروز.ما غرت😒

زيد.المهم بعد فيس ممنوع لاي سبب كان عرفتي

فيروز.امممم..

زيد.تعالي صبينة غدة من جديد

فيروز.اي هسة ...رجعت حميت الاكل وصبيتة وطول ما احضر افكر بالموقف عيب فشلت من نفسي هسة شيكول علية بس هم ريحتني ردة فعلة من تفهم الموضوع وشرحلي الصار اي هيج كون على طول...مرات سكوتنة اكبر غلط نرتكبة بحق علاقاتنة بحيث نسكت ونكبر المشكلة ونبتعد ونحقد بس يمكن لو حاجين الي نحس بي بهدوء وصراحة حان ما وصلنة لهنا...مرت الايام طبيعي زيد اهدء من قبل بهواية اني دخلت بالثامن ملتهية بالبيت وبنونة وتجهيزات النونو الي جهزناهة مشترك خالة من جهة وانفال من جهة وخالة هيفين من جهة حتى بابا حبيبي موصي خالة كفاح وجايبتلي وزيد صار شيطلع ويعجبة الهم يشتري كملت كلشي بس احس التعب صار مضاعف بحيث كمت بالليل كوة انام الالم وثقل يخنكني حتى رجلية ورمت كلش ومن راجعت كالت من الثقل شي طبيعي بس الي جان ما متوقعينة انه من اخذتلي سونار انصدمت وباوعتلي باستغراب

الدكتورة.كلنة احنة ولد وبنية بيج موو

فيروز.اي دكتورة اكو شي

الدكتورة.بس هسة الي جاي اشوفة انه ولد ثنين

فيروز.😳😳شنووو هاي كم سونار دكتورة وهم ولد وبنية اتأكدي الله يخليج حتى جهزتهم وردي وسمائي

الدكتورة.هاج شوفي ...راح احولج دكتور اختصاص سونار حتى نتأكد

فيروز.😥😥اي.انطتني تحويل لدكتور اختصاص اخذتة وطلعت لزيد جان لازم نونة وواكف