هلاووو حبايبي هاي بارت لعيونكم وتتدللون وبخصوص النشر يومين انشر يوم راحة نفس نضامنة القديم ❤❤
ا
البارت الرابع
فيدعبدالله
ام زيد:امي زيد اهل البنية رجعوا خبر موافقين شنو رأيك باجر نروح نشتري الذهب سوة وعالخميس العقد
زيد:
اجذب اذا اكول مافرحت اي انسان يفرح من يحس راح يبلش شي جديد وان شاء الله الكة راحتي وياهة ،كلت لامي خليهة عكب باجر نطلع باجر اتأخر يجوز بالشغل
فيروز:خابرت خالة هيفين على بابا وكالتلة يطلعون يشترون الذهب سوة ماقبل كاللهة ماكو شي رسمي تالي كالتلة اني اجي وياهة يلا اقتنع والصراحة اني جنت مستحية كلش شلون اطلع وياه يمة من افكر كلبي يكوم يركض يومين ركضن ركض وبيومهة بدلت قميص وبنطرون وشال وفوكهن عباية من اطلع اكيد ولبست ترانشوز كلت شي مريح
كفاح:امداج يعوبة رايحة تجيبين مخضر دلبسي فستان كعب
فيروز:لا مريحات هذني
كفاح:دهاج هاج مو عالي هذا الكعب احلى وتطلعين انيقة شوفي البنات شيلبسن وانتي مكضيتهة عباية
فيروز:مقتنعة بيهة يا خالة هاي لخاطرج راح البس كعب جان كعب مو عالي والصدك هو طلع احلى وية العباية اخذتني لغرفتهة وكالت خلي من مكياجي باوعتلهة بصدمة عززا اتخبلت شوكت حاطة مكياج من اطلع
كفاح:يمة راح تموتني هالبنية ولج راح تشردينة للولد دخلي كحل عالاقل صدك خلتلي كريم طبيعي ورتبت حواجبي شوية وكحل رادت اخلي حمرة كتلهة لواموت شيكول خفيفة هاي بس حجينة بيهة اجتي محمرة خليت مرطب بلا لون شوية واندكت الباب خالتي وام زيد دخلن سلمن وكعدن شوية بكرصة مرتبة من كفوحة دخلت سلمت مثل الاوادم
ام زيد:كل الهلا بالكمر مالتنة ان شاء الله ربي يحرسج
فيروز:بصوت كوة ينسمع شكرا خالة
هيفين:ولج علي صوتج
ام زيد:خليهة حلاة البنية بهدوئهة (بكلبي اكول،يمة كون هذا هدوئج يعقل زيد ربي يحرسج)يلا عيني ناخذهة لبنيتنة لا يظل بالكم بعد هاي صارت النة ونخاف عليهة من الهوة
كفاح:صدوك جذب هي بنتكم بعد واني اعذروني جان اجيت لعد هي بنتي الله شاهد بس رجلي مثل متشوفون وخالتهة متقصر
فيروز:يمةةةة من لسانج ليشوفج يكول هنيالي عليج طلعنة وباوعتلي خالة ام زيد
ام زيد:هيج تطلعين بنتي مو القميص قصير لو اطول استر وانتي ماشاء الله
فيروز:لا خالة هاي عبايتي
هيفين:فيروزة تلبس عباية راس اصلا 😊بنتي من دخلت الاعدادية لبستهة بقناعتهة
ام زيد:الله يكملج بعقلج يا زين ما اختاريت من صدوك
فيروز:لبستهة طلعت ٠امشي وخالتي تهمس واني اضحك كوة كاتمتهة
أنت تقرأ
عيناكِ فيروز
Romanceقصة جريئة رومانسية متقلبة هو.انعدمت ثقته بحواء فاصبح قلبه جليداً يؤلم حواء ولا يبالي بآلمها تبدلت طباعه للقسوة والاذى هي.عاشت يتيمة الام خضعت لاحكام اعدمت شخصيتها وعلمتها الخضوع فهل ستقبل بخضوعها لآدم ام لها ثورة تقلب الموازين وتكسر بها جليد قلبه
