هلاووووو طبعا اول باارت حبيتة يكون تعريف لشخصية البطل حتى تعرفون شلون تكونت شخصيتة وشنو الي غير اطباعة وبدلهن
البارت الاول
فيد عبدالله
اعرفكم عن نفسي اني زيد مواليد ١٩٨٦شاب طبيعي حالي حال كل الشباب مهتم بنفسي وبدراستي وتعبت واني اخطط مستقبلي واحاول اوصل للي اريدة والحمد لله ربي وفقني وطلعت طب اسنان عائلتي حلوة وحبهم وتفاهمهم يجمع العائلة عندي اختي الجبيرة انفال وعندهة قرود اقصد اطفال ٢ واخوية احمد طالب كلية واني ووراية تؤأم فرقد وفرح امي مدرسة وابوية استاذ جامعي حبوا بعضهم من الكلية واتزوجوا والدتي التهت بينة وبوضيفتهة وبدعمهة لوالدي حتى يكمل دراسات لحدما كمل وصار استاذ جامعي
فيّد عبدالله ،لحد هسة فرحة المعدل والقبول من اتذكرهة ابتسم شي حلو تحصل الي تريدة بعد جهد وسهر داومت اول ايام وبديت اخذ عالجو مال الكلية وهو اسبووع عدة واحد وفاتت الي باكت قلبي جانت تمشي هي وصديقاتهة وعثرت بدون متنتبه ووكعت بس قبل وكعتهة وكع قلبي عمري ما جنت اعترف بالحب من اول نضرة بس وياهة اعترف وابصم بالعشرة جانت طويلة رشيقة بيضة كلش وشعرهة اشقر فاتح كاصتة قصير جانت لابسة بيومهة سترة وتنورة رصاصيات وقميص احمر وهي بيضة طالعة تشع مركز وياهة وهي انخبصت وصديقاتهة يكومون بيهة وبودي شكو واحد يباوعلهة افكس عيونة مركز وياهة صديقاتهة اخذوهة ومشوا وهي تبجي خرررب والله ضجت من بجت ام دميعة ما انتبهت الا لمن عاط بوجهي حسام صديقي
حسام:هييي وين بالك صارلي ساعة اكلك انطيني استنسخ المحاضرة
زيد:اي اي هاك هااا باوعت لايدي فارغة كتلة ما جايبهة اليوم خررب بعقلي انثولت
حسام:ولك شبيك منو ماخذ عقلك شو اليوم مزومل
زيد:لايا زمال لعد اروح عندي شغلة،خليتهم يبتعدون واني اسولف وية حسام وعيني عليهم صارت مسافة ولحكتهة ردت اعرف بيا كلية تداوم والله وعرفت تداوم فنون جميلة والله يلوكلهة هي لوحة ضليت اترد لما اتأكدت هي كليتهة كضيت لحد نص السنة نضرات بس حسيتهة هي هم كامت تنتبهلي ومرة صديقتهة شاورتهة ورأسا التفتت وابتسمتلي يبووو ليكول مو ابتسمت خلصت عطلة نص السنة واني احضر شكللهة وشلون اعترفلهة وورة العطلة اول يوم رحت لكليتهة ومقرر خلص اعترفلهة بحبي جنت صادق وياهة لابعد حد يمكن لان اول حب بحياتي شفتهة واكفة وية صديقتهة الي دائما توكف وياهة وصلت يمهة وكلت السلام عليكم
ريام:وعليكم السلام😊
صديقتهة:وعليكم السلام
زيد:انسة ريام ممكن دقيقتين من وقتج على انفراد
ريام:ليش حضرتك تعرفني حتى نحجي
زيد:نحجي وشوفي اعرفج لو لا
صديقتهة:اني ماشية ريام انتضرج بالقاعة لا تتأخرين
ريام:اففف اتفضل حضرتك شرايد
أنت تقرأ
عيناكِ فيروز
Romansaقصة جريئة رومانسية متقلبة هو.انعدمت ثقته بحواء فاصبح قلبه جليداً يؤلم حواء ولا يبالي بآلمها تبدلت طباعه للقسوة والاذى هي.عاشت يتيمة الام خضعت لاحكام اعدمت شخصيتها وعلمتها الخضوع فهل ستقبل بخضوعها لآدم ام لها ثورة تقلب الموازين وتكسر بها جليد قلبه
