عدت الايام وبسام وفرحه علاقتهم حلوة وزي اول مافي شي اتغير كونو انتو اصحاب وبتحبو بعض دي احلي حاجة تحصل ف مابتكونو محتاجين تتعرفو علي بعض وتقضوها اليوم كلو ونسة وبعد مرور فترة تتحسرو علي الايام الحلوة لانو مسبقا بتكونو حافظين بعض وبتهتمو ببعض من زمان وكل شي بالنسبة ليكم عادي وطبيعي
اما بسمة وغسان نشأت بينهم صداقه قويةصاح كانو بدرسو نفس التخصص بس،بعيدين من بعض اسي هم بشتغلو في نفس الصيدلية ومع الونسة وياخدو ويدو في الكلام حسو في نوع من التشابه بينهم اضافه لانو بسمة الايام دي حاسة انها متأزمة نفسيا احيانا حالات بسام البختها دي بتحاول تفهم منها انو هو عندو زول في حياتو غيرا بس هي م عايزة تقتنع ف قررت تبعد شويه من اي حاجة بضايقا مسحت الواتس والفيس وبقت مركزة في دروسا وبتحاول تشغل نفسها ومركزة مع غسان شويه
🌸تأمل :-
نحن ك بشر م بنحب نتقبل الهزيمة احساس انو نحن ح نخسر حاجة وزول اخر يكسبا دي حاجة موجعه شديد بالنسبه لينا مرات بنكون عارفين اننا م حننجح في الحاجة او بالاصح هي م لينا بس برضو م بنتنازل عنها زول م قدر المجال العلمي وبصر يقراهو كنوع من التباهي او لانو فلان داك بيقرا علمي ف انت برضو لازم تقرا هو م احسن منك …………صديق عزيز علينا نحن شلة بس،هو بفضل واحد من بين الشله ف بنحاول نكون نحن الشخص المفضل بنلفت النظر عشان نبقي محور الكون م بنرضي نكون الاقل ………البيست فريند م بنرضي يكون عندو بيست غيرنا في،حال انو عادي ممكن تحصل فيهاشنو لو صديقك المفضل يفضل صديق اخر في العلاقات م تحاول تجبر الشخص يحبك او يهتم بيك ………والغلط الاكبر البنعملو لحظات ضعفنا وانكسارنا بتحصل حاجتين يا اما ننسحب ونهرب من المشكلة وم بنواجها او بنميل ونستند علي اي زول طلع قدامنا في اللحظة دي ودا كلو م حل خلونا نتقبل هزايمنا بروح رياضيه نفرح للناس زي م بنفرح لنفسنا 💙تعالو نتخلي عن اي حاجة بينا وبين نفسنا عارفين انها م لينا وماحتكون من نصيبنا ونرضي بقسمتنا ربنا م بحرمنا الا ليعطينا 💙نتفق انو مكان الناس في قلوبنا بترتب حسب افعالنا م تحاول تجذب زول م بميل ليك حتلقي الح يفضلك بين كل ناسو بي كل صفاتك السيئة دي وحتعجبو من دون الناس انت بس خليك علي طبيعتك 💙م نخنق ناسنا البنحبهم طالما نحن واثقين من حبهم لينا خلوهم علي طبيعتهم يصاحبو اي زول مين ماكان بس نحن عارفين اننا في التوب 💙واخر حاجة نواجه مشاكلنا زي م بندي الفرح حقو كامل لو حزنت احزن وازعل كمل الحزن عشان تتخلص منو وتقوم اقوي م تخلي زول يسندك من اول وهلةوتستسلم خليك قوي شويه وواجه مشاكلك في مقوله بحبها بتقول «ماهزم قط من انتصر لذاته 💙»
نزلنا الامتحانات كنت متوترة اول امتحان بس،من وصلت الجامعه لقيت بسام منتظرني وبوصي فيني م اخاف وما اتوتر وطلع شوكلاته اداني قال لي بتروق الاعصاب جينا جمب الزهور خطف لي وردة قال لي م صاح اخطفا بس عشانك كلو بيهون 🙈
