عيناكِ فيروز

الكاتبة#فيّد عبد الله(٢٢)

مساء الورد يا احلى متابعين.شلونكم وية هالنت الزفت الله لايوفقهم .شخبار المظاهرات بشروني ..حبايبي هذا البارت القبل الاخير وانتظروني ان شاء الله بالبارت الاخير من قصتنة...احبكم

البارت الثاني والعشرون
فيد عبد الله

زيد.مررن علية يومين مثل السم حسيت الدنيا ضاكت بعيني كللش احس كل قوتي وغضبي وجبروتي انهار بلحظة حسيت بيهة ممكن اخسر اكثر انسانة حبيتهة صرت مكابلهة وكاعد شلون الطفل المتعلق بايد امة ويخاف باي لحظة يترك ايدهة ويضيع كمت ماانام اخاف اغفة وتصخن وما ينتبهون وساعتهة يمكن افقد عقليي...لا مجرد هالفكرة تعصر كلبي ...هسة عرفت اني شكد احب فيروز واعشقهة و شكد اذيتهة كلهن انعادن براسي وتأنيب الضمير موتني ..حتى الجهال ما ادري بيهم٠طلعوهم امي وجيهان اني ماوصلت البيت لا اني ولاابو فيروز الي حالتة اصعب من حالتي احسة خايف يجرب هالشعور مرة ثانية ...حرارتهة صارت احين بس ماصحت لهسة ..جنت لازم ايدهة بصمت وهدوء وهي نايمة وخصلات شعرهة مبعثرة عالمخدة انفاسهة بطيئة كوة تطلع حتى تعلن هالشخص لسة على قيد الحياة شفايفهة ذبلانة من الصخونة حتى من مكان مشكوكة وطالع دم جامد كدما صخنت والله كلبي مفطور اكثر اباوعلهة واتمنى باي لحظة تفتح عينهة حتى ارجع للحياة من اغرك ببحر عيونهة شق هالصمت صوت اذان الفجر هددوء وبس نداء رب العالمين موجود طلع كل ضعفي بهاللحظة ونزلت دموعي واني ادعي ربي يرجعهة الي اذا مو الي لخاطر جهالهة ادري اني مااستاهلهة بس اني العبد الضعيف وانت العزيز الرحمن حسيت على ايد ابو فيروز تطبطب على جتفي مااعرف شوكت كعد

ابو فيروز.اتوكل على الله ابني ..ان شاء الله تكوملنة بسلامة ...

زيد.مسحت دموعي وحضنت عمي وبست راسة خطية هو هم يمسح بدموعة رحت صليت ودعيت ربي يرحمني من هالعذاب والوجع رجعت للغرفة لكيت عمي كاعد بمكاني...عمي ارجع مدد ارتاح

ابو فيروز.لا ابني نام انتة صارلك يومين مانايم اني يمهة لا تخاف

زيد.جنت صدك تعبان وما مددت ضهري اذا اغفة فاني وكاعد عالكرسي رحت مددت عالسرير الثاني وغفيت واني اباوعلهة حلمت بيهة .....لازمة ايد امهة وبيدهة جنطة سفر وتتوسل بامهة تاخذهة وياهة وامهة تحاجيهة بهدوء متقبل تاخذهة واني واكف مسافة عنهة اريد اوصللهة ومااكدر شي يمنعني صرت اصيح عليهة ارجعييي فيروز والله مااخليج ترحين هالمرة وتسافرين بلا رضاي شفت امهة تعصبت ودفعتهة باتجاهي وعافتهة ومشت ضلت هي واكفة شوية واجتي تركضلي وحضنتني وتبجي وتكلب رجعتني امي من وراك متقبل تاخذني لان ماقبلت انتة واني حاضنهة وامسح براسهة فزيت على صوت ابوهة يصيح الحمد لله الحمد لله باوعت فيروز مفتحة عيونهة بتعب طفرت من مكاني ما مصدك احس عبالي لهسة احلم باوعت على فيروز وابتسمتلي بتعب لزمو ايدهة ما مصدك ...فيروزتي سمعيني صوتج كليلي ماجاي احلم