الصباح حبوبه جات صحتني
بت فرررحة خباريك الليله نايمة الشمس شرقت قومي اابت
قمت قعدت ف السرير وبعرك عيوني حبوبه صباح الخير
صبحك بالخير قومي مالك اتي كويسه
كويسه حبوبه الزمن اتاخر
اي الفطور بديناهو اتي لسه نايمة
معليش شالتني نومة "اجي م براك ساهرتي 😂😂😂"
مشيت اتسوكت وصليت وجيت لي جدو صبحت ليهو وشلت المكنسه نضفت اصلا البيت نضيف لكن حبوبه دي م بتحب تقعد ساي لو العدة نضيفه لو م غسلتها تقول بتغسلا😂😂😂كنست ورتبت ودخلت المطبخ لقيتا كبت لي الشاي وادتني زلابيه
واو الليله عملتي زلابيه
لالا والله دي خالتك سعاد ناولتنا ليها
ي حليلا تسلم لينا خالتو سعاد
اي جا بسام ماشي اللمدرسة سال منك
ي حليلو بعدين بمش اسلم ليهم
ها م بجي بدري قال عندهم الحبسة بقعدو للمغرب
حبوبه اسمو معسكر 😂😂
قوومي من هنا اتي بقيتي فصيحة وتغلطي كلامي انا
لا ي حبوبه م كدا ياااخ والله بس
بلا بس معاكي اشربي الشاي برد
شربت وشلت طرحتي ومشيت لجدو اداني قروش مشيت الفرن يلا السوق شويه بعيد مننا شايفه عفراء بتكنس سلمت ليها وقالت لي هي زاتا ماشه المحطة الفيها سوق قلت ليها البسي وتعالي انا دخلت صبحت لناس خالتو سعاد وسألتها لو عايزة حاجة من السوق كتبت لي حاجات ف ورقه وطلعت لقيت عفراء منتظراني مشينا ولاقينا صحباتنا من المدرسه بقينا نتونس وماشين لحدي م ساوقنا وجينا راجعين وديت لخالتو سعاد حاجاتا ومشيت البيت لقيت حبوبه بتسوط ليها عصيدة
حبوبه ليه عامله عصيدة
ابت انا م بدور الدقيق حقك دا
بس انا جبتو كتير
تاكلي بالعافيه اتغدي منو
جدو ح ياكل معاي موش ي جدو
اتي بتقولي شنو ماني سامعك علي صوتك
طلعت ليهو ي جدو انت حتاكل معاي رغيف صاح
اي ملاح عامله
عدس ي جدو
الا العدس كرهونا ليه ف ايام الجيش
جدو انت كنت من الجيش 😹😹😹
اتي فاكراني م كت بشتغل ولا ولدوني كبير كدي انا قريت للابتدائي واشتغلت اي شغله كنا بنرتع البقر وتاني مشيت الدفاع الشعبي وشاركت ف حرب الجنوب شوفي دي علامات الحرب ف جسمي
