عيناكِ فيروز

الكاتبة#فيّد عبدالله(١٥)

مساء الخير حبايبي شلونكم اعتذر منكم جدا كوة جاي اكتب والله النفسية صفرررر عيوني ورمت والله كدما بجيت شجاي يصير بالبلد تعبنة من هالمجازر والشباب الي مثل الورود يومية واحد واكع ليش بس احنة يا الهي الطف بحالنة وانزل علينة رحمتك .اللهم احفظ العراق واهلة .متابعة طيبة

البارت الخامس عشر
فيدعبدالله

فيروز.واني دايخة ببوستة ومض بعقلي صورة الاثر الجان برقبتة لعبت نفسي من روحي شلون اتنازل هيج دفعتة بقوة حتى هو انصدم لان جان ذايب وياية ومتفاعل كلش باوعلي بنضرة تساؤل وتبعتهة عقدة حواجبة بغضب

زيد.شبيج تخبلتي فجأة

فيروز.هيج تسوي وياهن موو

زيد.🤨منو هن

فيروز.الي تروح يمهم ويخلن الك اثار بجسمك

زيد.ما رايح

فيروز.والاثر ..حجيتهة وكعدت عالسرير احس انقهرت كلش من اتذكرت هالشي صح هو ببالي لان كل امرأة تنجرح من الخيانة بس جنت احاول اتناسى لان اليوجعن هواي بمنو افكر

زيد.فيروز لاخر مرة اوضحلج ما رايحلهن كعدة وجابوا وحدة زبالة وما نطيتهة مجال وتخبلت . شووفي من تزوجتج لليوم ما لامس مرة غيرج انتي جنت مبتعد عنج اروح ادور بلعبان النفس

فيروز.بقيت ساكتة مقتنعة و ما مقتنعة وهو من شافني ساكتة طلع وركع الباب نزلت دموعي مسحتهن لان سمعت صوت البنات قريب للغرفة دخلت فرح

فرح.هاااية فيروز هنا خاتلة

فيروز.باوعتلي وهمست شبيج شسوالج زيد ...ما سوة

فرح.ما تقنعيني

فيروز.يلا نصب كملوا صلاة موو

فرح.ايي يلا ..لا تضوجين حبابة

فيروز.عاادي يلا نروح.شلوون مااضوج واني انحمست حمس احس حتى معدتي تغلي .طلعنة صبينة الغدة وزيد ماكو خابرتة خالتي كاللهة خابروني بشغلة مستعجلة انقهرت اكثر مااعرف ليش ردت وجودة بنص هالاجواء حسيت روحي وحيدة بنصهم حتى ما اشتهيت اكل شي وخالتي تحجي علية اكلت لكمتين وكمت احسهن نزلن سم بمعدتي رحت للمغسلة البرة اتقيأ طلع بهالاثناء فرقد

فرقد.هاا فيروز شبيج سلامات .

فيروز.مابية صرت احسن

فرقد.يا مابيج وانتي صرتي صفرة وترجفين تعالي هنا عالهوة

فيروز.كعدت برة وراح فرقد ورجع جايبلي برتقالة

فرقد.هاج اشتميهة توخر الغثيان

فيروز.رحم الله والديك.اخذ راحتك دخل فرقد وشوية وطلعت جيهان

جيهان.انتي هنا دورت عليج جوة ماكو وفرقد صاحنب كاللي برة