تمينا سنة اولي واجزو لينا بسام لسه م خلص قال لي لحدي شهر 7حتي يخلص قلت ليهو بس للوقت داك نحن بننزل سنة تانيه زاتو قال لي كدا كدا م ح تكوني فاضيه عشان كدا قررت اسافر السعودية لابوي واخواني اعدي لي شهرين معاهم وبجي الشهر بقعد هنا حتي ارجع الخرطوم للسنة الجديدة
اوك حصل خير
فرحتي اسي لو جبت ليك تلفون مالو
انت م جادي والله جدو يكسرو ف راسك
ههههه اسي م بديكي حقو تتونسي معاي نفس،الشي لو اديتك انا واحد
م واحد دا حقو والحاله واحدة اصلا طبيعي ف يدي لكن تجيب لي بي اي مناسبة
خلاص انتي زاتك خوافه خلاص
قعدت اجازة ملل م لي غير عفراء بتجيني وامشي ليها جا رمضان والعيد بس يلا شكلنا كبرنا علي الحاجات الكنا بنعملا اصلا كل شي ممل 💔بسام مشي السعودية وعلاقتو فل الفل مع بسمة حتي سافرو سوا اداني مرة اتكلمت معاها بت ظريفه اول م قالت الوو
اهلين
كيفك ي فروووحة
تمام الحمدلله كيف انتي
انا كويسة طبعا بسام دا جنني بيك كل شويتين يقول لي فرحة بقا عندي فضول اتعرف عليك
ههههههه دا واحد م نصيح م تشتغلي بيهو
اي والله فعلا دا م بس مجنون دا مستشفي عديل 😪اها م عرفتيني
امممم طيب اسمي فرحة محمد علي عمري 15بدرس تانيه ثانوي ف نهر النيل
واو اسمك نااايس 😍صغننة يوووووخ انا اسمي بسمة الهلالي عمري 17بدرس صيدله ف الخرطوم من السعودية
انتي الاحلي ي زووق اتشرفنا اي بسام حكي لي عنك
الله يستر قال ليك شنو عني
جا بسام خطف التلفون هيييي كفاكي يلا كملتي لي فروحتي دي
اتونس معاي شويه وقفل
لحدي م جا يوم بتونس معاي قال لي يلا عشان م تزعلي مني زي المرة الفاتت انا بكرة جاي وطوالي بكرة جا طبعا اتغير الود طال وبقا عامل كيف كيف 🌚😂😂👋غايتو دا م بسام الزمان داك والعجب كلامو بقيت م بفهمو زاتو ياااخ 😂😂😂👋كل شويتين يقول لي كلمة م افهما يقعد يترجما لي والتلفون دا ملان صور تلخم 😣✌قاعدين نتونس قال لي دقيقه اشوفك جامعتنا
فتح لي المعرض م خلي ورقه م صورا ولبسا م لبسا وبت وم اتصور معاها جا لي صورة كدا واقف جنب بت وعاملين حركة القلب بي يدينهم سوا كانو مطقمين كحلي بي رمادي وواقفين جنب بعض الصراحة البت حلوة تقول راضعه عسل 😵😵😵خلتني متنحة فيها مسافه قال لي ودي بسووومة الاتكلمتي معاها
هووي اتبكمتي م تقولي حاجة
اقول ليك شي دي بلقوها وين 😂😂😂👋
