مرت الايام بسرعه شديد وجدو وحبوبه مشو مع خالي سعد انا الايام الاولي دخلت في حالة نفسية عديل ياخ اصلي م اتخيلت يوم افارقهم كان شعور مؤلم شديد رجعت ناس خالي احمد قعدت معاهم 💔ياخ بالجد بيت الناس،مين م كانو وكيف م كانو م ببقي ليك زي بيتكم علي قدر البساطة ولنفترض وجود جوطة وكل الحاجات المزعجة البيت احلي بتدخل وتطلع علي كيفك تاكل العايزو وترفض الحاجة الماعايزا تنوم وتصحي وقت م عايز في بيوت الناس بتكون متقيد تاكل معاهم حتي لو م عجبك تنوم وقت ينومو وتصحي وقت يصحو رغم انو ملاذ صحبتي شديد ومتعودة عليها بس،حسيت اني،متقله عليهم النتيجة ظهرت حقت التقديم وشالوني طب الخرطوم زي م اتمنيت طبعا جدو ادا خالي سعد جاب لي تلفون حلو وبسام متواصله معاهو صباح ومسا من المرة الزعلني فيها تاني م كرر حركتو لو زعلان بجي يحكي لي طبعا م بقدر الاقيهو حسب اني قاعدة ف بيت ناس خالي م بقدر اطلع بدون سبب لكن مرات بلقي وقت اتكلم معاهو واليوم كلو بنكون ف الواتس سوا دخلني قروب اسمو احلي شلة شكلو حق شلتو ف الجامعه وعرفني باصحابو بقيت بدردش معاهم ظريفين ايام التسجيل بسام وملاذ م قصرو معاي خلصو لي اجراءاتي كلها وفضل سبوعين وننزل الدراسة بتكلم مع جدو وحبوبه فيديو كول كل يومين تلاته صعبه علي شديد لكن م بقدر اتقل عليهم خالي سعد اغلب الوقت مشغول كل م ارسل ليهو بقول لي هو برة البيت بقيت بخلي علي راحتو وقت يرجع بتصل لي اتكلم معاهم شويه شوية اتعودت للوضع الجديد مرة بالمغرب جا خالي احمد البيت كلهم قاعدين ف التلفزيون عندهم مسلسل متابعينو مشيت جهزت ليهو الاكل قال لي
فرحة تعالي اكلي معاي
انا شبعانه ي خالو اكلت قبيل
اكلي ياخ بدل تخليني اكل براي
غسلت يدي جيت قعدت معاهو اغلب الوقت هو بياكل وانا بونسو لحدي م خلص شلت الصينيه غسلت العدة عملت ليهو شاي
ي سلااام والله طولت طول من شاي المغرب دا
ليه
هنا م ف زول شغال بيهو
خلاص انا ح اعملو ليك كل يوم تاني
طلع قروش قال لي دي رسلوها ليك اشتري مستلزمات الجامعه كان نقصك شي كلميني جات خالتو مهلة داخله
احمد انت جيت متين
جيت قبل شويه انتو بتفضو لي زول
قاعدين بهناك ف التلفزيون م انتبهنا ليك
عاينت لينا ومشت شلت القروش شكرتو ومشيت عندي ورقة كاتبه فيها الحاجات العايزة اشتريهم جات ملاذ لقتني
فروووح بتعملي شنو
جدو رسل لي القروش
اخيرا طيب نمش السوق بكرة بما انو نازلة الجامعه يوم الاحد
طيب اتفقنا
ضربت حساباتي واتصل لي بسام
فروووووخ
