عدت الايام م ف موضوع رمضان جاي علينا مشينا انا وخالتو سعاد السوق اشترينا حاجات رمضان وجينا جهزنا شعورنا بالمغرب اتصل رقم طويل كدا ف تلفون جدو قال لي
الحنينة شوفي الموبايل دا ماني شايفو
جدو دا رقم م سوداني
يكون منو م من السودان اااا اتزكرت بكون ود الالمام دايما بطرانا مرات جيبي جاي
اديتو رد عليكم السلام .......حبابك ي ولدي..........كيفك ........والله بالحيل فاقدينك...........كيف اخوانك وابوك............ها النديك ليها حدي جنبي
الحنينة ناولي التلفون لحبوبتكي
حبابك ي الحنين "بكسر الحاء وتشديد الياء 😬👊ركزو ف الكلام البلدي الله يخليكم 😴"
كيفك علك بخير .......والله اشتقنالك.........جاي قريب .......الله يباركو ليك ي رب تصومو وتفطرو علي خير .........حدي جنبي
فريحون تعالي دا بسام بدور يكلمك
اي جدي بقول لي الحنينة. وكمان حبوبه بتقول لبسام حنين وحبوبه بتقول لي فريحون 🙈🙈بحب الاسماء دي منهم
الوووو
فرووووختي
بس بس "بس بس ناو 😂😂"
ي زولة خلينا حلوين وم تخربي اسمي
كويس ي بس بس
ههههه عارض دي كيفك ياااااخ.
زيك تمام الحمدلله كيف انت
مشتااااااق ليكي والله
تشتاق ليك العافيه
دا شنو الجفاف العاطفي دا
هههههه م فاهماك بس يلا زيك
ههههه الحمدلله اسألي جدك انا حنين قدر شنو
يااااخي م تسكت دا شنو بقيت تتكلم كدا
م وريتك
هااا
شنو هو الهااا
يعني قول
م تقولي كدا طيب
اهاااا
غايتو الحمدلله طااااايب ح اقول يلا امس وانا مع ماهر وحسام ماشين نجيب عشا من مطعم بعمل اكلات بلدية لانهم اشتاقو للاكل البلدي دا
اهاااا
لقيت بت من بنات الجاليه الكان مشيت حضرت معاهم اجتماع
الشنووووو؟ ،،
اخخخخ دي حكايه تانيه الموهم الجاليه دي ناس كلهم سودانين هنا بتلمو وبعملو جمعات كدا وبتعرفو وبتونسو
اهااااا م تقول كدي
ي دلاهة الرصيد ح يخلص كدا دي مكالمة عالميه ودا تلفوني سجلي الرقم دا
