الصباح صحيت اتجهزتا وطلعتا براي ملاذ م ماشه الليله في المواصلات فاتحة تلفوني بتصفح فيهو م عايزة افتح الواتس وبفكر امسحو بقا يضايقني انا ناقصه بسمة واستوريهاتا 😴بسام اتصل لي رديت
ي هلا
فرررحتي صباح الفرح
ههه اسي دا شنو دا
بصبح ليك ي هبلة
انا هبلة
اي وعويرة
اها وتاني شنو
اييييك حاجات كتيرة م بتتحسب ياخ
طيب بعد تحسبا ارجع لي
هووي ي زعوله عايزة تقفلي جادة
اي
الله يقدرك واعمليها
ح تعمل شنو
انتي بس اقفلي مني عشان تشوفي
اصلا انا في المواصلات يلا لبعدين
خلاص منتظرك ف الكافتريا اول م تجي تلقيني هناك
لا عندي محاضرة ح امش القاعه طوالي
ي بت زمن المحاضرة لسه انا زاتي عندي لكن بعد اسلم ليك ونتونس شويه حتي المحاضرة تبدا
ي سلام الدكتور ح ينتظرك ح امش عشان اقعد قدام اضافه لانو ناس،سجدة بجو بدري وقالو لي م اتاخر
ي زولة لو م لاقيتيني م ف اي محاضرة مونتهي يلا باي
طوالي قفل الخط 😒😒جنس محن هو بتعامل معاي كدا ليه شاي الصباح انا عشان يتصبح بي 😷 قعدت اعاين بالشباك لما وصلتا نزلتي من المواصلات اتصل لي
مالك ياخ
وينك انتي جايه بسلحفاة
زي كدا
ياخ سريع المحاضرة قربت
جاااايه م تكرهنا
اكرهك انتي ومنو
انا ونفسي دي
لما تجي
خلاص اقفل خليني اعرف اقطع الزلط
خلاص عشان م تموتي لي باي
ههههههه م نصيح يلا
قفلت منو ومشيت اول م دخلتا لاقتني بسمة جايه من كليتهم اتصادفنا ف الشارع سلمت علي
صباحو ي فروووح
اهلين بسومة كيف اصبحتي
تمامو وانتي ازيو
الحمدلله
عندك محاضرة اولي
اي شغاله الاولي والتالته
اها كويس والله انا شغاله التانيه والتالته فاضين الاولي دي
احسن تكون الاولي فاضيه جية الصباح بدري دي متعبه
