الصباح صحيت بدري واتجهزت طلعتا مشيت اتقصدت اصمت تلفوني اختو جوة عشان بسام م يتصل لي وبسمة تقول ليهو مشغول وم فاضي ليها وصلت مشيت علي القاعه شايفه سجدة وبلسم ناديتهم
فرررووح صباح الخير
اهلين سجودتي يسعد صباحك
جاية متاخرة ليه
اسي دا متأخر لسة المحاضرة م بدت
كسلانة نحن جينا من قبيل شوفنا بسام
شفتو وين
جنب الباب كان واقف تاتي مشي الكافتريا
طيب ادخلو نقعد قدام بعد المحاضرة بلقاهو دخلنا يداب بمسح ف مكاني بالمنديل سامعاهو
كويس كمان بتجي وم بتكلميني اتلفت عليهو بي خلعه بسااام
كدا موش تلفونك دا وين متصل عليك ستين مكالمة
في الشنطة م انتبهت ليهو والله
معقولة م طلعتي من الصباح طيب خليهو هزاز ع الاقل انا زي الاهبل واقف منتظرك ف البوابة
حصل خير انت م عندك محاضرة
لالا عايز احضر معاك اول محاضرة دي
م جادي
وحاتك
اتحرك عشان يقعد انتبهت ليهو لابس قميص ابيض وبنطلون كحلي بس القميص اديني حقنه م عارفه دخلو كيف حمرت ليهو مشي قعد ف البينشات القصادي طلعت تلفوني لقيت منو 16مكالمة رسلت ليهو مسج
ارح برة عايزاك ف موضوع
م وقتك ي فرحة اسي الدكتور ح يجي
كويس لبعد المحاضرة 😒
ناس سجدة وبلسم قالو لي مالك ي بت
م ف شي
الدكتور جا ظريف شديد بقا يتظارف معانا ويعرفنا بالمجال والمطلوب مننا وحكي لينا قصه حياتو وقال لينا اسي انتو بتعرفو بعض
لالا م كلنا
طيب نتعرف سريع اصلا م كتار كلكم 200نفر
😂😂😂😂😂كتيرين ي دكتور نحن طالعين الحفله ياخ بنتعرف برانا
الموهم كلهم جاطو قال لينا خلاص علي راحتكم وطلع مننا اول م طلعنا بسام قال لي ارح نفطر
دا شكل ليك ي بسام😐
مالك اسي بسم الله 😕
داشنو قميصك دا 😒
مالو ياخ دا قميصي المفضل
م تتكلم معاي بي شكلك دا
فررحة ياخ م تبقي لي زي امي
خلاص تمام 😊
مشيت لحقت ناس سجدة وهو ينادي فيني م اشتغلت بيهو قعدنا ف بينشات كدا اتونسنا شويه هو جا قاعد وساكت بس قالو هم ماشين يشوفو اجراءات الداخليه وفي حفله ف الجامعه قلت ليهم ح تجو متين
